Bjarni Bene­dikts­son, for­maður Sjálf­stæð­is­flokks og fjár­mála- og efna­hags­ráð­herra, segir að Þór­dís Kol­brún Reyk­fjörð Gylfa­dótt­ir, vara­for­maður Sjálf­stæð­is­flokks, verði ekki dóms­mála­ráð­herra mikið leng­ur. Þór­dís Kol­brún hefur gegnt emb­ætt­inu sam­hliða öðrum ráð­herra­störfum frá því að Sig­ríður And­er­sen sagði af sér í vor en hún muni halda áfram sem ferða­­mála-, iðn­­að­­ar- og nýsköp­un­­ar­ráð­herra. Þetta kom fram í við­tali við Bjarna í Kast­ljósi kvölds­ins.

Þar sagð­ist hann muna gera til­lögu um næsta dóms­mála­ráð­herra við þing­flokk sinn áður en að þing verður sett í sept­em­ber. Hann vildi þó ekki greina frá því strax hver myndi setj­ast í stól­inn að öðru leyti en að við­kom­andi verði ekki sóttur utan þing­flokks Sjálf­stæð­is­flokks­ins. Bjarni end­ur­tók aðspurður það sem hann sagði nýverið á fundi í Val­höll að ekk­ert kæmi í veg fyrir að Sig­ríður And­er­sen gæti orðið ráð­herra aft­ur. 

Vill fá meira en 25 pró­sent fylgi

For­maður Sjálf­stæð­is­flokks­ins ræddi einnig stöðu flokks­ins í könn­unum um þessar mundir og sagði að flokkur hans hafi metnað til að fá meira fylgi en þau 25,2 pró­sent sem hann fékk í síð­ustu kosn­ing­um. Síð­ustu tvær kann­anir MMR hafa sýnt fylgi Sjálf­stæð­is­flokks­ins í 19,1 pró­sent fylgi sem er það lægsta sem flokk­ur­inn hefur mælst með frá hrun­i. 

Bjarni sagð­ist ekki gefa mikið fyrir kann­anir á miðju kjör­tíma­bili. Það eina sem skipti máli er það sem verði eftir kosn­ing­ar. Stjórn­málin hafi breyst mikið á þeim tíma sem hann hafi verið for­maður Sjálf­stæð­is­flokks og Bjarni minnti á að fylgi flokks­ins hafi verið meira í síð­ustu kosn­ingum en þeim fyrsta sem hann leiddi flokk­inn í gegnum árið 2009, þegar Sjálf­stæð­is­flokk­ur­inn fékk 23,7 pró­sent atkvæða og sína verstu útkomu í sög­unni. „Það er rétt við höfum ekki þann stuðn­ing sem við höfðum áður mestan og við höfum metnað til að hafa meira en þau 25 pró­sent sem við fengum í síð­ustu kosn­ing­um.“

Bjarni sagði að fylgið væri að dreifast meira en áður og að eng­inn flokkur hafi tekið við af Sjálf­stæð­is­flokknum sem leið­andi afl í íslenskum stjórn­mál­u­m. 

Staða Íslands batnað mikið með hann í rík­is­stjórn

Bjarni var spurður að því hvort hann hefði enn gaman af stjórn­málum og hvort hann ætli að sitja áfram sem for­mað­ur. Hann sagð­ist ekki hlaupa frá því að hafa stofnað til rík­is­stjórn­ar­sam­starfs við tvo flokka og að ekki væri langt síðan að hann hafi boðið sig fram sem for­mað­ur. 

Hef­urðu enn gaman á þessu, ætlarðu að sitja áfram? „Gleðin kemur úr því að sjá fram­gang mik­il­vægra mála,“ sagði Bjarni og bætti við að staðan á Íslandi hefði batnað mikið frá því að hann sett­ist í rík­is­stjórn 2013.

Bjarni ræddi einnig orku­pakka­málið og þá ólgu sem það hefur skapað í Sjálf­stæð­is­flokkn­um. Hann sagði frá­leitt að tala um klofn­ing innan flokks­ins vegna máls­ins og að á um 70 opnum fundum sem hann hefði haldið með gras­rót­inni víða um land á þessu ári hefði einnig komið fram ríkur stuðn­ingur við það hvernig orku­pakka­málið hefur verið unn­ið.

Þing­flokk­ur­inn hafi vandað sig við það en málið sé nú full­skoðað og full­rætt. Bjarna þykir sýnt að málið verði sam­þykkt á Alþingi í byrjun sept­em­ber. 

Hann upp­lifir ekki að verið sé að grafa undan honum per­sónu­lega vegna máls­ins þótt skiptar skoð­anir séu á því hvernig þing­flokk­ur­inn vinni það. Gagn­rýnin sé á breið­ari grunni og snú­ist meira að flokks­for­yst­unni í heild en sér ein­um.