Lilja Alfreðs­dóttir mennta- og menn­ing­ar­mála­ráð­herra hefur óskað eftir því við Katrínu Jak­obs­dóttur for­sæt­is­ráð­herra að hún feli öðrum að skipa í emb­ætti skóla­meist­ara Fjöl­brauta­skóla Vest­ur­lands á grund­velli aug­lýs­ingar þar um.

Þetta kemur fram í svari ráðu­neyt­is­ins við fyr­ir­spurn Kjarn­ans en á dag­skrá rík­is­stjórn­ar­innar í dag var fjallað um til­lögu til for­seta Íslands um að setja stað­gengil mennta- og menn­ing­ar­mála­ráð­herra í til­teknu máli.

Núver­andi skóla­meist­ari, Ágústa Elín Ing­þórs­dótt­ir, hefur höfðað mál á hendur íslenska rík­inu fyrir Hér­aðs­dómi Reykja­víkur vegna þeirrar ákvörð­unar mennta- og menn­ing­ar­mála­ráð­herra að aug­lýsa emb­ættið laust til umsóknar frá og með 1. jan­úar 2020. Rík­is­lög­maður fer með málsvörn rík­is­ins og mun ráð­herra ekki tjá sig um málið á meðan á vinnslu þess stend­ur, sam­kvæmt svari ráðu­neyt­is­ins.

Í frétt RÚV í dag kemur fram að Lilja hafi ákveðið að aug­lýsa stöð­una lausa til umsóknar og hafi fjórir sótt um. Þar á meðal er núver­andi skóla­meist­ari sem stefndi rík­inu vegna aug­lýs­ing­ar­inn­ar. 

Fjórar umsóknir bár­ust áður en frestur til að skila inn umsóknum er runnin út. Umsækj­endur eru þau Ágústa Elín Ing­þórs­dóttir skóla­meist­ari, Stein­unn Inga Ótt­ars­dótt­ir, sér­fræð­ingur hjá Félagi fram­halds­skóla­kenn­ara, Stein­grímur Bene­dikts­son fram­halds­skóla­kenn­ari og Þor­björg Ragn­ars­dóttir aðstoð­ar­skóla­meist­ari.