Tólf sækja um embætti forstjóra Umhverfisstofnunar

Mun valnefnd meta hæfni og hæfi umsækjenda og skila greinargerð til umhverfis- og auðlindaráðherra.

Ritstjórn Kjarnans 1. nóvember 2019

Tólf umsækjendur sóttu um embætti forstjóra Umhverfisstofnunar. Umhverfis- og auðlindaráðuneytið auglýsti embættið laust til umsóknar þann 12. október síðastliðinn en umsóknarfrestur var til 28. október. Mun valnefnd meta hæfni og hæfi umsækjenda og skila greinargerð til umhverfis- og auðlindaráðherra.

Þetta kemur fram í frétt Stjórnarráðsins í dag.

Guðmundur Ingi Guðbrandsson umhverfis- og auðlindaráðherra setti Sigrúnu Ágústsdóttur, sviðsstjóra hjá Umhverfisstofnun, til að gegna tímabundið embætti forstjóra Umhverfisstofnunar fram að skipun nýs forstjóra, eða allt fram að 1. mars á næsta ári.

Kristín Linda Árnadóttir var í byrjun október ráðin aðstoðarforstjóri Landsvirkjunar en hún hafði verið forstjóri Umhverfisstofnunar frá árinu 2008.

Umsækjendur eru:

Aðalbjörg Birna Guttormsdóttir, verkefnisstjóri
Áslaug Eir Hólmgeirsdóttir, sviðsstjóri
Hlynur Sigursveinsson, fv. sviðsstjóri
Hörður Valdimar Haraldsson, framtíðarfræðingur
Jóna Bjarnadóttir, forstöðumaður
Kristján Geirsson, verkefnisstjóri
Kristján Sverrisson, forstjóri
Magnús Rannver Rafnsson, verkfræðingur
Maríanna Hugrún Helgadóttir, framkvæmdastjóri
Sigrún Ágústsdóttir, sviðsstjóri
Soffía Guðmundsdóttir, framkvæmdastjóri
Svavar Halldórsson, sjálfstæður markaðsráðgjafi

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.

Já takk, ég vil styrkja Kjarnann!

Orðafjöldi: 212 Færslan var síðast uppfærð: 1. nóvember 2019, kl. 15:35
Færslan birtist fyrst: 1. nóvember 2019, kl. 12:20

Fyrirsögn og frétt hefur verið breytt en í upphaflegu fréttinni var sagt að ellefu hefðu sótt um stöðuna en það var samkvæmt upplýsingum á vef Stjórnarráðsins. Eftir leiðréttingu frá umhverfis- og auðlindaráðuneytinu sem birtist kl. 15:31 í dag var fréttinni breytt.