Hátt í 150 þús­und breskir ferða­menn eru stranda­glópar eftir að hið 178 ára gamla ferða­þjón­ustu­fyr­ir­tæki, Thomas Cook, varð gjald­þrota í kvöld. 

Sam­kvæmt breska rík­is­út­varp­inu BBC er talið að ráð­ast þurfi í umfangs­mestu fólks­flutn­inga frá seinni heim­styrj­öld­inni, en 94 flug­vélar Thomas Cook hafa þegar verið kyrr­sett­ar, og mun breska flug­mála­stofn­unin (BCAA) þurfa að sjá til þess að öllum verði flogið á leið­ar­enda, í takt við áætl­anir þar um þegar ferða­þjón­ustu­fyr­ir­tæki verða gjald­þrota. 

Alls tap­ast 9 þús­und störf við fall félags­ins, auk þess sem óbein áhrif eru einnig mik­il, og lík­legt að tug­þús­undir starfa geti tap­ast þegar öll kurl eru komin til graf­ar. Alls eru 600 þús­und ferða­menn í þeirri stöðu, að þurfa að breyta sinni ferða­á­ætlun vegna gjald­þrots Thomas Cook.

Í marga mán­uði hefur verið reynt að rétta af rekstur félags­ins og þurfti það að fá 200 millj­ónir punda inn í rekst­ur­inn, eða sem nemur um 31 millj­arði króna, til að ná honum upp að ásætt­an­legu marki. Það tókst ekki og því fór félagið í gjald­þrot. 

Grant Shapps, sam­göngu­ráð­herra Bret­lands, segir í við­tali við BBC að það verði risa­vaxið verk­efni að koma öllum á leið­ar­enda, og biður ferða­menn sem verða fyrir óþæg­indum vegna gjald­þrots­ins að sýna still­ingu og vera sam­starfs­fús. 

Breska ríkið mun leigja þotur til að koma öllum á leið­ar­enda, og því er kostn­að­ur­inn af fall félags­ins umtals­verður fyrir breska skatt­greið­end­ur. 

Stærsti hlut­hafi félags­ins var kín­verska félags­ins Fos­un, en sam­kvæmt BBC hefur félagið sent frá sér til­kynn­ingu, þar sem fall félags­ins er harm­að.