Efl­ing hefur vísað kjara­deilu félags­ins við Reykja­vík­ur­borg til rík­is­sátta­semj­ara. For­maður Efl­ingar sendi rík­is­sátta­semj­ara skrif­lega til­kynn­ingu þess efnis síð­degis í gær, 16. sept­em­ber. Þetta kemur fram í til­kynn­ingu frá stétt­ar­fé­lag­in­u. 

Efl­ing lítur svo á að við­ræður við Reykja­vík­ur­borg hafi reynst árang­urs­lausar en þær hafa staðið síðan í febr­úar á þessu ári. Kjara­samn­ing­ur­inn sem í hlut á rann út þann 31. mars síð­ast­lið­inn.

Eitt helsta ágrein­ings­málið í við­ræð­unum felur í sér kröfu um stytt­ingu vinnu­vik­unn­ar, sam­kvæmt Efl­ingu. Reykja­vík­ur­borg hefur lýst því yfir að til­rauna­verk­efni á þessu sviði hafi skilað jákvæðum árangri. Engu að síður hefur ekki náðst við­un­andi árangur í sam­tali þar um milli deilu­að­ila. Þá hefur Efl­ingu ekki tek­ist að koma að ýmsum öðrum þáttum í kröfu­gerð sinni.

Þykir miður að skynja ekki raun­veru­legan samn­ings­vilja frá borg­inni

„Við erum með öfl­uga, fjöl­menna og sam­henta samn­inga­nefnd skip­aða fólki með mikla starfs­reynslu hjá borg­inni. Hún var ein­róma sam­mála því að vísa við­ræð­um, af þeirri ein­földu ástæðu að kröfu­gerðin okkar sem skrifuð var með almennum félags­mönnum fæst í raun ekki rædd,“ segir Sól­veig Anna Jóns­dóttir for­maður Efl­ingar við til­efn­ið. 

„Okkur þykir miður að hafa ekki skynjað raun­veru­legan samn­ings­vilja frá borg­inni í þessum við­ræð­um. Með því að vísa von­umst við til að breyta því.“