Afgönsku fjölskyldunum tveimur ekki vísað úr landi í þessari viku

Sarwary og Safari fjölskyldunum verður ekki vísað úr landi í þessari viku.

Flóttafólk mótmælir þann 13. febrúar 2019
Flóttafólk mótmælir þann 13. febrúar 2019
Auglýsing

Engum úr afgönsku fjöl­skyld­unum tveim­ur, sem bíða brott­vís­un­ar, verður vísað úr landi í þess­ari viku, sam­kvæmt heim­ildum Kjarn­ans. 

Frétta­flutn­ingur af brott­vís­un S­han­haz Safari og börnin hennar tveimur ásamt brott­vísun afgönsku drengj­anna Ma­hd­i og Ali S­arwar­y á­samt föður þeirra hefur vakið hörð við­brögð og skorað hefur verið á stjórn­völd að hætta brott­vísun barna á flótta.  

End­ur­send til Grikk­lands

Kæru­­nefnd út­lend­inga­­mála hefur úrskurðað að S­han­haz Safari og börn hennar tvö­­, Za­ina­b og Amir, fái ekki alþjóð­­lega vernd hér á landi. Íslensk stjórn­­völd hafa hafnað því að taka mál ­­fjöl­­skyld­unnar til efn­is­­legrar með­­­ferðar á þeim for­­sendum að fjöl­­skyldan hafi þegar fengið alþjóð­­lega vernd í Grikk­land­i. 

Sótt hefur verið um end­ur­upp­töku í máli fjöl­­skyld­unnar í tvígang en í báðum til­­vikum hefur þeim verið hafn­að. Í seinni upp­­­töku­beiðn­­inni var byggt á því mati sál­fræð­ings að ef brott­vísun yrði fram­­kvæmd yrð­i Za­ina­b ­­fyrir sál­rænum skaða. Á það var hins vegar ekki fall­ist og beiðn­­inni hafnað í lok síð­­asta mán­að­­ar. Ef ákvörðun íslenskra stjórn­­­valda fær að standa verður fjöl­­skyld­unni vísað úr landi í næstu viku. 

Auglýsing

Enn fremur var greint frá því á mán­u­dag­inn síð­­asta að vísa átti afgönsku drengj­un­um Ma­hd­i og Ali S­arwar­y á­­samt föður þeirra úr landi en brott­vísun þeirra til Grikk­lands var frestað vegna mik­ils kvíða hjá öðrum drengn­um. Ekki er þó vitað hvenær brott­vísun barn­anna mun fara fram en sam­tök­in No ­­Border­s Iceland telja það muni ger­­­ast seinna í vik­unni.

Benda á slæma ­stöð­u flótta­manna í Grikk­landi

Brott­vís­un ­fjöl­skyld­anna tveggja hefur verið harð­lega gagn­rýnd á síð­ustu dög­um. UN­ICEF á Íslandi hefur skorað á stjórn­­völd að taka mót­­töku barna sem sækja um alþjóð­­lega vernd til end­­ur­­skoð­un­ar. Í til­kynn­ingu frá sam­tök­unum er bent á að alþjóða­stofn­anir hafa upp­lýst með reglu­bundnum hætti um slæma stöðu barna á flótta í Grikk­landi. Fjöl­­skyldur búi víða í tjald­­búðum og aðeins rúmur helm­ingur barn­anna fái aðgang mennt­un. For­eldrar hafi ­ekki mög­u­­leika á að sækja vinnu og sjá fjöl­­skyldu sinni far­­borða. Þrátt fyrir þetta séu börn sem þegar hafa hlot­ið al­þjóð­lega vernd þar í landi end­ur­send til Grikk­lands. 

Þá hefur umboðs­maður barna sent bréf til dóms­mála­ráð­herra og for­stjóra Útlend­inga­stofn­unar þar sem hann óskar eftir fundi hið fyrsta til að fara yfir mál barna sem end­ur­senda á til Grikk­lands þar sem fjöl­skyld­unum hefur verið veitt alþjóð­leg vernd.

Hefur ekki heim­ild til að stíga inn í ein­staka mál

Þór­­dís Kol­brún Reyk­­fjörð Gylfa­dótt­ir, dóms­­mála­ráð­herra, ­sagði í gær í stöðu­færslu á Face­book að hún gæti ekki tjáð sig um mál­efni ein­staka fjöl­skyldna en að mál þeirra séu til skoð­unar innan þess kerfis sem lög­gjaf­inn hafi búið til um mála­flokk­inn. Hún segir að svo hægt sé að tryggja jafn­ræði í með­ferð slíkra mála hafi hún ekki heim­ild til að stíga inn í ein­staka mál. 

Þórdís Kolbrún R. Gylfadóttir, dómsmála-, ferðamála-, iðnaðar- og nýsköpunarráðherraÍ stöðu­færsl­unni tekur hún þó fram að hún hafi lengi talað fyrir því að það þurfi sér­stak­lega að fara yfir­ fram­kvæmd út­lend­inga­lag­anna þegar að kemur að börn­um. Hún bendir á að ­tekið sé fram í stjórn­ar­sátt­mála ­rík­is­stjórn­ar­inn­ar að nú þegar komið er reynsla á lögin þá sé hægt að end­ur­skoða þau.

Þá greinir Þór­dís frá því að í síð­ustu viku hafi verið ráð­herra­fundur um út­­lend­inga­­mál og að til­efni fund­ar­ins hafi meðal ann­ars ver­ið að end­ur­­hugsa þver­póli­tíska út­­lend­inga­­nefnd sem sett var á lag­g­irnar árið 2014, til dæmis með því að bæta inn í hana full­trúa barna­mála­ráð­herra og end­ur­skoða almennt hlut­verk henn­ar. „Út frá þessu höfum við rætt að rýna ákveðna þætti bet­ur,“ skrifar Þór­dís að lok­um. 

Skýr­ingar Þór­dísar í stöðu­færsl­unni hafa hins vegar verið harð­lega gagn­rýnd­ar, þar á meðal af Þór­hildi Sunnu Ævars­dótt­ir, þing­manni Pírata. Þór­hildur Sunna skrifar í athuga­semd við stöðu­færsl­una að Þór­dís geti ákveðið hér og nú að brott­ví­sa engum börnum til Grikk­lands. „Þú gætir líka meira að segja bara ákveðið hér og nú að brott­ví­sa engum börnum til Grikk­lands eða Ítalíu þar sem allir vita að engin mannúð bíður barna. Þarft ekki að rýna neitt. Þetta er margrýnt og lengi vit­að. Segðu bara stopp Þór­dís, sýndu hug­rekki!,“ skrif­ar Þór­hild­ur Sunna. 

Boðað hefur verið til mót­­mæla­­göngu í dag klukkan 17.00 þar sem fólk er hvatt til þess að ganga fylktu liði frá Hall­gríms­­kirkju að Aust­­ur­velli til að mót­­mæla brott­vís­unum barna á flótta. Yfir 1400 manns hafa boðað komu sína á mót­mæl­in.

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Tæknivarpið
Tæknivarpið
Tæknivarpið – Íslenskt fyrirtæki á CES og FBI vill bakdyr að iPhone
Kjarninn 22. janúar 2020
Kallað eftir því að ÁTVR aðgreini tekjur af tóbaki og áfengi
Fyrirspurn liggur fyrir á Alþingi þar sem farið er fram á að ÁTVR sundurliði tekjur af tóbaks- og áfengissölu. ÁTVR hefur ekki viljað gera það hingað til. Í ársreikningi má þó sjá að allt bendir til þess að tóbakssala sé að niðurgreiða áfengissölu.
Kjarninn 22. janúar 2020
Mótmæli hælisleitenda þann 13. mars á síðasta ári.
Umsóknir um alþjóðlega vernd hlutfallslega flestar á Íslandi miðað við hin Norðurlöndin
Alls bárust 867 umsóknir um alþjóðlega vernd til Útlendingastofnunar á síðasta ári. Umsækjendur voru af 71 þjóðerni.
Kjarninn 22. janúar 2020
Hremmingarnar halda áfram hjá Boeing
Boeing, stærsta útflutningsfyrirtæki Bandaríkjanna, á í miklum vandræðum þessi misserin, og reynir nú að styrkja fjárhagsstöðu sína með lánum frá bandarískum bönkum og endurskipulagningu í rekstri.
Kjarninn 22. janúar 2020
Komin inn á hættulega braut ef bóndi getur ekki verið landbúnaðarráðherra
Kristján Þór Júlíusson telur sig ekki vanhæfan til að koma að undirbúningi eða framlagningu frumvarpa um makrílkvóta þótt Samherji eigi þar undir mikla fjárhagslega hagsmuni. Sama gildi um kvótaþak. Það sé alltaf Alþingi sem á endanum setji lög.
Kjarninn 22. janúar 2020
Kristján Þór segist engra hagsmuna hafa að gæta gagnvart Samherja
Sjávarútvegs- og landbúnaðarráðherra segir að einu tengsl sín við Samherja í dag sé vinátta hans við Þorstein Má Baldvinsson, sem steig tímabundið úr stóli forstjóra Samherja í síðasta mánuði.
Kjarninn 22. janúar 2020
Ketill Sigurjónsson
Er íslenskt raforkuverð hátt eða lágt?
Kjarninn 22. janúar 2020
Bogi Níls Bogason er forstjóri Icelandair.
Icelandair mun ekki geta notað Max-vélarnar í sumar
737 Max-vélar Boeing fara ekki í loftið í sumar. Icelandair reiknar því ekki lengur með þeim í flug félagsins á háannatíma. Félagið býst samt sem áður við því að flytja að minnsta kosti jafn marga farþega og í fyrra til landsins.
Kjarninn 22. janúar 2020
Meira úr sama flokkiInnlent