Þegar um 6 pró­sent af olíu­fram­leiðslu heims­ins stöðvast þá hefur það víð­tækar afleið­ingar um allan heim, eins og von er. Dróna­árás upp­reisn­ar­manna Húta á rík­is­ol­íu­fyr­ir­tæki Sádí-­Ara­ba, Ara­mco, hefur haft víð­tækar afleið­ingar um allan heim, enda hefur olíu­verð rokið upp. Hækk­unin nemur á bil­inu 10 til 20 pró­sent, á heild­ina lit­ið, en mis­jafn­lega mikið eftir teg­undum og mörk­uð­u­m. 

Sé horft til þró­unar í Banda­ríkj­unum þá hefur olíu­verð hrá­olíu í dag hækkað um 14,97 pró­sent, og stendur nú í tæp­lega 70 Banda­ríkja­dölum á tunn­una, sam­kvæmt mark­aðs­mæla­borði Wall Street Journal.

Ara­mco er með um 10 pró­sent hlut­deild í olíu­fram­leiðslu heims­ins, og er eitt stærsta fyr­ir­tæki heims­ins. Heild­ar­tekjur þess í fyrra námu 355,9 millj­örðum Banda­ríkja­dala, eða sem nemur um 45 þús­und millj­örðum króna.

Sam­kvæmt Wall Street Journal er talið að um 5,7 millj­ónir tunna af olíu, á dag, hafi fallið úr fram­leiðslu Ara­mco vegna árás­ar­inn­ar, og er nú unnið að við­gerð. Ekki er ljóst hversu langan tíma hún mun taka. 

Banda­rísk stjórn­völd hafa nú þegar komið þeim skila­borðum form­lega til yfir­valda í Sádí-­Ar­ab­íu, að það sé mat yfir­valda að rót­ina að árás­unum megi rekja til yfir­valda í íran, en upp­reisn­ar­menn Húta, sem Íran hefur stutt í skelfi­legum átökum í Jem­en, hafa lýst yfir ábyrgð á árásinn­i. 

Ekki liggur fyrir hvernig Sádí-­Ar­abía mun bregð­ast við árás­un­um, en sam­kvæmt Wall Street Journal, hefur meðal ann­ars verið rætt um að bregð­ast við með árás á Íran.

Hluta­bréfa­mark­aðir hafa víð­ast hvar sýnt tölur lækk­ana í dag, en þó ekki meira en á bil­inu 0,3 til 2 pró­sent, sé horft til með­al­tals helstu hluta­bréfa­vísi­talna. 

Á Íslandi var rauður dagur lækk­ana í dag, en erfitt er að segja til um það með vissu hvort þessar vær­ingar á alþjóða­mörk­uðum höfðu áhrif á Íslandi. Mark­aðsvirði allra félaga í kaup­höll­inni lækk­aði nema hjá Heima­völl­um, TM og Sýn, en engin við­skipti voru með bréf þeirra félaga. 

Skörp olíu­verðs­hækk­un, eins og hefur verið raunin í dag, gæti aukið verð­bólgu­þrýst­ing hér á landi, en það fer eftir því hvernig olíu­verðs­þró­unin verður á næstu miss­er­um. Verð­bólga er nú 3,2 pró­sent, en verð­bólgu­mark­miðið er 2,5 pró­sent.

Vísi­tala mark­að­ar­ins lækk­aði um 2,1 pró­sent en mest var lækk­unin á bréfum Brims og Icelanda­ir, sem bæði eiga mikið undir olíu­verði. Virði Brims lækk­aði um 2,93 pró­sent, og er nú 65,2 millj­arð­ar, og virði Icelandair lækk­aði um 4,28 pró­sent og er nú 35,3 millj­arð­ar.