Bor­is John­­son, for­­sæt­is­ráð­herra Bret­lands, til­kynnti í morgun að nýr samn­ingur um Brexit væri í höfn. Samn­ing­­ur­inn verður bor­inn und­ir breska þingið á laug­­ar­dag og hvet­ur John­­son ráð­herra til að sam­þykkja hann. 

Jean-Clau­de Juncker, for­­seti fram­­kvæmda­­stjórn­­ar Evr­ópu­sam­bands­ins, stað­fest­ir að samn­ing­ur sé í höfn á Twitter og seg­ir hann vilja beggja aðila til að semja hafa skilað sér. Þá seg­ir hann samn­ing­inn sann­­gjarn­an og að tekið hafi verið til­­lit til óska Bret­lands jafnt sem Evr­ópu. Juncker seg­ist jafn­framt ætla hvetja leið­toga­ráð Evr­­ópu­­sam­­bands­ins til að taka vel í samn­ing­inn.

Lýð­ræð­is­legi sam­bands­flokk­ur­inn á Norð­ur­-Ír­landi, DUP, sem stutt hefur stjórn breska Íhalds­flokks­ins á þing­inu lýsti því yfir í morgun að flokk­ur­inn væri and­víg­ur nýjum samn­ingi John­son. Helsta ágrein­ing­ar­efn­ið í við­ræð­unum hefur snúið að mál­efnum Norð­ur­-Ír­lands og staða svæð­is­ins eft­ir Brex­it.

Þá hefur Jer­emy Cor­byn, leið­togi breska Verka­manna­flokks­ins, hvatt breska þingið til að hafna samn­ingn­um. Hann seg­ir ­samn­ing­inn ekki vera til þess fall­inn að sam­eina bresku þjóð­ina, sem eigi að fá að tjá hug sinn í atkvæða­greiðslu.

Breska þingið hefur verið kallað til fundar á laug­ar­dag en þá þarf John­son að fá breska þingið til að sam­þykkja hann. Bæði breska þingið og þing aðild­ar­ríkja þurfa þó að stað­festa samn­ing­inn áður en hann öðl­ast gild­i.