Meiri­hluti fjár­laga­nefndar kynnti til­lögur sínar við fjár­mála­á­ætlun rík­is­stjórn­ar­innar í dag. Um er að ræða 28 millj­arða nið­ur­skurð í stað 43 millj­arða á næstu fimm árum. Þetta kom fram í færslu Ágústs Ólafar Ágústs­son­ar, þing­manni Sam­fylk­ing­ar­inn­ar, á Face­book í dag.

Ágúst Ólafur sagði meðal ann­ars að vinna stjórn­ar­and­stöð­unnar og Öryrkja­banda­lags­ins hafi skilað miklu og mis­munur upp­hæðar þess­arar til­lögu og fyrri vera 15 millj­arð króna minni nið­ur­skurður „sem öryrkjar, sjúkra­hús, fram­halds­skól­ar, lög­gæsla, hús­næð­is­stuðn­ingur ungs fólks og fleiri stoðir vel­ferð­ar­kerf­is­ins njóta góðs af á erf­iðum tím­um.“

Nið­ur­skurður þrástef nýrrar fjár­mála­á­ætl­unar

­Sam­kvæmt færsl­unni verður fram­lag til umhverf­is­mála lækkað um einn millj­arð í stað fyrir 1,4 millj­arð. Skorið verður einnig niður hjá fram­halds­skól­um, eða um 1,2 millj­arð króna.

Fram­lag til sjúkra­húsa verður lækkað um tvo millj­arða í stað 4,7 millj­arða, á meðan heilsu­gæslan og sér­fræði­að­stoð fá 1,5 millj­arða króna lækk­un, að því er kemur fram í færslu Ágústs Ólafar.

Skorið verður einnig í nýsköpun og rann­sókn­um, eða um 3,2 millj­arða króna, sem er meiri nið­ur­skurður en fyrri til­laga lagði til. Skorið verður einnig niður í sam­göngu­mál­um.

Þar að auki verður skorið niður í mál­efnum aldr­aðra, þró­un­ar­sam­vinnu, menn­ingu og íþrótta­starfi, hús­næð­is­stuðn­ingi og hjúkr­un­ar­heim­il­um.

Í færslu sinni á Face­book gagn­rýndi Ágúst að sam­dráttur í hag­kerf­inu lendi einna mest á öryrkj­um. „Við höldum alla­vega áfram að berj­ast fyrir rétt­lát­ara sam­fé­lagi og gegn því að und­ir­stöður vel­ferð­ar- og skóla­kerf­is­ins verði látin taka stærstu höggin vegna slæmrar hag­stjórnar rík­is­stjórn­ar­flokk­anna og versn­andi aðstæðna í hag­kerf­in­u,“ skrif­aði Ágúst Ólafur í lok færsl­unn­ar.