Segir ríkislögreglustjóra bera skyldu til að tilkynna um spillingu

Verðandi formaður stjórnskipunar- og eftirlitsnefndar segir að Haraldur Johannessen eigi að tilkynna um spillingu sem hann viti af. Í viðtali í gær lét hann í það skína að slík væri til staðar.

Þórhildur sunna og haraldur
Auglýsing

„Ef að rík­is­lög­reglu­stjóri veit af spill­ingu innan lög­regl­unnar ber honum skylda til þess að til­kynna slíkt.“ Þetta segir Þór­hildur Sunna Ævars­dótt­ir, þing­maður Pírata og lík­ast til verð­andi for­maður stjórn­skip­un­ar- og eft­ir­lits­nefnd­ar, í nýrri stöðu­upp­færslu á Face­book. 

Þar segir hún enn fremur að henni finn­ist vel skoð­andi að láta Har­ald Johann­es­sen rík­is­lög­reglu­stjóra koma fyrir nefnd­ina til að skýra orð sín í við­tali við Morg­un­blaðið í gær, en til stendur að kjósa Þór­hildi Sunnu sem for­mann nefnd­ar­innar á fundi hennar á morg­un. 

Ef að rík­is­lög­reglu­stjóri veit af spill­ingu innan lög­regl­unnar ber honum skylda til þess að til­kynna slíkt. Mér finnst því vel skoð­andi að hann komi fyrir stjórna­kip­un­ar- og eft­ir­lits­nefnd og skýri orð sín.

Posted by Þór­hildur Sunna Ævars­dóttir on Sunday, Sept­em­ber 15, 2019

 Í við­tal­inu í Morg­un­­blað­inu sagði að verið sé að reyna að hrekja hann úr emb­ætti með því að dreifa vís­vit­andi rang­­færslum og róg­­burði um hann. 

Auglýsing
Þeir sem séu að gera það séu lög­­­reglu­­menn sem telji sig eiga harma að hefna gegn hon­um, meðal ann­­ars vegna þess að hann hafi gripið inn í vegna starfs­hátta eða fram­komu þeirra eða vegna þess að þeir hafi ekki fengið stöður sem þeir sótt­­ust eft­­ir. Ef til starfs­loka hans komi kalli það á enn ít­­­ar­­­legri um­­­fjöll­un af hans hálfu um valda­bar­átt­una bak við tjöld­in.

Telur aðför vera í gangi gegn sér

Þar sagði Har­aldur að gagn­rýni hans á fram­­göngu lög­­­reglu­­manna eigi þátt í því sem hann kallar aðför gegn sér. Hann sagð­ist hafa bent á að spill­ing ætti ekki að líð­­ast innan lög­­regl­unn­­ar. „Hluti af umræð­unni sem er að brjót­­­ast fram núna er kannski einnig vegna þeirr­ar af­­­stöðu minn­­­ar. Ég hef til dæm­is bent á að það fari ekki sam­an að lög­­­­­reglu­­­menn séu með­fram starfi sínu í póli­­­tísku vaf­stri. Það fer að mínu viti ekki sam­­­an.“ Umræða um bíla­­­mál lög­­­regl­unn­ar sé hluti af þeirri rógs­her­­­ferð að óreiða sé í fjár­­­­­mál­um rík­­­is­lög­­­reglu­­­stjóra.

Har­aldur sagði í við­tal­inu að „sví­v­irð­i­­leg­um aðferðum [sé beitt] í valda­tafli, hags­muna­­­gæslu og póli­­­tík“ og að of stór­ hluta af fjár­­­mun­um til lög­­­regl­unn­ar á Íslandi renna í „há­timbraða yf­ir­­­manna­­­bygg­ing­u“. Því þurfi að ráð­­ast í sam­ein­ingu lög­­­­­reglu­emb­ætta.

Stjórn­­­sýslu­út­­­tekt í far­vatn­inu

Tölu­verðar deilur hafa verið innan lög­­­regl­unn­­­ar, og þá einkum í garð Rík­­­is­lög­­­reglu­­­stjóra, að und­an­­­förnu, en í fréttum RÚV hefur meðal ann­­­ars komið fram að þær tengis fata­málum lög­­­­­reglu og bíla­mál­um, ásamt öðrum mál­u­m. 

Fjöl­­­mörg lög­­­­­reglu­emb­ætti í land­inu hafa lýst yfir stuðn­­ingi við stjórn Lands­­­sam­­­bands lög­­­­­reglu­­­manna sem hafa und­an­farið sett þrýst­ing lög­­­­­reglu­­­stjóra lands­ins á að láta fara fram al­hliða stjórn­­­­­sýslu­út­­­­­tekt á emb­ætti rík­­­is­lög­­­reglu­­­stjóra. 

Ákveðið var að Rík­­is­end­­ur­­skoðun ráð­ist í slíka úttekt í lið­inni viku. 

Har­aldur sendi frá sér yfir­­­lýs­ingu á fimmt­u­dag þar sem sagði að álykt­­­anir lög­­­­­reglu­­­fé­laga, gegn emb­ætti rík­­­is­lög­­­reglu­­­stjóra, væru ekki til þess fallnar að skapa frið um störf lög­­­­­reglu. Þá sagði að yfir­­­lýs­ingar sem „ali á ótta“ geti verið til þess fallnar að bitna á öryggi almenn­ings og það sé ámæl­is­vert. „Við þetta ástand verður ekki unað enda kastar það rýrð á lög­­­regl­una og störf hennar sem grefur undan því mikla trausti sem almenn­ingur ber til lög­­­regl­unn­­­ar. Á end­­­anum gæti þetta ástand því komið niður á öryggi almenn­ings,“ sagði í yfir­­­lýs­ing­unni.

Hann sagð­ist þar einnig fagna fyr­ir­hug­aðri út­­­tekt rík­­­is­end­­­ur­­­skoð­anda á emb­ætt­in­u. 

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
AGS segir hættumerkin hrannast upp í heimsbúskapnum
Alþjóðagjaldeyrissjóðurinn segir að nú séu hagvaxtarhorfur í heimsbúskapnum svipaðar og voru fyrir fjármálakreppuna 2007 til 2009.
Kjarninn 15. október 2019
Rauður dagur á markaði - Arion banki fellur enn í verði
Rauður dagur var í kauphöll Íslands í dag. Öll félögin lækkuðu nema eitt, Origo. Virði þess félags hækkaði um tæplega 2 prósent í dag, í viðskiptum upp á 677 þúsund.
Kjarninn 15. október 2019
Landsvirkjun hækkar raforkuverð um 2,5 prósent
Heildsöluverð á raforku hjá Landsvirkjun mun hækka um 2,5 prósent um næstu áramót.
Kjarninn 15. október 2019
Óverðtryggð lán aldrei verið eins stór hluti af heildarskuldum heimilanna
Óverðtryggð skuldsetning heimila hefur aldrei verið meiri hér á landi eða um 27 prósent af heildarskuldsetningu heimilanna. Verðtryggð skuldsetning er hins vegar oft eini raunhæfi valkosturinn fyrir lántakendur.
Kjarninn 15. október 2019
Kristbjörn Árnason
Almennt er staðhæft að íþróttir séu hollar fyrir börn og unglinga. En er það svo?
Leslistinn 15. október 2019
Ást og fótbolti
Auður Jónsdóttir rithöfundur gerðist íþróttafréttaritari og fór á landsleik með átta ára syni sínum og fótboltavinkonu. Henni fannst takturinn í HÚH-inu sem kyrjað var í stúkunni minna sig á stigvaxandi samfarir.
Kjarninn 15. október 2019
Kvikan
Kvikan
Ríkustu tíu prósentin, margföld mánaðarlaun hjá Kaupþingi og sókn Miðflokks
Kjarninn 15. október 2019
Magnús Harðarson skipaður nýr forstjóri Kauphallarinnar
Magnús Harðarsson tekur við af bróður sínum Páli sem forstjóri Nasdaq Iceland.
Kjarninn 15. október 2019
Meira úr sama flokkiInnlent