Styttri vinnu­vika minnkar vinnu­tengt álag og dregur úr lík­am­legum álagsein­kenn­um. Afköst minnka ekki þrátt fyrir stytt­ingu og stytt­ing eykur starfs­á­nægju í starfi, að því er kemur fram í frétta­til­kynn­ingu frá Reykja­vík­ur­borg.

Til­rauna­verk­efnið var sam­þykkt vorið 2014 af borg­ar­stjórn þar sem vinnu­vikan var stytt án launa­skerð­ing­ar. Mark­miðið var að kanna áhrif stytt­ingu vinnu­vik­unnar á vellíð­an, heilsu, starfsanda og þjón­ustu, að því er kemur fram í til­kynn­ing­unni. Starfs­á­nægja og sveigj­an­leiki í starfi jókst og álag minnk­aði í kjöl­far­ið.

Í til­kynn­ing­unni er vísað til skýrslu um stytt­ingu vinnu­vik­una sem var lögð fyrir borg­ar­ráð í gær. Í henni hafi komið fram að minna álag skapi meiri starfs­á­nægju. Í skýrsl­unni er fjallað um þrjár kann­anir sem mátu áhrif stytt­ingar vinnu­vik­unnar á starfs­fólk Reykja­vík­ur­borg­ar. Nið­ur­stöður þeirra allra var að stytt­ing vinnu­vik­unnar hafi jákvæð áhrif á líðan starfs­manna.

Styttri vinnu­vika virð­ist einnig minnka vinnu­tengt álag og dregur úr lík­am­legum álagsein­kenn­um. Afköst minnk­uðu heldur ekki þrátt fyrir stytt­ingu.

Rann­sókn Rann­sókna- og þró­un­ar­mið­stöðar Háskól­ans á Akur­eyri sýndi fram á að styttri vinnu­vika auð­veldi barna­fjöl­skyldum að sam­ræma vinnu og einka­líf, að því er kemur fram í til­kynn­ing­unni. Þátt­tak­endur hafi einnig upp­lifað sig afslapp­aðri og rólegri.