Icelandair hefur ákveðið að hætta áætl­un­ar­flugi til San Franciso og Kansas City í Banda­ríkj­un­um, en um leið eru nýir áfanga­staðir til skoð­un­ar. 

Þetta kemur fram í til­kynn­ingu frá félag­in­u. 

„Ár­leg end­ur­skoðun á flug­á­ætlun Icelandair fyrir sum­arið 2020 stendur nú yfir. Meg­in­mark­mið þeirrar vinnu er að bæta afkomu leiða­kerf­is­ins og lág­marka áhættu félags­ins vegna kyrr­setn­ingar Boeing 737 MAX flug­véla. Til skoð­unar er að bæta við nýjum áfanga­stöðum við leiða­kerfið en þegar hefur verið tekin ákvörðun um að hætta áætl­un­ar­flugi til San Francisco og Kansas City í Banda­ríkj­un­um. Afkoma af þessum flug­leiðum hefur ekki staðið undir vænt­ing­um. Ein af fjórum Boeing 767 breið­þotum félags­ins hefur verið notuð fyrir flug til San Frans­isco og verður hún nýtt með arð­bær­ari hætti í leiða­kerf­inu eftir þessa breyt­ing­u,“ segir í til­kynn­ing­unn­i. 

Bogi Nils Boga­son, for­stjóri Icelanda­ir, hefur sagt að félagið sé nú að róa öllum árum að því marki, að lág­marka skað­leg áhrif af kyrr­setn­ing­unni á 737 Max vél­un­um, en ekki liggur fyrir hvenær henni verður aflétt. Reiknað er með því að það verði í byrjun næsta árs.

Mark­aðsvirði félags­ins er nú tæp­lega 35 millj­arð­ar, en gengi bréfa félags­ins lækk­aði lítið eitt í dag, eða um 0,47 pró­sent.