Stjórnmálamenn verði að láta sig EES-málefni meiru varða

Í nýrri skýrslu um EES-samninginn segir að ráðherrar og alþingismenn verði að láta sig EES-málefni meiru varða. Skýrsluhöfundar leggja til að komið verði á fót sér stjórnstöð EES-mála innan stjórnsýslunnar sem fylgist með öllu er varðar málaflokkinn.

Björn Bjarnason, formaður starfshópsins.
Björn Bjarnason, formaður starfshópsins.
Auglýsing

„Það er alfarið á ábyrgð ís­lenskra stjórn­valda að hafa auga með öllum hrær­ingum á þessum vett­vangi í ljósi hags­muna Ís­lands. Engum öðrum er það skylt.“ Þetta kemur fram í skýrslu starfs­hóps utan­rík­is­ráð­herra um EES-­samn­ing­inn sem birt var í dag. 

Í skýrsl­unni segir að stjórn­mála­menn, ráð­herrar og alþing­is­menn, verði að láta sig EES-­mál­efni meiru varða. Starfs­hóp­ur­inn leggur til að komið verði á fót stjórn­stöð EES-­mála innan stjórn­sýsl­unnar sem fylgist með öllu er varðar málaflokkinn. 

Auglýsing

Þrettán þing­menn ósk­uðu eftir skýrsl­unni

Í apríl 2018 ósk­uðu þrettán þing­menn eftir skýrslu frá utan­rík­is­ráð­herra um kosti og galla aðildar Íslands að Evr­ópska efna­hags­svæð­inu og þau áhrif sem EES-­samn­ing­ur­inn hefði haft hér á landi. Í kjöl­farið skip­að­i ­Guð­laugur Þór Þórð­ar­son, utan­rík­is­ráð­herra, starfs­hóp sem hefur nú skilað skýrslu um EES-­samn­ing­inn. ­Starfs­hóp­inn skip­uðu þau Björn Bjarna­son, fyrr­ver­andi dóms­mála­ráð­herra og mennta­mála­ráð­herra, og lög­fræð­ing­arnir Kristrún Heim­is­dóttir og Berg­þóra Hall­dórs­dótt­ir.

Starfshópinn skipuðu þau Björn Bjarnason, fyrrverandi dómsmálaráðherra og menntamálaráðherra, og lögfræðingarnir Kristrún Heimisdóttir og Bergþóra Halldórsdóttir. Mynd:Bára Huld Beck.

Í skýrsl­unni segir að allir við­mæl­endur starfs­hóps­ins, að und­an­skildum full­trúum íslensku sam­tak­anna Frjálst land og norsku sam­tak­anna Nei til EU, telji að EES-­samn­ing­ur­inn lifa góðu lífi og að hann sé til veru­legs gagns og ávinn­ings fyrir þá sem innan ramma hans starfa. 

Íslenskt hag­kerfi stækkað og líf­skjör batnað

Í skýrslu starfs­hóps­ins segir að með aðild­inni að EES, þann 1. jan­úar 1994, hafi þjóðin verið end­an­lega leyst úr efna­hags­legum fjötrum og í dag sé hag­rænn bati Íslands af aðild­inni mik­ill. Evr­ópska efna­hags­svæðið er um þessar mundir lang­mik­il­væg­asti mark­aður Ís­lands. Þangað fór um 77 pró­sent vöru­út­flutn­ings árið 2018 og frá ríkjum ESB og EES/EFTA- ríkj­anna kemur um 61 pró­sent vöru­inn­flutn­ings til Ís­lands.

EES-samningurinn er eitt víðtækasta alþjóðasamstarfið sem Ísland tekur þátt í en segja má að EES-samningurinn sé brú milli Íslands og annarra EFTA-ríkja innan EES á innri markaði Evrópusambandsins.Þá teygi bein og óbein áhrif samn­ings­ins sig inn á öll svið sam­félags­ins jafnt hjá fyr­ir­tækjum og ein­stak­ling­um. Til að mynda hafi tug­þúsundir Ís­lend­inga nýtt sér rétt­inn sem EES-að­ild­in veitti þeim meðal ann­ars til afla sér mennt­unar eða leita sér lækn­inga í öðrum lönd­um. 

Alls hafa um 40.000 Ís­lend­ingar notið þess sem í boði undir evr­óp­skri sam­starfsáætlun í mennta­mál­um, Erasmus+. Þá hafa verið gefin út hund­ruð þúsunda evr­ópskra sjúkra­trygg­inga­korta til Ís­lend­inga í ár­anna rás, þar af um 150 þúsund á ár­unum 2016, 2017 og 2018. 

Enn­fremur hafi ein­stak­lingar notið góðs af þeim kröf­um ­sem kveðið er á um í samnign­um um per­sónu­vernd, umhverf­is­mál, félags­mál og neyt­enda­mál. 

Laumi inn íþyngj­andi heima­smíð­uðum ákvæðum

Í skýrsl­unni segir að þótt kostir sam­eig­in­lega mark­að­ar­ins séu ót­víræðir kunni kröf­urnar um eins­leitni og aðild að honum einnig að vera íþyngj­andi. Gallar við aðild­ina snúi að því sama og almennt sætir gagn­rýni í Evr­ópu, að með þungu skrifræði og eft­ir­lits­kerfi seilist emb­ætt­is­menn án lýð­ræð­is­legs umboðs til meiri valda en góðu hófi gegn­i. 

Í umræðum á Alþingi og almennum reglum á vett­vangi stjórn­sýsl­unnar er lögð áhersla á að við inn­leið­ingu EES-­gerða eigi ekki að ganga lengra en þær krefj­ast við að íþyngja þeim sem gert er að starfa eftir regl­un­um. Sam­kvæmt skýrsl­unni er þó pottur brot­inn í þessum efnum og er það gjarnan kallað „gull­húð­un“ þegar stjórn­völd ein­stakra ríkja herða á íþyngj­andi reglum EES-­gerða til að ná fram sér­greindum mark­miðum á heima­velli. 

Full­trúar iðn­aðar og atvinnu­lífs hér á landi hafa meðal ann­ars gagn­rýnt inn­leið­ingu EES-reglna með þeim rökum að ís­lensk stjórn­völd „laumi“ í EES-frum­vörp íþyngj­andi heima­smíð­uðum ákvæð­u­m. 

Tekið er þó fram í skýrsl­unni að skyldur vegna aðild­ar­innar vegi ekki þyngra en ávinn­ing­ur­inn sé lögð rækt við þau tæki­færi sem eru fyrir hendi til gæslu sér­greindra hags­muna. Bent er hins vegar á í skýrsl­unni að í þessum efnum ger­ist þó ekk­ert af sjálfu sér heldur megi rekja þróun­ina til þess að kjörnir full­trúar og stjórn­völd í hverju landi snúist ekki gegn henni af nægi­legum þunga.

Ábyrgð stjórn­valda að hafa augu með hrær­ingum í Evr­ópu­sam­band­inu

Í skýrsl­unni eru teknar saman um upp­lýs­ingar um þát­töku Íslands í sér­fræð­inga­hópum og laga­setn­ing­ar­nefndum Evr­ópu­sam­bands­ins. Íslend­ingar hafa rétt til að sækja fundi í sam­tals 649 mis­mun­andi hópum og nefnd­um. Sér­fræð­inga­hóp­arnir eru 465 og laga­setn­ing­ar­nefnd­irnar 184

Bráða­birgða­nið­ur­stöður í sept­em­ber 2019 sýna hins vegar að Ís­land tekur þátt, reglu­lega eða eftir atvik­um, í 64 laga­setn­ing­ar­nefndum af 184 eða í tæp­lega 35 pró­sent og í 181 sér­fræð­inga­hópi af 465 eða um 39 pró­sent.

„Það er alfarið á ábyrgð ís­lenskra stjórn­valda að hafa auga með öllum hrær­ingum á þessum vett­vangi í ljósi hags­muna Ís­lands. Engum öðrum er það skylt,“ segir í skýrsl­unni

Stór hluti samn­ings­ins inn­an­rík­is­mál

Alþingi. Mynd: Bára Huld BeckAð lokum telur starfs­hóp­ur­inn upp fimmtán atriði um úrbætur hér á landi er varða EES-­samn­ing­inn. Þar á meðal telur hóp­ur­inn að binda verð­i enda á stjórn­laga­þrætur vegna EES-að­ild­ar­inn­ar, ann­að­hvort með því að við­ur­kenna að hún hafi áunnið sér stjórn­laga­sess eins og aðrar óskráðar stjórn­laga­reglur eða með því að skrá ákvæði um aðild­ina í stjórn­ar­skrána. Sam­kvæmt starfs­hópnum veikir vafi um að stjórn­ar­skrá Ís­lands heim­ili fulla aðild að EES-­sam­starf­inu stöðu Ís­lend­inga gagn­vart sam­starfs­ríkj­um, einkum Nor­egi og Liechten­stein

Þá tekur starfs­hóp­ur­inn það fram að við­ur­kenna skal í verki að samn­ing­ur­inn móti allt þjóð­lífið en ekki megi skil­greina hann sem erlenda ásælni. Raunar verði að við­ur­kenna að stór hluti EES-­sam­starfs­ins sé alfarið inn­an­rík­is­mál. 

Stjórn­stöð EES-­mála verði sett á fót 

Skýrslu­höf­undar telja því að leggja beri grunn að meiri festu í allri stjórn og með­ferð EES-­mála hér á landi. Að komið verði á fóti stjórn­stöð EES-­mála innan stjórn­sýsl­unnar með föstu starfs­liði sem fylgist við­var­andi með öllu er varðar mála­flokk­inn á mót­un­ar- og fram­kvæmd­ar­stig­i. ­Með því verði málefn­unum gert hærra undir höfuð innan ráðu­neyta með þjálf­uðu starfs­fólki og töku ákvarð­ana á pólit­ískum for­send­um. 

„Reynslan sýnir að með málefna­legri eft­ir­fylgni ná EES/EFTA-ríkin veru­legum árangri í þágu hags­muna sinna,“ segir í skýrsl­unn­i. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
ESA hefur verið með augun á íslensku leigubílalöggjöfinni allt frá árinu 2017.
ESA boðar samningsbrotamál út af íslensku leigubílalöggjöfinni
Þrátt fyrir að frumvarp um breytingar á lögum liggi fyrir Alþingi sendi Eftirlitsstofnun EFTA íslenskum stjórnvöldum bréf í dag og boðar að mögulega verði farið í mál út af núgildandi lögum, sem brjóti gegn EES-samningnum.
Kjarninn 20. janúar 2021
Joe Biden, forseti Bandaríkjanna, sór embættiseið sinn fyrr í dag.
Biden: „Það verður enginn friður án samheldni“
Joe Biden var svarinn í embætti forseta Bandaríkjanna fyrr í dag. Í innsetningarræðu sinni kallaði hann eftir aukinni samheldni meðal Bandaríkjamanna svo að hægt yrði að takast á við þau erfiðu verkefni sem biðu þjóðarinnar.
Kjarninn 20. janúar 2021
Helgi Hrafn Gunnarsson
Mikið fagnaðarefni að „nýfasistinn og hrottinn Donald Trump“ láti af embætti
Þingflokksformaður Pírata fagnar brotthvarfi Donalds Trump úr embætti Bandaríkjaforseta og bendir á að uppgangur nýfasisma geti átt sér stað ef við gleymum því að það sé mögulegt.
Kjarninn 20. janúar 2021
Frá miðstjórnarfundi hjá Alþýðusambandi Íslands í febrúar árið 2019.
Segja skorta á röksemdir fyrir sölu á hlut ríkisins í Íslandsbanka
Miðstjórn ASÍ mótmælir harðlega áformum um sölu á hlut ríkisins í Íslandsbanka, segir flýti einkenna ferlið og telur að ekki hafi verið færðar fram fullnægjandi röksemdir fyrir sölunni.
Kjarninn 20. janúar 2021
Gosi – ævintýri spýtustráks
Öll viljum við vera alvöru!
Leiklistargagnrýnandi Kjarnans fjallar um sýninguna Gosi – ævintýri spýtustráks sem sýnd er í Borgarleikhúsinu.
Kjarninn 20. janúar 2021
Á nýrri tölfræðisíðu sem sett var í loftið í dag má fylgjast með framgangi bólusetningar gegn COVID-19 hér á landi.
Tæplega 500 manns hafa þegar fengið tvær sprautur
Búið er að gefa rúmlega 40 prósent af Íslendingum yfir 90 ára aldri a.m.k. einn skammt af bóluefni og tæp 13 prósent þeirra sem eru 80-89 ára. Ný tölfræðisíða um bólusetningu hefur verið sett í loftið á vefnum covid.is.
Kjarninn 20. janúar 2021
Ágúst Ólafur Ágústsson.
Ágúst Ólafur verður ekki í framboði fyrir Samfylkinguna í næstu kosningum
Annar oddviti Samfylkingarinnar í Reykjavíkur verður ekki á lista hennar í komandi þingkosningum. Hann bauðst til að taka annað sætið á lista en meirihluti uppstillingarnefndar hafnaði því.
Kjarninn 20. janúar 2021
Rústir hússins að Bræðraborgarstíg 1 standa enn, yfir hálfu ári eftir að það brann.
Rannsaka ætluð brot eiganda Bræðraborgarstígs 1
Lögreglan á höfuðborgarsvæðinu er með til skoðunar ætlað brot fyrrum eiganda Bræðraborgarstígs 1 á byggingarreglugerð. HMS segir að eigandanum hafi borið að tryggja brunavarnir hússins og þær ekki reynst í samræmi við lög.
Kjarninn 20. janúar 2021
Meira úr sama flokkiInnlent