Stefnu­breyt­ing Banda­ríkja­hers, í takt við vilja Don­alds Trumps Banda­ríkja­for­seta þar um, gerir her Tyrkja mögu­legt að þurrka út Kúrda í Sýr­land­i. 

Þeir hafa notið skjóls Banda­ríkja­hers, en Erdogan for­seti Tyrk­lands hefur sótt það fast að Tyrkir fái að herða sókn sína gagn­vart Kúr­d­um. 

Don­ald Trump hefur tjáð sig á Twitt­er, og segir að Banda­ríkja­her eigi ein­fald­lega að fara frá víg­völlum í Sýr­landi, og láta öðrum þjóðum eftir að stilla þar til frið­ar. 

Megn óánægja er með þessa ákvörðun hjá leið­togum í Evr­ópu, sem segja þetta leik að eldi, en Kúrdar hafa leikið mik­il­vægt hlut­verk í því að halda aftur af sveitum Íslamska rík­is­ins. 

Sam­kvæmt umfjöllun Was­hington Post er Trump sagður hafa talað beint við Erdogan sím­leiðis í gær, og gefið grænt ljós á sókn tyrk­neska hers­ins gagn­vart Kúr­dum, sem margir líkja við þjóð­ar­morð ef af verð­ur. 

Trump hefur í dag sent frá sér tíst á Twitt­er, þar sem hann varar Tyrki við því að ganga á lagið og ráð­ast gegn Kúr­d­um. Það geti leitt til efna­hags­hruns í Tyrk­landi, eins og hann hafi „kallað fram áður“.

Miklar deilur hafa nú spunn­ist í banda­rískum stjórn­mál­um, vegna þessa, en Demókratar telja ákvörðun for­set­ans for­kast­an­lega og innan raða Repúblik­ana eru einnig raddir sem hafa sett sig upp móti ákvörðun Trumps. Þar á meðal er Lindsay Gra­ham, sem hefur verið meðal dygg­ustu stuðn­ings­manna Trumps. 

Þá hefur Mitch McCon­ell, leið­togi Repúblik­ana í banda­ríska þing­inu, varað Trump við þess­ari stefnu­breyt­ingu, og að hann þurfi að hafa sam­ráð við þingið um stefnu­breyt­ingu eins og þessa.