„Fáránleikinn og samtryggingin kemur til bjargar fyrir elítuna“

Björn Leví Gunnarsson, þingmaður Pírata, telur að það að vera dæmdur fyrir að segja satt geti ekki verið góð málsmeðferð og vísar hann til þess að sannleiksgildi ummæla Þórhildar Sunnu Ævarsdóttur hafi ekki verið sannreynt við málsmeðferð forsætisnefndar.

Björn Leví Gunnarsson, þingmaður Pírata.
Björn Leví Gunnarsson, þingmaður Pírata.
Auglýsing

„Fá­rán­leik­inn og sam­trygg­ingin kemur til bjargar fyrir elít­una. Ekki fyrir sendi­boð­ann sem bendir á nakta keisar­ann. Þ.e.a.s. bara fyrir strák­inn sem benti, ekki stelpuna.“ Þetta skrifar Björn Leví Gunn­ars­son, þing­maður Pírata, í stöðu­upp­færslu á Face­book-­síðu sinni í dag eftir að nið­ur­staða for­sætis­nefndar Alþingis var gerð kunn­gjörð í fjöl­miðlum í morg­un.

­Nefndin hefur fall­ist á nið­­ur­­­­stöður siða­­nefnd­ar þings­ins þess efn­is að Þór­hild­ur Sunna Ævar­s­dótt­ir, þing­flokks­for­maður Pírata, hafi brotið gegn siða­regl­ur alþing­is­­­manna með um­­­mæl­um sín­um um Ásmund Frið­­riks­­­son, þing­­­mann Sjálf­­­stæð­is­­­flokks­ins.

„Njótið meðan end­ist, kæra elíta. Þið blinda, sjálf­hverfa og með­virka fólk. Þið fenguð kjörið tæki­færi til þess að sýna að þið eruð trausts­ins verð en klúðruðuð því marg­falt. Til að byrja með í rann­sókn­inni. Svo í til­mælum um að sann­leik­ur­inn skiptir ekki máli, að halda ekki sam­kvæmni á milli sendi­boða og að lokum að taka ekki sönsum á loka­metr­unum þrátt fyrir öll rök og gögn máls­ins,“ skrifar Björn Leví.

Auglýsing

Fann ekk­ert að akst­urs­greiðslum Ásmundar þrátt fyrir játn­ingu

Í færsl­unni segir hann margt í mál­inu vera galið. Sem dæmi gagn­rýnir hann bókun Þor­steins Sæmunds­son­ar, þing­manns Mið­flokks­ins, þar sem seg­ir: „Ómögu­legt er einnig að setja þing­menn í þá stöðu að þurfa að kveða upp úr um „sekt“ eða „sak­leysi“ kollega sinna. Í því er einnig fal­inn nokkur freistni­vandi eins og þegar hefur komið fram. Brýnt er því að taka núver­andi fyr­ir­komu­lag til end­ur­skoð­unar auk þess sem bæta þarf fyr­ir­liggj­andi regl­ur.“ Björn Leví segir Þor­stein dæma sig sekan þrátt fyrir að hann telji ómögu­legt að setja þing­mann í stöðu dóm­ara.

„For­sætis­nefnd fann svo ekk­ert að akst­urs­greiðslum Ásmundar þrátt fyrir játn­ingu hans um mögu­legt brot og end­ur­greiðslur vegna þeirra. Enda má ekki kom­ast að sann­leiks­gildi þess hvort þing­menn svindla á end­ur­greiðslu­kerf­inu eða ekki en á sama tíma er hægt að dæma fólk fyrir ummæli sem eru ber­sýni­lega sönn – þar sem þau vitna í játn­ingu um mögu­legt brot - og að það sé brot á siða­reglum að segja að það þurfi að rann­saka hvort um raun­veru­legt brot sé að ræða.

En nei, það er ekki rann­sakað frek­ar. End­ur­greiðsla kom eftir að mögu­legt brot upp­götv­að­ist og þar af leið­andi þarf ekk­ert að gera. Mér þætti áhuga­vert hvort búða­þjófar kom­ast upp með að borga bara eða skila vör­unni ef þeim tekst ekki að kom­ast upp með stuld­inn, hvort slíkur stuldur sé alls ekki brot ef vör­unni er bara skilað þegar við­kom­andi er grip­inn glóð­volg­ur.

Nei, það er ekki látið á það reyna. Það er bara afskrifað sem afgreitt og þar af leið­andi eng­inn grunur leng­ur,“ skrifar Björn Leví.

Spyr hvað sé satt

Hann spyr jafn­framt hvað sé satt í þessu máli, hvað sé alvöru sann­leik­ur. „Það getur vel verið að sitt sýn­ist hverjum en eitt ættu allir að geta séð, að vera dæmdur fyrir að segja satt getur ekki verið góð máls­með­ferð. Hvort Sunna sagði satt skipti ekki máli. Það skipti meira máli að dæma hana og skamma. Hvað ger­ist næst þegar hún segir „rök­studdur grun­ur“ ... Hvort sem það er satt eða ekki? Ég veit að það ger­ist ekk­ert ef ég segi það, miðað við þessa nið­ur­stöð­u,“ segir hann og bætir því við að hann hafi meira að segja end­ur­tekið það sem Þór­hildur Sunna sagði en að ekk­ert hafi gerst.

Það er svo margt í þessu galið. Til dæm­is­: ",,Ó­mögu­legt er einnig að setja þing­menn í þá stöðu að þurfa að kveða upp úr...

Posted by Björn Leví Gunn­ars­son on Wed­nes­day, June 26, 2019


Drónaárás skekur markaði um allan heim
Þegar olíuverð hækkar um 10 til 20 prósent yfir nótt þá myndast óhjákvæmilega skjálfti á mörkuðum. Hann náði til Íslands, og stóra spurningin er - hvað gerist næst, og hversu lengi verður framleiðsla Aramco í lamasessi?
Kjarninn 16. september 2019
Landsréttarmálið flutt í yfirdeild MDE 5. febrúar 2020
Ákveðið hefur verið hvaða dómarar muni sitja í yfirdeild Mannréttindadómstóls Evrópu þegar Landsréttarmálið svokallaða verður tekið þar fyrir snemma á næsta ári. Á meðal þeirra er Róbert Spanó, sem sat einnig í dómnum sem felldi áfellisdóm í mars.
Kjarninn 16. september 2019
Hallgrímur Hróðmarsson
Enn er von – Traust almennings til Alþingis mun aukast
Kjarninn 16. september 2019
Agnes M. Sigurðardóttir er biskup Íslands.
Óásættanlegt að þjóðkirkjuprestur hafi brotið á konum
Biskup Íslands og tveir vígslubiskupar hafa sent frá sé yfirlýsingu þar sem þau harma brot fyrrverandi sóknarprests gagnvart konum. Prestinum var meðal annars gefið að hafa sleikt eyrnasnepla konu sem vann með honum.
Kjarninn 16. september 2019
OECD vill að ríkið selja banka, létti á regluverki og setji á veggjöld
Lífskjör eru mikil á Íslandi og flestar breytur í efnahagslífi okkar eru jákvæðar. Hér ríkir jöfnuður og hagvöxtur sem sýni að það geti haldist í hendur. Ýmsar hættur eru þó til staðar og margt má laga. Þetta er mat OECD á íslensku efnahagslífi.
Kjarninn 16. september 2019
Kemur ekki til greina að gera starfslokasamning við Harald að svo stöddu
Ekki kemur til greina hjá dómsmálaráðherra að gera starfslokasamning við Harald Johannessen, ríkislögreglustjóra, að svo stöddu.
Kjarninn 16. september 2019
Hitler, Hekla og hindúismi: Nýaldarnasistinn Savitri Devi
Tungutak fasista er farið að sjást aftur. Savitri Devi er ein einkennilegasta persónan sem komið hefur fram í uppsprettu öfgahópa. Flosi Þorgeirsson, sagnfræðingur, hefur kynnt sér sögu hennar.
Kjarninn 16. september 2019
Níu manns sækja um stöðu í Seðlabanka Íslands
Níu manns hafa sótt um stöðu framkvæmdastjóra fjármálastöðugleikasviðs í Seðlabanka Íslands. Á meðal umsækjenda eru Ásdís Kristjánsdóttir, Guðrún Ögmundsdóttir og Bryndís Ásbjarnardóttir.
Kjarninn 16. september 2019
Meira úr sama flokkiInnlent