Alls bár­ust Ferða­mála­stofu 1.038 kröfur vegna Gaman ferða en ­ferða­skrif­stof­an hætti rekstri í apríl síð­ast­liðn­um. Frestur til að gera kröfu í trygg­ing­arfé ferða­skrif­stof­unnar rann út þann 20. júní síð­ast­lið­inn. Gaman ferðir var í 49 pró­sent hlut í eig­u WOW a­ir. 

Hættu starf­semi í kjöl­far gjald­þrots WOW air

Ferða­skrif­­stof­an Gam­an ­ferðir var ­stofnuð árið 2012 af Þór Bær­ing Ólafs­­syni og Braga Hin­rik Magn­ús­­syni en árið 2015 keypti flug­fé­lagið WOW air helm­ings­hlut í ferða­skrif­­stof­unni en fyr­ir­tæk­in höfðu unnið sam­an frá stofn­un WOW a­ir. 

Tveimur vikum eftir fall WOW air skil­að­i ­fyr­ir­tæk­ið inn ferða­skrif­stofu­leyfi sínu og hætti rekstri. Ferða­skrif­stofan skipu­lagði að mestu leyti ferðir í kringum flug félags­ins og í til­kynn­ingu frá fyr­ir­tæk­inu í apríl kom fram að ljóst væri að ­lausa­fjár­staða ­fé­lags­ins næstu sex mán­uð­ina yrði ekki nægj­an­lega sterk til þess að rétt­læta áfram­hald­andi starf­sem­i. Því hafi ákvörð­unin verið tekin um að hætta rekstri. 

Gaman ferðir báru lög­bundnar trygg­ingar sem ferða­skrif­stofum er skylt að hafa og gátu far­þegar því leitað til Ferða­mála­stofu vegna end­ur­greiðslna.

Yfir þús­und kröfur bár­ust Ferða­mála­stofu en sam­kvæmt upp­lýs­ingum sem stofn­unin veitti RÚV í apríl eru tæp­lega 200 millj­ónir króna í trygg­inga­sjóði Gaman ferða. Í til­kynn­ingu frá Ferða­mála­stofu segir að nú taki við yfir­ferð og vinnsla krafna hjá Ferða­mála­stofu en í ljósi ­fjöld­ans megi búast við að nokkurn tíma taki að fara yfir og taka afstöðu til þeirra. Því megi í fyrsta lagi búast við mál fari að skýr­ast með haustin­u.