Kadeco fær aukið hlutverk við ráðstöfum lóða ríkisins

Fyrir tveimur árum var pólitískur vilji til þess að leggja niður Kadeco, Þróunarfélag Keflavíkurflugvallar. Í nýju fjárlagafrumvarpi er félaginu hins vegar tryggt umfangsmikið hlutverk við að ráðstafa lóðum og landi í eigu ríkisins.

Ásbrú
Auglýsing

Í fjár­laga­frum­varpi fyrir árið 2020 er lagt til að gengið verði til samn­inga við Reykja­nes­bæ, Suð­ur­nesjabæ og Isa­via ohf. um skipu­lag og þróun lands í nágrenni Kefla­vík­ur­flug­vall­ar. „Jafn­framt að ganga til samn­inga við Þró­un­ar­fé­lag Kefla­vík­ur­flug­vallar ohf. um umsjón og fjár­mögnum verk­efn­is­ins og um fyr­ir­komu­lag og ráð­stöfun á lóðum og landi í eigu rík­is­ins.“

 Þró­un­ar­fé­lag­ið, sem heitir Kadeco, mun því fá aukið hlut­verk við ráð­stöfun á lóðum og landi í eigu rík­is­ins á svæð­inu við og í kringum Kefla­vík­ur­flug­völl. 

Það er umtals­verður við­snún­ingur frá fyrri áformum um félag­ið, en til stóð að leggja það niður fyrir tveimur árum síð­an.

Upp­runa­lega hlut­verk­inu lokið

Kjarn­inn greindi frá því í lok júní 2017 að til stæði að leggja starf­­­semi Kadeco niður í þeirri mynd sem það hafði starf­að. Skipt hafði verið um stjórn í félag­inu mán­uði áður og tekin hafði verið ákvörðun um að upp­­­runa­­­legu hlut­verki þess, að selja fast­­­eignir á Ásbrú, væri lok­ið. Vilji væri þó að taka upp við­ræður við heima­­­menn um hvernig væri hægt end­­­ur­­­skoða starf­­­sem­ina með það í huga.

Auglýsing
Bene­dikt Jóhann­es­­son, þáver­andi fjár­­­mála- og efna­hags­ráð­herra, sagði við Kjarn­ann að hann hafi lýst þess­­­ari skoðun sinni á fundum með starfs­­­fólki Kadeco í lok jún­í­mán­að­ar 2017. 

Sum­arið 2018 var hins vegar skip­aður nýr stjórn­ar­for­maður yfir Kadeco, Ísak Ernir Krist­ins­son. Hann var til­nefndur í starfið af Bjarna Bene­dikts­syni, fjár­mála- og efna­hags­ráð­herra. Ísak var 24 ára þegar hann tók við starf­inu, starf­aði sem flug­þjónn hjá WOW air og stund­aði háskóla­nám í við­skipta­fræði. Hann hafði auk þess verið virkur í flokks­starfi Sjálf­stæð­is­flokks­ins um ára­bil og gegnt trún­að­ar­störfum í ung­linga­hreyf­ingu flokks­ins. Ísak sagð­ist í sam­tali við RÚV skilja gagn­rýni á að svo ungur maður væri orð­inn stjórn­ar­for­maður í mik­il­vægu fyr­ir­tæki en laun stjórn­ar­for­manns á mán­uði eru 270 þús­und krón­ur. 

Ljóst var á þessum tíma að hug­myndir um fram­tíð Kadeco væru að breyt­ast. Engin áform voru lengur til staðar um að hætta starf­semi heldur væri framundan skoðun á hlut­verki „fé­lags­ins við áfram­hald­andi þróun á landi rík­is­ins í kringum Kefla­vík­ur­flug­völl þar sem meðal ann­ars verður horft til sam­starfs Kadeco við sveit­ar­fé­lög og aðra lyk­il­að­ila á svæð­in­u.“

Unnið eftir Aer­otropolis hug­mynda­fræði

Þann 26. júní síð­ast­lið­inn var svo skrifað undir vilja­yf­ir­lýs­ingu um sam­starf um skipu­lag, þró­un, hag­nýt­ingu og mark­aðs­setn­ingu lands í nágrenni Kefla­vík­ur­flug­vall­ar. Undir hana skrif­uðu Bjarni Bene­dikts­son, fjár­mála- og efna­hags­ráð­herra, ásamt full­trúum Isa­via, Reykja­nes­bæjar og Suð­ur­nesja­bæj­ar. Í frétta­til­kynn­ingu sem Marta Jóns­dótt­ir, fram­kvæmda­stjóri Kadeco, sendi frá sér af þessu til­efni kom fram að frá stofnun hafi Kadeco unnið mark­visst að því að laða að erlenda fjár­fest­ingu og alþjóð­leg fyr­ir­tæki á svæðið sem félagið fer með.

Auglýsing
Þar hafi svokölluð Aer­otropolis hug­mynda­fræði verið höfð að leið­ar­ljósi, en hún byggir á því að skapa megi mikil verð­mæti úr landi við flug­völl þar sem alþjóð­leg fyr­ir­tæki kjósi að stað­setja sig við vel tengda flug­velli. „Starf­semi þeirra fyr­ir­tækja sem sótt hefur verið hvað harð­ast eftir hefur verið greind með til­liti til stefnu Kadeco um hvers konar starf­semi er ákjós­an­leg­ust á svæð­inu. Gagna­ver Verne Global og þör­unga­verk­smiðja Alga­líf eru kannski skýr­ustu dæmin um slík fyr­ir­tæki en þau skara fram úr á alþjóð­legum mæli­kvarða á sínu svæði. Þau hafa fjár­fest fyrir millj­arða króna og verið sannur fengur fyrir svæð­ið[...]Fleiri fyr­ir­tæki af þessum skala, sem og hót­el­keðj­ur, dreif­ing­ar­að­ilar og hátækni­fyr­ir­tæki munu kjósa að stað­setja sig við Kefla­vík­ur­flug­völl ef boðið verður upp á aðlað­andi umhverfi, bæði í eig­in­legum og við­skipta­legum skiln­ing­i.“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Meira úr sama flokkiInnlent