Egg­ert Bene­dikt Guð­munds­son hefur verið ráð­inn for­stöðu­maður Sam­starfs­vett­vangs stjórn­valda og atvinnu­lífs um lofts­lags­mál og grænar lausn­ir. Alls bár­ust 54 umsóknir um stöð­una og var ráðn­ing­ar­ferli í höndum Hag­vangs. Þetta kemur fram í til­kynn­ingu frá Íslands­stofu.

Í til­kynn­ing­unni segir að Egg­ert búi að víð­tækri reynslu úr atvinnu­líf­inu sem stjórn­andi auk þess að hafa ára­langa reynslu af stjórn­ar­störfum fyrir fjölda fyr­ir­tækja og félaga hér­lendis og erlend­is. Egg­ert er með meistara­gráðu í raf­magns­verk­fræði frá Þýska­landi auk þess sem hann hefur einnig lokið MBA- og AMP-gráðum á Spáni.

„Um 10 ára skeið stýrði Egg­ert tveimur af stærstu fyr­ir­tækjum lands­ins, N1 hf. (2012 – 2015) og HB Granda hf. (2005 – 2012). Nú síð­ast gegndi hann for­stjóra­stöðu fyrir nýsköp­un­ar­fyr­ir­tækið eTact­ica sem starfar á sviði raf­orku­eft­ir­lits­kerfa. Önnur fyrri störf eru m.a. fyrir Phil­ips Elect­ron­ics í Kali­forníu og Belgíu og Marel hf. á Spáni. Hann var yfir­verk­fræð­ingur Bresi Group hjá Íslenska járn­blendi­fé­lag­inu hf., starf­aði við rann­sóknir við Háskól­ann í Karls­ru­he, auk kennslu við gagn­fræða­skól­ann á Húsa­vík. Egg­ert hefur einnig sinnt ráð­gjafa­störfum m.a. fyrir FAO í Róm og Sam­tök fyr­ir­tækja í sjáv­ar­út­vegi, auk þess sem hann kom að und­ir­bún­ings­vinnu í aðdrag­anda stofn­unar Sam­starfs­vett­vangs­ins sem ráð­gjafi,“ segir í til­kynn­ing­unni.

Núver­andi stjórn­ar­störf Egg­erts telja sæti í stjórn HB Granda hf. Hann situr í External Advis­ory Committee MBA náms HR auk þess sem hann er stjórn­ar­for­maður Hót­els Holts og for­maður Leik­fé­lags Reykja­vík­ur. Af fyrri stjórn­ar­störfum má nefna setu í stjórn Við­skipta­ráðs Íslands, Háskóla­ráði HR, fagráðum og stjórn Íslands­stofu o.fl.

Sig­urður Hann­es­son, fram­kvæmda­stjóri Sam­taka iðn­að­ar­ins, og Unnur Brá Kon­ráðs­dótt­ir, aðstoð­ar­maður rík­is­stjórn­ar, eru for­menn Sam­starfs­vett­vangs­ins. Unnur Brá segir við til­efnið að öfl­ugt sam­starf atvinnu­lífs og stjórn­valda sé nauð­syn­legt til að Íslend­ingar nái þeim árangri sem nauð­syn­legur sé í lofts­lags­mál­um. „Það er ánægju­legt að finna þann mikla vilja atvinnu­lífs­ins til að gera betur og stjórn­völd vænta mik­ils af sam­starf­inu. Ég hlakka til að vinna með Egg­erti Bene­dikt að verk­efnum vett­vangs­ins en hann hefur mikla reynslu sem mun nýt­ast vel sem og brenn­andi áhuga á mál­efn­in­u.“

Sig­urður segir að lofts­lags­mál séu ein af stærstu áskor­unum á næstu árum. „Þau verða ekki leyst nema með sam­vinnu allra aðila og þess vegna er Sam­starfs­vett­vangur stjórn­valda og atvinnu­lífs um mál­efni svo mik­il­væg­ur. Atvinnu­líf hefur enda mik­inn vilja og metnað til að gera enn bet­ur. Það er mik­ill fengur að því fyrir þetta mik­il­væga verk­efni að njóta krafta Egg­erts Bene­dikts enda býr hann yfir víð­tækri reynslu af stjórnun sem mun nýt­ast vel til að ýta verk­efn­inu úr vör.“