„Nú háttar svo til að stjórnin er sett saman yfir hefð­bundnar átaka­línur stjórn­mál­anna sem gerir það að verkum að í stjórn­ar­and­stöðu eru saman flokkar sem eiga ekk­ert sam­eig­in­legt; frjáls­lyndir vinstri menn og alþjóð­lega sinn­aðir jafn­að­ar­menn í Samfó eru í stjórn­ar­and­stöðu með íhalds­sömum og þjóð­ern­issinn­uðum hægri pópúlistum í MIð­flokki þar sem ekk­ert er hægt að stilla saman strengi því við erum ekki með neina sam­eig­in­lega streng­i.“ 

Þetta segir Guð­mundur Andri Thors­son, þing­maður Sam­fylk­ing­ar, í stöðu­upp­færslu á Face­book.

Hann segir að sam­eig­in­legir strengir séu milli Sam­fylk­ing­ar, Pírata og Við­reisn­ar. Þeir flokkar deili stefnu í ótal mál­um. Auk þess eigi Sam­fylk­ingin sumt sam­eig­in­legt með Flokki fólks­ins. „ Samt lætur stjórnin eins og stjórn­ar­and­staðan sé ein heild og „verði að koma sér sam­an“ um hlut­ina, því ann­ars neyð­ist meiri­hlut­inn til að taka til sín for­mennsku í öllum nefnd­um, líka þeim sem ful­trúar Pírata og Samfó stýra.“

Tilefni skrifa Guð­mundar Andra er kosn­ing Berg­þórs Óla­sonar sem nýs for­manns umhverf­is- og sam­göngu­nefndar í gær, en Berg­þór var kjör­inn með tveimur atkvæð­um. Sínu eigin og flokks­bróður síns, Karls Gauta Hjalta­son­ar. Aðrir stjórn­­­ar­and­­stöð­u­­þing­­menn í nefnd­inni voru mót­­fallnir því að Berg­þór yrði for­­maður nefndar í ljósi þess að hann er einn þeirra sem fór mest fyrir á Klaust­­ur­bar í nóv­­em­ber 2018 og siða­­nefnd Alþingis taldi hann hafa brotið siða­­reglur þings­ins með fram­­ferði sín­u. 

Braut gegn siða­reglum Alþingis

Berg­þór steig til hliðar sem for­­maður umhverf­is- og sam­­göng­u­­nefndar í febr­­úar síð­­ast­liðnum vegna Klaust­­ur­s­­máls­ins og tók Jón Gunn­­ar­s­­son, þing­­maður Sjálf­­stæð­is­­flokks­ins, við for­­mennsku tíma­bund­ið. Nefndin hafði þá verið óstarf­hæf um tíma en sam­­kvæmt sam­komu­lagi stjórn­­­ar­and­­stöð­u­­flokk­anna átti nefnd­­ar­­for­­mennska í þess­­ari nefnd að koma í hlut Mið­­flokks­ins. Aðrir stjórn­­­ar­and­­stöð­u­­flokkar en Mið­­flokk­­ur­inn vildu hins vegar ekki að Berg­þór yrði for­­maður hennar að nýju vegna Klaust­­ur­­máls­ins og að ein­hver annar úr Mið­­flokknum sem hefði ekki gerst brot­­legur við siða­­reglur Alþingis myndi taka hana að sér. Á það féllst Mið­­flokk­­ur­inn ekki.

Siða­­nefnd fór yfir ummæli Berg­þórs um Ingu Sæland, for­­­mann Flokks fólks­ins, Írisi Róberts­dótt­­­ur, bæj­­­­­ar­­­stjóra í Vest­­­manna­eyj­um, Albertínu Frið­­­­­björgu Elí­a­s­dótt­­­ur, þing­­­mann Sam­­­fylk­ing­­­ar­inn­­­ar, og Lilja Alfreðs­dótt­­­ur, mennta­­­mála­ráð­herra.

Í áliti siða­­nefndar Alþingis um fram­­ferði Berg­þórs á Klaustri sagði að ummæli sem hann við­hafði þarf væru „öll af sömu rót­inni sprott­in“. Þau væru ósæmi­­­­leg og í þeim fælist van­virð­ing er lyti að kyn­­­­ferði þeirra kvenna sem um er rætt. Einnig væru þau til þess fallin að kasta rýrð á Alþingi og skaða ímynd þess.

Afneit­ari og úrtölu­maður í loft­lags­málum

Guð­mundur Andri segir í stöðu­upp­færslu sinni að Berg­þór hafi, með eigin stuðn­ingi og félaga síns, tek­ist að brjót­ast með harð­fylgi til for­mennsku í umhverf­is- og sam­göngu­nefnd í gær. 

„Ég þarf ekki að hafa mörg orð um það hvað mér þykir um ölæð­is­þrugl hans á Klaustri eða fram­göngu hans gagn­vart náinni sam­verka­konu minni og vin­konu. Hann er í ofaná­lag afneit­ari og úrtölu­maður í lofts­lags­málum og á að stýra þeirri nefnd þings­ins sem við þau mál fæst. En hefði Mið­flokk­ur­inn, stærsti stjórn­ar­and­stöðu­flokk­ur­inn, ekki fengið sjálfur að ráða full­trúa sínum og for­manni, hefði allt sam­komu­lag um nefndir verið í upp­námi. Ábyrgðin á Berg­þóri liggur hjá honum og félögum hans. Þeir telja hann boð­legan full­trúa. Það er hlut­verk kjós­enda í næstu kosn­ingum að skera úr um það hvort hann sé það.“