Von er á nýrri bók frá Andra Snæ Magna­syni sem mun koma út í byrjun októ­ber næst­kom­andi. Nýja bókin heitir Um tím­ann og vatnið en Andri Snær hefur verið ötull umhverf­is­vernd­ar­sinni til fjölda ára. Bók hans Drauma­landið – sjálfs­hjálp­ar­bók handa hræddri þjóð sem kom út snemma árs 2006 vakti mikla athygli og umræður í þjóð­fé­lag­inu öllu.

Um tím­ann og vatnið fjallar um stóru breyt­ing­arnar sem vís­inda­menn sjá fyrir sér á næstu 100 árum hvað varðar eðli alls vatns á jörð­inni. Þegar jöklar bráðna, hafs­borðið rís, höfin súrna og veðra­kerfin fara úr jafn­vægi.

Andri Snær segir í stöðu­upp­færslu á Face­book-­síðu sinni að mál­efnið sé svo stórt að það sé „stærra en tungu­málið og öll okkar fyrri reynsla.“ Til að skilja mál­efnið þurfi að skrifa í kringum það, til að fjalla um fram­tíð­ina þurfi að skrifa um for­tíð­ina og til að skilja vís­indi þurfi að vísa í goða­fræði.

Hann segir að verkið hafi fylgt sér mörg síð­ustu ár og þró­ast í fyr­ir­lestrum og sam­tölum við vís­inda­menn í háskólum víða um heim. „Þetta er ferða­saga, heims­saga og fjöl­skyldusaga, hér eru jöklar, kór­al­rif og krókó­dílar og tvö stór við­töl sem ég tók við Dalai Lama. Nafn hans þýðir „hið víð­áttu­mikla haf“ á mongólsku,“ skrifar hann.