Segist ekki hafa sagt að það væri „grasserandi almenn“ spilling í lögreglunni

Ríkislögreglustjóri segir orð hans um spillingu hafi verið oftúlkuð. Hann fær stuðning í leiðara Morgunblaðsins þar sem segir að lögregla hefði ráðið „úrslitum í „búsáhaldabyltingu“ um að tryggja að múgurinn bryti ekki niður lýðræðislegar stofnanir“.

Haraldur Johanessen ríkislögreglustjóri.
Haraldur Johanessen ríkislögreglustjóri.
Auglýsing

Har­ald­ur Johann­es­sen rík­­is­lög­­reglu­­stjóri seg­ir um­­mæli sín um spill­ingu í lög­­regl­unni í við­tali við Morg­un­blaðið fyrir tæpum tveimur vikum síðan hafi meðal ann­ars byggt á því sem fram kom í skýrslu GRECO um varnir gegn spill­ingu hjá æðstu hand­höf­um fram­­kvæmd­­ar­­valds og lög­­­gæslu á Íslandi. Ummælin hafi verið oftúlkuð i umræð­unni og að hann hefði ein­ungis verið að vísa til ábend­inga og við­var­ana sem sett voru fram í skýrsl­unni, auk ein­stakra mála sem komið hafa upp á und­an­förnum árum. „Orð mín um spill­ingu hafa fengið óvænt flug og verið út­­færð í þá veru að ég hafi sagt að það sé grass­er­andi al­­menn spill­ing inn­­an lög­­regl­unn­­ar. Það hef ég aldrei sagt, hvorki í þessu við­tali né ann­­ars stað­ar. Þannig að þeir sem halda þessu fram ættu að lesa þetta við­tal.“ 

Þetta kemur fram í við­tali við Har­ald í Morg­un­blað­inu í dag.

Í vik­unni lýstu átta af níu lög­­­reglu­­stjórum lands­ins og for­­manna­fundur Lands­­sam­­bands lög­­­reglu­­manna yfir van­­trausti á Har­ald. Þeir báru við­talið í Morg­un­blað­inu fyrir sig sem lyk­ilá­stæðu þeirrar ákvörð­un­ar. Í við­tal­inu sagði Har­aldur meðal ann­ars að verið væri að reyna að hrekja hann úr emb­ætti með því að dreifa vís­vit­andi rang­­færslum og róg­­burði um hann. Þeir sem væru að gera það væru lög­­­reglu­­menn sem teldu sig eiga harma að hefna gegn hon­um, meðal ann­­ars vegna þess að hann hafi gripið inn í vegna starfs­hátta eða fram­komu þeirra eða vegna þess að þeir hafi ekki fengið stöður sem þeir sótt­­ust eft­­ir. Ef til starfs­loka hans kæmi myndi það kalla á enn ít­­­ar­­­legri um­­­fjöll­un af hans hálfu um valda­bar­átt­una bak við tjöld­in.

Auglýsing

Þá sagði Har­aldur að gagn­rýni hans á fram­­göngu lög­­­reglu­­manna ætti þátt í því sem hann kallar aðför gegn sér. Hann sagð­ist hafa bent á að spill­ing ætti ekki að líð­­ast innan lög­­regl­unn­­ar. „Hluti af umræð­unni sem er að brjót­­­ast fram núna er kannski einnig vegna þeirr­ar af­­­stöðu minn­­­ar. Ég hef til dæm­is bent á að það fari ekki sam­an að lög­­­­­reglu­­­menn séu með­fram starfi sínu í póli­­­tísku vaf­stri. Það fer að mínu viti ekki sam­­­an.“ Umræða um bíla­­­mál lög­­­regl­unn­ar væri hluti af þeirri rógs­her­­­ferð að óreiða sé í fjár­­­­­mál­um rík­­­is­lög­­­reglu­­­stjóra.

Tekið til varna fyrir Har­ald í leið­ara­skrifum

Það er einnig tekið til varna fyrir Har­ald í leið­ara Morg­un­blaðs­ins í dag, sem er í aldreif­ingu líkt og alla fimmtu­daga. Í leið­ar­an­um, sem skrif­aður er annað hvort af Davíð Odds­syni eða Har­aldi Johann­es­sen alnafna rík­is­lög­reglu­stjóra, að heldur ólík­legt sé að almenn­ingur viti út á hvað upp­hlaupið gegn rík­is­lög­reglu­stjóra geng­ur. „Jafn­vel þeir sem fylgj­ast betur með helstu fréttum en aðrir og fá borgað fyrir það sjá enga glóru. Það hefur ekk­ert­komið fram í öllum þessum fréttum um að þessi emb­ætt­is­maður hafi brotið af sér. Þeir sem hafa lotið aga­við­ur­lögum af hans hendi neita því ekki að slík til­efni hafi verið fyrir hendi. Og fjarri er því að við­ur­lögin sýn­ist hafa verið úr takti við til­efn­in. Einu efn­is­at­riðin sem að öðru leyti hafa verið nefnd í umræð­unni snú­ast um bún­inga og aldur og við­hald bif­reiða­flota.“

Leið­ara­höf­und­ur­inn segir síðan að „hin fámenna hug­rakka íslenska lög­regla réði úrslitum í „bús­á­halda­bylt­ingu“ um að tryggja að múg­ur­inn bryti ekki niður lýð­ræð­is­legar stofn­anir

þjóð­ar­inn­ar. Sú hetju­dáð lifir í minn­ing­unni en jafn­framt fram­koma nokk­urra kjör­inna

full­trúa á Alþingi sem lögðu fjand­mönnum lýð­ræð­is­ins lið gegn lög­regl­unni.

Íslandi tókst á fyrstu vik­unum eftir áfallið að koma sínum málum í far­veg sem aðrar þjóð­ir, sem lentu í sam­kynja ham­förum, fundu ekki eða gátu ekki nýtt vegna þess að þær höfðu

afsalað sér loka­orð­inu. Og í fram­hald­inu skipti mestu að íslenskar hetjur í lög­reglu­lið­inu komu í veg fyrir að vel skipu­lögðum öflum með stuðn­ingi fjár­sterkra manna sem höfðu sumir verið helstu leik­endur í spil­inu sem felldi fjár­hags lands­ins, tæk­ist að laska lýð­veldið var­an­lega. Það er sér­stak­lega minn­is­stætt og sárt að „ör­ygg­is­tækið RÚV“ ýtti undir sund­ur­lyndi í land­inu og hamp­aði æsingaröfl­un­um. Sú stofnun hefur aldrei beðist afsök­unar á fyr­ir­lit­legri fram­göng­u.“

Davíð Odds­son, annar rit­stjóra Morg­un­blaðs­ins, var seðla­banka­stjóra á þeim fyrstu vikum sem vikið er að í leið­ar­an­um, og sagðar eru hafa bjargað land­inu fyrir horn. Hann missti það starf snemma árs 2009. 

Mál Har­aldar til skoð­unar í ráðu­neyt­inu

Mál rík­is­lög­reglu­stjóra er nú til með­ferðar í dóms­mála­ráðu­neyt­inu og hefur Áslaug Arna Sig­ur­björns­dótt­ir, ráð­herra mála­flokks­ins, gefið sér nokkrar vikur til að finna lausn á því. Ein lausn væri að ráð­ast í skipu­lags­breyt­ingar innan lög­regl­unnar og færa t.d. starf­semi rík­is­lög­reglu­stjóra undir lög­regl­una á höf­uð­borg­ar­svæð­in­u. Enn sem komið er mun Har­aldur hins vegar sitja áfram í starfi.

Í gær var svo greint frá því að Tryggvi Gunn­­ar­s­­son, Umboðs­­maður Alþing­is, hefði sent bréf til dóms­­mála­ráðu­­neyt­is­ins og spurt hvers vegna Har­aldur Johann­es­sen hafi ekki verið áminntur þegar hann sendi tveimur fjöl­miðla­­mönnum bréf, sem höfðu fjallað um starf­­semi rík­­is­lög­­reglu­­stjóra og per­­sónu Har­ald­­ar, en bréf hans var skrifað á bréfs­efni rík­­is­lög­­reglu­­stjóra. 

Dóms­­mála­ráðu­­neyti Þór­­dísar Kol­brúnar Reyk­­fjörð Gylfa­dóttur komst að þeirri nið­­ur­­stöðu í lok maí að fram­­ganga Har­aldar Johann­essen, rík­­is­lög­­reglu­­stjóra, hefði verið ámæl­is­verð þegar hann sendi tveimur fjöl­miðla­­mönnum bréf til að and­­mæla umfjöllun á sjón­­varps­­stöð­inni Hring­braut.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Úlfar Þormóðsson
Hvurs er hvað?
Kjarninn 27. maí 2020
Bjarni Benediktsson er fjármála- og efnahagsráðherra.
Ríkissjóður fær 76 milljarða króna lánaða á 0,625 prósent vöxtum
Nálægt sjöföld umframeftirspurn var eftir því að kaupa skuldabréfaútgáfu íslenska ríkisins. Af þeim mikla áhuga leiddi til þess að hægt var að fá enn lægri vexti en stefnt hafði verið að.
Kjarninn 27. maí 2020
Úr Hæstarétti Íslands.
Benedikt Bogason nýr varaforseti Hæstaréttar
Hæstaréttardómarar kusu sér nýjan varaforseta á fundi sem haldinn var í dag.
Kjarninn 27. maí 2020
Margrét Pála Valdimarsdóttir kann því vel að vinna heima.
Aukin afköst í fjarvinnu og meiri frítími
Að þurfa ekki að keyra til vinnu og að getað tekið æfingu í stofunni eru meðal þeirra kosta sem Margrét Pála Valdimarsdóttir, ráðgjafi hjá Íslandsbanka, sér við fjarvinnu. Starfsfólks bankans mun héðan í frá vinna að jafnaði vinna heima einn dag í viku.
Kjarninn 27. maí 2020
Kristján Þór Júlíusson, sjávarútvegs- og landbúnaðarráðherra.
Langfæstir ánægðir með Kristján Þór
Mest ánægja er með störf Katrínar Jakobsdóttur forsætisráðherra en minnst með störf sjávarútvegs- og landbúnaðarráðherra.
Kjarninn 27. maí 2020
Bjarni Benediktsson hefur lagt fram frumvarp um breytingu á lögum um opinber fjármál.
Óvíst að efnahagsleg óvissa verði minni í haust en nú
Frumvarp fjármálaráðherra gerir ráð fyrir að endurskoðuð fjármálastefna og uppfærð fjármálaáætlun verði lögð fram á sama tíma og fjárlög 1. október. Fjármálaráð gerir athugasemd við að stefnumörkunin færist öll á einn tímapunkt.
Kjarninn 27. maí 2020
Samfélagsmiðillinn Facebook tekur til sín umtalsverðan hluta af íslensku birtingarfé, án þess að greiða virðisaukaskatt á Íslandi.
Fimm milljarðar fara árlega í auglýsingakaup á miðlum eins og Google og Facebook
Tekjur innlendra fjölmiðla af auglýsingum drógust saman milli ára og voru sambærilegar við árið 2004 í hitteðfyrra. Hlutdeild innlendra vefmiðla er mun minni en á þorra hinna Norðurlandanna og prentmiðla mun meiri.
Kjarninn 27. maí 2020
Guðmundur Franklín Jónsson (t.v.) og Guðni Th. Jóhannesson verða í kjöri til forseta.
Tveir verða í framboði til forseta Íslands
Guðni Th. Jóhannesson og Guðmundur Franklín Jónsson verða í kjöri til forseta Íslands en kosningarnar fara fram þann 27. júní næstkomandi.
Kjarninn 27. maí 2020
Meira úr sama flokkiInnlent