Óhætt er að segja að bændur í Skaga­firði, sem eru eig­endur Kaup­fé­lags Skag­firð­inga og útgerð­ar­arms þess, FISK Seafood, hafi hagn­ast vel á við­skiptum með hluta­bréf í Brimi en sam­an­lagt nam hagn­að­ur­inn 1,4 millj­arði króna. 

Fimm heima­menn í Skaga­firði gera þetta að umtals­efni í grein á vefnum Feyk­ir.is, þar sem fjallað er um við­skipt­in, og því fagnað hve vel hafi tek­ist til, ekki síst þar sem Útgerð­ar­fé­lag Reykja­víkur greiddi FISK Seafood fyrir hluta­bréfin með afla­heim­ildum að miklu leyti. „Fyrir okkur í sveit­ar­fé­lag­inu er aðal­at­riðið samt að Brim [Út­gerð­ar­fé­lag Reykja­vík­ur] greiddi ríf­lega 4,6 millj­arða kaup­verðs­ins með rúm­lega 2.600 tonna afla­heim­ildum í þorski, ýsu, ufsa og stein­bíti. Það þýðir um 10% aukn­ingu í afla­heim­ildum FISK Seafood í tonnum og um leið umtals­verða aukn­ingu í umsvifum félags­ins hér á heima­slóð­un­um. Ekki þarf að fjöl­yrða um beinar og óbeinar tekjur sveit­ar­fé­lags­ins af þeirri við­bót,“ segir í grein­inni, en höf­undar eru ­Stefán Vagn Stef­áns­son, Gísli Sig­urðs­son, Bjarni Jóns­son, Ólafur Bjarni Har­alds­son, og Sig­fús Ingi Sig­fús­son.

Eftir að KS seldi hlut sinn í Högum hf. keypti dótt­ur­fé­lagið FISK Seafood þann 18. ágúst sl. ríf­lega 8 pró­sent hlut í Brimi hf. Strax í kjöl­far þeirra við­skipta bætti FISK Seafood við sig um 2 pró­sent hluta­fjár til við­bótar og eign­að­ist þannig alls 10.18 pró­sent hlut fyrir ríf­lega 6,6 millj­arða króna.

Þann 8. sept­em­ber seldi FISK Seafood Útgerð­ar­fé­lagi Reykja­vík­ur, sem nátengt er eign­ar­haldi Brims, þessa sömu hluti í félag­inu fyrir tæp­lega átta millj­arða króna.  Hagn­að­ur­inn var um 1,4 millj­arðar króna.

Kaup­fé­lag Skag­firð­inga er risa­fyr­ir­tæki á íslenskan mæli­kvarða og FISK Seafood, útgerð­ar­armur þess, hefur látið veru­lega til sín taka í íslensku atvinnu­lífi að und­an­förnu, eins og var til umfjöll­unar í frétta­skýr­ingu á vef Kjarn­ans, 13. sept­em­ber.

Fjár­hags­staða kaup­fé­lags­ins er með nokkrum ólík­ind­um, sé horft til þess að um hefð­bundið kaup­fé­lag er að ræða með dreifðri eign­ar­að­ild bænda í Skaga­firði sem bak­bein. 

Þórólfur Gísla­son, kaup­fé­lags­stjóri, hefur leitt félagið um ára­bil sem for­stjóri og var afkoma félags­ins á árinu 2018 sú besta í 130 ára sögu félags­ins. Upp­bygg­ing kaup­fé­lags­ins hefur verið veru­lega umfangs­mikil á und­an­förnum árum, en í lok árs í fyrra var eigið fé félags­ins rúm­lega 35 millj­arðar og heild­ar­eignir námu 62,3 millj­örðum króna. 

Stjórn Kaup­fé­lags Skag­fið­inga skipa Bjarni Mar­ons­son stjórn­ar­for­mað­ur, Varma­hlíð, Her­dís Á. Sæmund­ar­dóttir vara­for­mað­ur, Sauð­ár­króki, Örn Þór­ar­ins­son rit­ari, Ökrum, Guð­rún Sig­hvats­dótt­ir, Sauð­ár­króki, Pétur Pét­urs­son, Sauð­ár­króki, Sig­ríður Gunn­ars­dótt­ir, Sauð­ár­króki, og Þor­leifur Hólm­steins­son, Þor­leifs­stöð­um.