„Þessi drasl fjár­mála­ráð­herra má vin­sam­leg­ast hætta að úða út svona fokk­ing bulli.“ Þetta segir Björn Leví Gunn­ars­son, þing­maður Pírata, í stöðu­upp­færslu á Face­book þar sem hann deilir frétt RÚV um við­brögð Bjarna Bene­dikts­son­ar, fjár­mála- og efna­hags­ráð­herra, við gagn­rýni á nýja fjár­mála­á­ætlun hans þar sem haft var eftir Bjarna að til standi að nýta fjár­muni betur í nýju áætl­un­inni.

Björn Leví spyr hvers konar „hel­vítis bull er þetta. Hvað var þá fyrri fjár­mála­á­ætl­un? Slæm nýt­ing á fjár­mun­um?“ Hann bendir á að í nýju áætl­un­inni eigi til að mynda að efla skatta­eft­ir­lit sem eigi á móti að skila meiri tekj­um. „Það eina sem það segir mér er að fyrri áætlun hafi verið sett fram með íviln­unum fyrir skattsvik­ara. Það er ekki fyrr en herðir í ári að þessi fjár­mála­ráð­herra neyð­ist til þess að ganga á þær íviln­anir ... það verður samt að skerða til­færslu­kerfi almanna­trygg­inga lík­a.“

Þetta segir Björn Leví að sé ekki heið­ar­leg fram­setn­ing hjá fjár­mála- og efna­hags­ráð­herra.

Gagn­rýni á gagn­rýni

Bjarni setti stöðu­upp­færslu á Face­book fyrr í dag þar sem hann tjáði sig um hina nýju fjár­mála­á­ætlun sem liggur fyrir þing­inu, og er ætlað að bregð­ast við gjör­breytti efna­hags­stöðu, en nýj­ustu spár Hag­stofu Íslands og Seðla­banka Íslands benda til þess að sam­dráttur verði í íslensku efna­hags­lífi á þessu ári í stað hag­vaxt­ar, sem fyrri áætlun reikn­aði með að yrði. Helstu ástæður sam­drátt­ar­ins eru ann­ars vegar gjald­þrot WOW air og hins vegar loðnu­brest­ur.

End­­ur­­metnar afkomu­horfur hins opin­bera, bæði ríkis og sveit­­­ar­­­fé­laga, gera ráð fyrir að afkoma hins opin­bera – ríkis og sveit­­­ar­­­fé­laga – versni að óbreyttu um 40 til 46 millj­­­arða króna á ári.

Höggið er mest á ríkið en ef ekk­ert verður að gert mun afkoma rík­­­is­­­sjóðs verða 35 millj­­­ónum krónum lak­­­ari í ár en fyrri afkomu­horfur gerðu ráð fyr­­­ir. Sama yrði upp á ten­ingnum á næsta ári.

Í stöðu­upp­færslu Bjarna segir í nýju áætl­un­inni sé horft til þess að tryggja jafn­vægi og festu í rík­is­fjár­málum á næstu árum. „Víða er þar komið við, bæði á tekju- og gjalda­hlið. Það er skylda okkar að ganga eins vel um sam­eig­in­lega sjóði og mögu­legt er.“

Hann fjallar svo um gagn­rýni sem Ágúst Ólafur Ágústs­son, þing­maður Sam­fylk­ing­ar­inn­ar, setti fram á áætl­un­ina í gær. Hann sagð­ist hafa óskað eftir frek­­ari skýr­ingum frá fjár­­­mála- og efna­hags­ráðu­­neyt­inu, þar sem hann eigi „erfitt með að trúa“ ýmsu sem komi fram í til­­lög­un­um og birti svo á Face­book-­síðu sinni lista yfir tólf atriði, þar sem hann segir að nið­­ur­­skurð­­ar­hníf­­ur­inn höggvi í.  Hægt er að lesa um hver þau tólf atriði eru hér.

Bjarni sagði að Sam­fylk­ingin vilji helst auka skatt­lagn­ingu um 25-35 millj­arða og verja því meira og minna öllu í var­an­leg útgjöld. Síðan fjall­aði hann um mein­tan nið­ur­skurð í bóta­kerfum og sagði að engin áform væru uppi um slík­an. „Gert ráð fyrir að útgjöld á mál­efna­svið­inu vaxi á hverju ári næstu árin. Á með­fylgj­andi mynd má sjá hvaða áhrif ráð­staf­an­irnar munu hafa. Fyrri áform með gráum lit, nýjar til­lögur með blá­um.

Sjá má að frá 2013 hafa fram­lög til mála­flokks­ins vaxið úr 45,7 millj­örðum á ári upp í 69 millj­arða í ár. Sam­kvæmt áformum stefna þau í 77 millj­arða árið 2024.“