Umhverf­is­stofnun hefur lagt stjórn­valds­sekt á þrotabú flug­fé­lags­ins WOW Air að upp­hæð 3.798.631.250 króna vegna van­rækslu flug­rek­anda á að standa skil á los­un­ar­heim­ildum fyrir árið 2018. Um er að ræða lang­hæstu sekt sem Umhverf­is­stofnun hefur lagt á. Þetta kemur fram í frétta­til­kynn­ingu frá Umhverf­is­stofn­un. 

Í til­kynn­ing­unni segir að síð­asti dagur til þess að gera upp los­un­ar­heim­ildir var 30. apríl 2019 en á þeim tíma­punkti hafði engum los­un­ar­heim­ildum verið skilað vegna los­unar WOW Air und­an­gengið ár.  

Ísland er aðili að við­skipta­kerfi Evr­ópu­sam­bands­ins um los­un­ar­heim­ildir (ETS) sem miðar að því að draga úr losun gróð­ur­húsa­loft­teg­unda frá iðn­aði og flugi. Meg­in­reglan er að sá borgi sem meng­ar. Þeir aðilar sem losa meira en áætlað var þurfa að kaupa sér fleiri los­un­ar­heim­ild­ir. 

Sam­kvæmt Umhverf­is­stofnun er fjár­hæð stjórn­valds­sekt­ar­innar lög­bundin og sam­svarar 100 evrum í íslenskum krónum vegna hverrar los­un­ar­heim­ild­ar, en eitt tonn af CO2 ­jafn­gildir einni los­un­ar­heim­ild. Sam­kvæmt vott­aðri los­un­ar­skýrslu flug­rek­and­ans WOW Air var heild­ar­losun árs­ins 2018 278.125 tonn CO2. Til við­bótar við sekt­ina þarf einnig að standa skil eða kaupa nýjar los­un­ar­heim­ildir sem sam­svara losun frá rekstri flug­rek­anda á árinu 2018.

Stjórn­valds­sektin var lögð á í sam­ræmi við 43. gr. laga nr. 70/2012 um lofts­lags­mál og til­skipun Evr­ópu­þings­ins og ráðs­ins 2003/87/EB. Í til­kynn­ing­unni segir að þrotabú WOW Air hafi rétt á að skjóta ákvörð­un­inni til umhverf­is- og auð­linda­ráðu­neyt­is­ins innan þriggja mán­aða frá mót­töku henn­ar.

Flug­fé­lagið WOW air hætti starf­sem þann 28. mars síð­ast­lið­inn og var í kjöl­farið tekið til gjald­þrota­skipta. Sveinn Andri Sveins­son og Þor­steinn Ein­ars­son eru skip­aðir skipta­stjórar í þrota­búi flug­fé­lags­ins.