Evr­ópu­sam­bandið og Víetnam hafa skrifað undir frí­versl­un­ar­samn­ing sem er enn fremur fyrsti sinnar teg­undar á milli ESB og þró­un­ar­ríkis í Asíu. Þetta kemur fram í umfjöllun Reuter­s. 

Enn á eftir að sam­þykkja samn­ing­inn innan Evr­ópu­þings­ins sem gæti reynst erfitt vegna áhyggja sumra þing­manna af mann­rétt­inda­brotum víetnamskra stjórn­valda. Samn­inga­við­ræð­urnar tóku þrjú og hálft ár og munu fella niður 99 pró­sent tolls fjöl­margra vara, en tollur sumra vara verður felldur niður í skref­um. Í fyrra var útflutn­ingur Víetnam til ESB 42,5 millj­arðar Banda­ríkja­dala.

Víetnam er sext­ánda stærsta við­skipta­ríki ESB í heild­ina litið og næst stærsta við­skipta­ríki innan banda­lags Suð­aust­ur-Asíu­ríkja (ASEAN), að því er kemur fram á vef­svæði fram­kvæmda­stjórnar Evr­ópu­sam­bands­ins.

Helstu útflutn­ings­vörur ESB til Víetnam eru hátækni­vör­ur, flug­vél­ar, bif­reiðar og lyf. Helstu útflutn­ings­vörur Víetnam til ESB eru sím­tæki, raf­tæki, skófatn­að­ur, vefn­að­ur, föt, kaffi, hrís­grjón og hús­gögn.