Mos­fells­bær er sjö­unda ­fjöl­mennasta sveit­ar­fé­lag lands­ins með tæp­lega 12.000 íbúa. Á síð­asta ára­tug hefur þar orðið mesta íbúa­fjölgun allra sveit­ar­fé­laga lands­ins að und­an­skildu Álfta­nesi. Sam­hliða mik­illi fjölgun Mos­fell­inga hefur íbúðum í sveit­ar­fé­lag­inu fjölgað mest af öllum sveit­ar­fé­lögum lands­ins á síð­ustu tíu árum. 

Reikna með að íbúum fjölgi um 5,9 pró­sent á næsta ári

Mos­fell­ingum hefur fjölgað um 3.600 manns frá árinu 2009 eða alls um 39 pró­sent. Þá hefur sveit­ar­fé­lagið vaxið sér­stak­lega hratt á síð­ustu tveimur árum og frá 1. des­em­ber í fyrra hefur íbúum Mos­fells­bæjar fjölgað um 5 pró­sent, sam­kvæmt tölum Þjóð­skrár. Til sam­an­burðar fjölg­aði íbúum Reykja­víkur um 1,7 pró­sent. 

Í for­sendum fjár­hags­á­ætl­unar sveit­ar­fé­lags­ins fyrir næsta ár kemur fram að bæj­ar­stjórn Mos­fells­bæjar miðar við að íbúum sveit­ar­fé­lags­ins fjölgi um 5,9 pró­sent á næsta ári. 

„Það er okkur Mos­fell­ingum sem fyrr fagn­að­ar­efni að rekstur og starf­semi Mos­fells­bæjar er í miklum blóma og kraftur ein­kennir sam­fé­lagið okkar sem er í örum vexti. Íbúar eru nú um 12.000 og heldur áfram að fjölga á næsta ári. Við þurfum í sam­ein­ingu að treysta og við­halda þeim ein­kennum sem við vitum að eru einn af lyklum vel­gengni okkar sem sveit í borg þannig að vöxtur sveit­ar­fé­lags­ins hafi jákvæð áhrif á bæj­ar­brag­inn, þjón­ustu og þjón­ustu­stig,“ segir Har­aldur Sverr­is­son, bæj­ar­stjóri Mos­fells­bæj­ar.

Íbúða­upp­bygg­ing mest í Mos­fellsbæ

Sveit­ar­fé­lagið er land­mikið og spannar um 220 fer­kíló­metra. Bæj­ar­fé­lag­ið ­sam­anstendur af þétt­býl­iskjarna við Leir­vog auk víð­áttu­mik­illar sveit­ar, svo sem í Mos­fells­dal. 

Sam­hliða gríð­ar­legri fjölgun íbúa hefur íbúða­upp­bygg­ing í sveit­ar­fé­lag­inu einnig verið hröð. Raunar hefur íbúða­upp­bygg­ing verið mest í Mos­fellsbæ af öllum sveit­ar­fé­lögum lands­ins síð­asta ára­tug, en ­skráðum íbúðum hefur fjölgað þar um 36 pró­sent frá árinu 2009. 

Alls hafa 1.191 íbúðir risið í Mos­fellsbæ á síð­ustu tíu árum, sam­kvæmt skýrslu Íbúða­lána­sjóðs. Þá eru alls 459 íbúðir í bygg­ingu í sveit­ar­fé­lag­in­u, ­sam­kvæmt nýjustu taln­ingu Sam­taka iðn­að­ar­ins í sept­em­ber síð­ast­liðn­um.