Meiri­hluti lands­manna, eða 64 pró­sent, segj­ast hafa breytt hegðun sinni mikið eða nokkuð síð­ast­liðna tólf mán­uði til að lág­marka áhrif sín á umhverfi og ­lofts­lags­breyt­ing­ar. Þá kveð­ast ein­ungis 12 pró­sent svar­enda ekki hafa gert breyt­ingar á hegðun sinni. Lands­menn virðast þó treg­ari til að gera breyt­ingar á mat­ar- og ferða­venjum en alls segj­ast 60 pró­sent hafa gert litlar eða eng­ar breyt­ing­ar á mat­ar­venjum sínum og 69 pró­sent á ferða­venjum sín­um. Þetta kemur fram í nýrri umhverfiskönnun MM­R ­sem fram­kvæmd var dag­ana 23. til 29. maí 2019.

86 pró­sent flokka meira sorp

Íslend­ingar virð­ast nokkuð með­vit­aðir um áhrif sín á umhverfið en sam­kvæmt könnun MMR hafa 14 pró­sent lands­manna gert miklar breyt­ingar á hegðun sinni. Þá segj­ast 50 pró­sent hafa gert nokkrar breyt­ingar á hegðun sinni og fjórð­ungur litl­ar  breyt­ing­ar. Aðeins 12 pró­sent segj­ast ekki hafa gert neinar breyt­ingar á hegðun sinni til að lág­marka áhrif á umhverfið og lofts­lags­breyt­ing­ar.

Í nið­ur­stöðum könn­un­ar­inn­ar­kemur jafn­fram­t í ljós að Íslend­ingar eru með­vit­aðir um flokkun sorps og segj­ast alls 86 pró­sent svar­enda hafa síð­ast­liðna tólf mán­uði gert miklar eða nokkrar breyt­ingar á flokkun sorps hjá sér. Þá kveð­ast 62 pró­sent hafa gert miklar eða nokkrar breyt­ingar á kaup­hegðun sinni. Aftur á móti segj­ast mun færri hafa gert breyt­ingar á mat­ar- og ferða­venjum sínum en alls sögð­ust 60 pró­sent hafa gert litlar eða engar breyt­ingar á mat­ar­venjum sínum og 69 pró­sent á ferða­venjum sín­um. 

Konur frekar breytt hegðun sinni 

Sam­kvæmt nið­ur­stöðum könn­un­ar­innar hafa 75 pró­sent kvenna gert miklar eða nokkrar breyt­ingar á hegðun sinni sam­an­borið við 53 pró­sent karla. Karlar eru jafn­fram­t tals­vert lík­legri en konur til að hafa ekki gert neinar breyt­ingar á hegðun sinni, eða alls 17 pró­sent karla sam­an­borið 7 pró­sent. 

Enn fremur er fólk á aldr­inum 18 til 29 ára lík­legri til að hafa gert miklar breyt­ingar á hegðun sinni en alls 19 pró­sent ungs fólks segj­ast hafa gert miklar breyt­ingar á hegðun sinni. Sam­kvæmt nið­ur­stöð­u­m könn­un­ar­inn­ar ­fer hlut­fall þeirra sem hafa gert miklar breyt­ingar stig­lækk­andi með auknum aldri. 

Þá er nokk­ur munur á svörum eftir stjórn­mála­skoð­un­um. Af stuðn­ings­fólki Sam­fylk­ing­ar­innar segj­ast 85 ­pró­sent hafa gert miklar eða nokkrar breyt­ingar á hegðun sinni og 79 pró­sent stuðn­ings­fólks Vinstri grænna. Af stuðn­ings­fólki Mið­flokks­ins segj­ast 24 pró­sent ekki hafa gert neinar breyt­ingar á hegðun sinni, 20 pró­sent stuðn­ings­fólks Fram­sóknar og 19 pró­sent stuðn­ings­fólks Sjálf­stæð­is­flokks­ins.