Segir Sjálfstæðisflokkinn klofinn og formanninn í vandræðum

Þorgerður Katrín Gunnarsdóttir, formaður Viðreisnar, segir Sjálfstæðisflokkinn ekki geta borið ábyrgð á framkvæmd EES-samningsins lengur vegna einna „grimmustu“ innanflokksátaka sem sögur fara af.

Þorgerður Katrín Gunnarsdóttir, formaður Viðreisnar.
Þorgerður Katrín Gunnarsdóttir, formaður Viðreisnar.
Auglýsing

Þor­gerður Katrín Gunn­ars­dótt­ir, for­maður Við­reisn­ar, segir Sjálf­stæð­is­flokk­inn ekki hafa nægj­an­legan stuðn­ing í bak­land­inu, ekki núna og ekki á næstu árum, til þess að geta borið á fram­kvæmd EES-­samn­ings í rík­is­stjórn. Hún segir að rit­stjórar Morg­un­blaðs­ins ýti und­ir­ sundr­ung í flokknum þegar kemur að þriðja orku­pakk­anum og flokk­ur­inn sé nú klof­inn. Þetta kemur fram í aðsendri grein Þor­gerðar Katrínar í Frétta­blað­inu í dag. 

Spotta og hæða for­mann­inn

Í grein­inni sem ber yfir­skrift­ina „Ræður Sjálf­stæð­is­flokk­ur­inn ekki við EES?“ skrifar Þor­gerður Katrín að við ­Sjálf­stæð­is­flokkn­um blasi ein grimm­ustu inn­an­flokksá­tök sem sögur fari af í ára­tugi. Hún segir rit­stjóra Morg­un­blaðs­ins, Davíð Odds­son og Har­ald Johann­essen, hafa farið fyrir þeirri fylk­ingu sem and­víg er inn­leið­ingu þriðja orku­pakk­ans og þeir stað­hæfi að þing­menn sem styðja málið eigi lít­inn sem engan stuðn­ing í röðum almennra flokks­manna og for­ystu­fólks í flokks­fé­lög­um. 

Þá segir Þor­gerður Katrín að Bjarni Bene­dikts­son, for­maður Sjálf­stæð­is­flokks­ins sé í vand­ræðum þar sem aft­ur­halds­öflin í Sjálf­stæð­is­flokkn­um ­séu harð­ur­ and­stæð­ing­ur. Auk þess segir hún rit­stjór­ana spotta og hæða Bjarna með því að benda í sífellu að hann hafi ver­ið á móti mál­inu í byrjun en sé því fylgj­andi nún­a. 

Auglýsing

Segir þessi átök marka þátta­skil í stjórn­mála­sög­unni 

Þórdís Kolbrún R. Gylfadóttir, dómsmála-, ferðamála-, iðnaðar- og nýsköpunarráðherra

Jafn­framt segir Þor­gerður Katrín að rit­stjór­arnir hafi sér­stak­lega beitt sér gegn Þór­dísi Kol­brúnu Reyk­fjörð Gylfa­dóttur ráð­herra og Áslaugu Örnu Sig­ur­björns­dótt­ur, þing­manns Sjálf­stæð­is­flokks­ins. 

„At­hygl­is­vert er að rit­stjór­arnir hafa kapp­kostað að lít­il­lækka rit­ara og vara­for­mann Sjálf­stæð­is­flokks­ins sem hafa verið öfl­ugir tals­menn inn­leið­ingar og alþjóða­sam­starfs,“ skrifar hún. „Þær eru sagðar svo óskýrar í hugs­un, ungar og óreyndar að engum hefði á árum áður dottið í hug að fela slíku fólki trún­að­ar­störf af þessu tag­i.“ 

Að mat­i Þor­gerðar Katrín hafa hins vegar for­ystu­kon­ur ­Sjálf­stæð­is­flokks­ins ­sýnt að mál­efna­lega standi þær feti framar en margir þeir karlar sem lengst hafa gegnt æðstu for­ystu­hlut­verkum í flokkn­um.

Hún segir aftur á móti að þessu „mál­efna­lega og þrótt­mikla fólki“ hafi ekki tek­ist að hrekja ­full­yrð­ing­ar ­rit­stjóra Morg­un­blaðs­ins að þorri ­flokks­manna og for­ystu­manna flokks­fé­laga stand­i eins og klettur gegn þing­mönn­un­um. „Að þing­menn ­Sjálf­stæð­is­flokks­ins hafi ekki bak­landið með sér í orku­pakka­mál­inu. En það er einmitt sá veru­leiki sem veldur því að þessi átök marka þátta­skil í stjórn­mála­sög­unn­i,“ segir Þor­gerður Katrín.

Munu ekki hafa nægan ­stuðn­ing til að geta borið ábyrgð á fram­kvæmd EES-­samn­ings­ins

Jafn­framt segir Þor­gerður Katrín í grein­inni að þó það sé ljóst að þing­menn Sjálf­stæð­is­flokks­ins muni sam­þykkja inn­leið­ingu orku­pakk­ans í ágúst þá muni í kjöl­farið ný til­efni verða fundin til þess að við­halda átök­unum um EES-­samn­ing­inn með til­heyr­and­i ­þrýst­ingi. Að hennar mati er það ólík­legt að þing­menn ­Sjálf­stæð­is­flokks­ins muni standa þann þrýst­ing. 

„Á síð­ustu öld var Sjálf­stæð­is­flokk­ur­inn óum­deil­an­lega kjöl­festan þegar kom að utan­rík­is­póli­tík lands­ins. Þetta eru því ein­hver mestu mál­efna­legu ham­skipti sem orðið hafa í ein­um ­stjórn­mála­flokki. Kjarni máls­ins er sá að þing­menn Sjálf­stæð­is­flokks­ins hafa ekki og munu ekki á næstu árum hafa nægj­an­legan stuðn­ing í bak­land­inu til þess að geta borið ábyrgð í rík­is­stjórn á fram­kvæmd EES-­samn­ings­ins. Það sjá all­ir, “ segir Þor­gerður Katrín.

Að lokum segir hún að nú, líkt og fyrir þremur árum síðan þegar Við­reisn var stofnuð og allar götur síð­an, standi þeir frjáls­lyndu í flokknum frammi fyrir því „að þurfa að kyngja póli­tísku erindi sínu til þess að friða bak­landið í þver­klofnum flokki – eða leita ein­fald­lega á önnur mið.“

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Jóhannes: Þeim er velkomið að reyna að villa um fyrir fólki
Jóhannes Stefánsson, fyrrverandi starfsmaður Samherja og uppljóstrari í málum fyrirtækisins í Namibíu, var í viðtali við Kastljós í kvöld.
Kjarninn 11. desember 2019
Molar
Molar
Molar – 2020 verði ár tollastríðsins
Kjarninn 11. desember 2019
Jóhannes Stefánsson
Rannsaka ítrekaðar tilraunir til að ráða Jóhannes af dögum
Lögreglan í Namibíu rannsakar nú ítrekaðar tilraunir til að ráða Jóhannes Stefánsson uppljóstrara í Samherjamálinu af dögum.
Kjarninn 11. desember 2019
Þórhildur Fjóla Kristjánsdóttir
Jörðum jarðefnaeldsneytið 2035 og verum fyrirmynd
Kjarninn 11. desember 2019
Oddný Harðardóttir
Vilja að embætti skattrannsóknarstjóra verði veitt ákæruvald
Lögð hefur verið fram þingsályktunartillaga þar sem lagðar eru til breyt­ingar á emb­ætti skatt­rann­sókn­ar­stjóra rík­is­ins í þá veru að emb­ætt­inu verði veitt ákæru­vald og heim­ild til sak­sóknar í þeim málum sem það rann­sak­ar.
Kjarninn 11. desember 2019
Greta Thunberg manneskja ársins hjá TIME
Tímaritið TIME Magazine hefur valið manneskju ársins frá árinu 1927 og þetta árið varð loftslagsaktívistinn Greta Thunberg fyrir valinu.
Kjarninn 11. desember 2019
Herdís sótti um að verða næsti útvarpsstjóri
Fyrrverandi forsetaframbjóðandinn Herdís Kjerulf Þorgeirsdóttir er á meðal þeirra 41 sem sóttu um stöðu útvarpsstjóra RÚV.
Kjarninn 11. desember 2019
Íslandi gert að breyta skilyrðum um búsetu framkvæmdastjóra og stjórnarmanna
Samkvæmt Eftirlitsstofnun EFTA þarf Ísland að breyta reglum sem skylda stjórnarmenn og framkvæmdastjórn félaga til þess að vera ríkisborgarar eða búsettir í EES ríki.
Kjarninn 11. desember 2019
Meira úr sama flokkiInnlent