Jair Bol­son­aro, for­seti Bras­il­íu, segir að glæpa­menn muni „deyja eins og kakka­lakka“ þegar ný lög um örygg­is­mál taka gildi. Nýju lögin munu koma í veg fyrir að almennir borg­arar og örygg­is­sveitir Bras­ilíu verði ákærð fyrir morð skjóti þau glæpa­menn, að því er kemur fram í frétt the Guar­di­an. 

Bol­son­aro vill jafn­framt að almennir borg­arar nýti sér lögin og skjóti glæpa­menn. Orðin lét for­set­inn falla í beinni útsend­ingu í gær. Þar sagð­ist hann vona að brasil­íska þingið muni sam­þykkja nýju lög­gjöf hans sem breytir hegn­ing­ar­lög­gjöf Bras­il­íu. Með breyt­ing­unum munu ýmsar gjörðir sem telj­ast ólög­legar í dag verða lög­leg­ar, til að mynda að skjóta fólk til að verja eignir sín­ar. 

Aktívistar í Bras­ilíu hafa gagn­rýnt lög­gjöf­ina og segja hana geta orsakað blóð­bað. Bol­son­aro segir lög­gjöf­ina hins vegar munu vernda lög­reglu­menn og að hún muni minnka ofbeldi á götum Bras­il­íu. Þá muni glæpa­menn deyja á göt­unum eins og kakka­lakkar „og þannig á það að ver­a,“ sagði for­set­inn í við­tal­inu. Hann sagði jafn­framt að „heið­virðir borg­ar­ar“ verði vernd­aðir með nýju lög­unum ef þeir þurfi að nota vopn til að verja líf sitt eða eign­ir. 

Rúm­lega sex þús­und manns lát­ist af völdum lög­regl­unnar

Bar­áttu­fólk fyrir mann­rétt­indum í land­inu segja að orð­ræða Bol­son­aro hafi þegar ýtt undir ofbeldi, sér­stak­lega gegn ung­um, fátækum og svörtum mönn­um. Þeir ótt­ast að nýja lög­gjöfin get ýtt undir enn frekara ofbeld­i. 

Á fyrstu sex mán­uðum árs­ins 2019 lét­ust 414 manns af völdum lög­reglu­manna í São Paulo og 434 lét­ust í Rio de Jan­eiro á fyrstu þremur mán­uðum árs­ins, sem er mesti fjöldi síð­ustu tveggja ára­tuga.  Á síð­asta ári drap brasil­íska lög­reglan 6.200 manns sam­kvæmt opin­berum tölum í Bras­il­íu.