Rann­veig Sig­urð­ar­dótt­ir, núver­andi aðstoð­ar­seðla­banka­stjóri, og Unnur Gunn­ars­dótt­ir, for­stjóri Fjár­mála­eft­ir­lits­ins, munu taka við stöðum nýrra vara­seðla­banka­stjóra um ára­mót­in. Staða hins þriðja verður aug­lýst. Frá þessu er greint á RÚV í kvöld.

Ný lög um Seðla­banka Íslands taka gildi um næstu ára­mót og fylgja í kjöl­farið ýmsar breyt­ing­ar. Ein sú stærsta er að auk seðla­banka­stjóra verða þrír vara­seðla­banka­stjórar skip­aðir og völdum stjórnar bank­ans þannig dreift.

Fram kom í fréttum í dag að Katrín Jak­obs­dóttir for­sæt­is­ráð­herra hefði skipað Ásgeir Jóns­­son, for­­seta hag­fræð­i­­deildar Háskóla Íslands, sem seðla­­banka­­stjóra en Már Guð­munds­son hættir í sumar eftir 10 ár í starfi.

Emb­ætti aðstoð­ar­seðla­banka­stjóra verður lagt niður við fyrr­nefndar breyt­ingar á lögum en Rann­veig Sig­urð­ar­dótt­ir, sem gegnt hefur því emb­ætti síðan í fyrra, tekur þá við stöðu vara­seðla­banka­stjóra sem leiðir pen­inga­stefnu.

Á sama tíma sam­ein­ast Fjár­mála­eft­ir­litið Seðla­bank­anum og verður því hagað þannig að Unnur Gunn­ars­dótt­ir, for­stjóri Fjár­mála­eft­ir­lits­ins, tekur þá við stöðu vara­seðla­banka­stjóra sem leiðir mál­efni fjár­mála­eft­ir­lits. Staða þess sem leiðir fjár­mála­stöð­ug­leika verður aug­lýst, sam­kvæmt RÚV.