Ríkasta 0,1 prósent Íslendinga hefur eignast 59 nýja milljarða á tveimur árum

Stærra hlutfall af nýjum auð farið til ríkustu landsmanna síðustu tvö ár en að meðaltali árin áður. Þær fjölskyldur sem mynda tekjuhæsta eitt prósent landsmanna juku auð sinn um 189 milljarða króna á árunum 2017 og 2018.

Ójöfnuður
Auglýsing

Rík­ustu fjöl­skyldur lands­ins, sem mynda 0,1 pró­sent tekju­hæsta hlut­fall lands­manna, hafa aukið það magn millj­arða króna sem þær eiga í eigin fé í sam­ein­ingu um 105 millj­arð króna frá árs­lokum 2011 og fram til síð­ustu ára­móta. Þá átti hóp­ur­inn, sem sam­an­stóð þá af um 190 fjöl­skyld­um, 155 millj­arða króna. Í lok árs 2018 til­heyrðu 238 fjöl­skyldur rík­ustu 0,1 pró­sent þjóð­ar­innar og áttu sam­an­lagt 260 millj­arða króna í eigin fé.

­Rúmur helm­ingur þess við­bótar eig­in­fjár sem þessar fjöl­skyldur hafa eign­ast á tíma­bil­inu féll til á árunum 2017 og 2018, þegar eigið fé þeirra jókst um 59 millj­arða króna. Með­al­eign hverrar fjöl­skyldu í efsta 0,1 pró­sent lagi sam­fé­lags­ins hefur farið úr því að vera 922 millj­ónir króna í árs­lok 2016 í að vera 1,1 millj­arður króna um síð­ustu ára­mót, að teknu til­liti til breyt­inga á fjölda fjöl­skyldna í tekju­bil­in­u. 

Alls hefur 3,3 pró­sent af þeim 3.179 millj­örðum króna sem orðið hafa til í íslensku hag­kerfi á frá árinu 2010  farið til 0,1 pró­sent rík­ustu fjöl­skyldn­anna hverju sinni. Á árunum 2017 og 2018 var það hlut­fall hins vegar hærra, eða 4,2 pró­sent.

Þetta má lesa út úr svari Bjarna Bene­dikts­son­ar, fjár­mála- og efna­hags­ráð­herra, við fyr­ir­spurn Loga Ein­ars­son­ar, for­manns Sam­fylk­ing­ar­inn­ar, um eignir og skuldir rík­ustu Íslend­ing­anna sem svarað var á þingi fyrir rúmri viku. 

Sama þróun hjá efsta pró­sent­inu

Þegar horft er á rík­asta eitt pró­sent lands­manna hefur auður þess, sam­kvæmt skatt­fram­töl­um, auk­ist um 353 millj­arða króna frá árs­lokum 2010 og fram að síð­ustu ára­mót­um, þegar hann var 802 millj­arðar króna. Alls voru 2.380 fjöl­skyldur í því lagi í lok þess tíma­bils.

Auglýsing
Alls fór 11,1 pró­sent af öllu nýju eigið fé sem varð til á Íslandi á tíma­bil­inu til rík­asta eins pró­sents lands­manna. Síð­ustu tvö árin sem töl­urnar ná til, 2017 og 2018, skera sig þó úr hjá þessum hópi eins og flestum öðr­um. Af þeim um 1.400 millj­örðum króna sem urðu til á þeim árum fóru 189 millj­arðar króna til rík­asta eins pró­sents lands­manna, eða 13,5 pró­sent. 

Því liggur fyrir að efn­uð­ustu Íslend­ing­arnir eru að taka til sín stærra hlut­fall af nýjum auð á síð­ustu tveimur árum en þeir hafa gert að með­al­tali síð­ast­liðin níu ár. 

Fá þorra fjár­magnstekna og eigið fé van­metið

Nær öruggt er að hóp­ur­inn á þó meiri eignir en töl­urnar gefa til kynna. Kjarn­inn greindi frá því á þriðju­dag að rík­asta eitt pró­sent lands­manna þéni um 35 pró­sent allra fjár­magnstekna í land­inu og að rúmur helm­ingur slíkra tekna fari til rík­ustu fimm pró­sent lands­manna. Fjár­­­magnstekjur eru vaxta­­tekj­­ur, arð­­ur, sölu­hagn­aður og leig­u­­tekjur utan rekstr­­ar. Þ.e. tekjur sem við­kom­andi hafa af eignum og fjár­­­fest­ing­um, en ekki launa­­tekj­­ur. 

Öll verð­bréfa­­eign (hluta­bréf í inn­­­lendum og erlendum hluta­­fé­lög­um, eign­­ar­skatts­frjáls verð­bréf, stofn­­sjóðs­­eign og önnur verð­bréf og kröf­­ur) er metin á nafn­virði í töl­un­um, en ekki mark­aðsvirði. Því blasir við að eigið fé þeirra sem eiga þessar eignir er van­met­ið, og fjár­magnstekju­skipt­ingin bendir sann­ar­lega til þess að lít­ill hópur lands­manna eigi stóran hluta þess­ara eigna.

Eign­­ar­hluti lands­­manna í líf­eyr­is­­sjóðum eru ekki taldar með í ofan­­greindum töl­um, en sam­an­lagt áttu þeir sjóðir 4.797 millj­­arðar króna í lok ágúst síð­­ast­lið­ins og eru langstærstu fjár­­­festar í land­inu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Yfirlitsmynd af öllum fyrirhuguðum landfyllingum og dýpkunarsvæði.
Vilja dýpka Viðeyjarsund og losa efni við Engey
Til að dýpka Viðeyjarsund í 10 og 12,5 metra, líkt og Faxaflóahafnir stefna að, þarf að fjarlægja rúmlega þrjár milljónir rúmmetra af efni af hafsbotni. Hluta efnisins á að nýta í landfyllingar en varpa afganginum í hafið við Engey.
Kjarninn 19. janúar 2021
Andrés Ingi Jónsson, þingmaður utan flokka.
Sérstakur transskattur „ósanngjarn og óréttlátur“
Þingmaður gagnrýndi á þingi í dag gjald sem Þjóðskrá rukkar fólk sem vill breyta skráningu á kyni sínu. „Þingið þarf að viðurkenna að þarna varð okkur á í messunni, leiðrétta mistökin og afnema transskattinn strax.“
Kjarninn 19. janúar 2021
Rósa Björk Brynjólfsdóttir er fyrsti flutningsmaður frumvarpsins, sem myndi gera afneitun helfararinnar refsiverða á Íslandi.
Vilja gera það refsivert að afneita helförinni
Tveggja ára fangelsi gæti legið við því að afneita eða gera gróflega lítið úr helförinni gegn gyðingum í seinni heimstyrjöldinni, ef nýtt frumvarp sem lagt hefur verið fram á þingi nær fram að ganga.
Kjarninn 19. janúar 2021
Bjarni Benediktsson, fjármála- og efnahagsráðherra og formaður Sjálfstæðisflokksins.
Enn reynt að banna verðtryggð lán án þess að banna þau að fullu
Fjármála- og efnahagsráðherra hefur lagt fram frumvarp sem á að banna veitingu 40 ára verðtryggðra jafngreiðslulána til flestra. Þeir sem eru undanskildir eru hóparnir sem líklegastir eru til að taka lánin. Íslendingar hafa flúið verðtryggingu á methraða.
Kjarninn 19. janúar 2021
Sveinbjörn Indriðason forstjóri Isavia segir hlutafjáraukninguna gera Isavia kleift að ráðast í framkvæmdir til að auka samkeppnishæfni Keflavíkurflugvallar.
Ríkið spýtir fimmtán milljörðum inn í Isavia
Hlutafé í opinbera hlutafélaginu Isavia hefur verið aukið um 15 milljarða króna. Þetta er gert til að mæta tapi vegna áhrifa COVID-faraldursins og svo hægt verði að ráðast í framkvæmdir á Keflavíkurflugvelli, sem eiga að skapa störf strax á þessu ári.
Kjarninn 19. janúar 2021
Boeing 737 MAX-vélar hafa ekki mátt fljúga í evrópskri lofthelgi frá því í mars 2019.
Evrópsk flugmálayfirvöld ætla að hleypa MAX-vélunum í loftið í næstu viku
Stjórnandi Flugöryggisstofnunar Evrópu boðaði á blaðamannafundi í morgun að Boeing 737 MAX-vélarnar, sem hafa verið kyrrsettar frá því í mars 2019, fái heimild til flugs í evrópskri lofthelgi í næstu viku.
Kjarninn 19. janúar 2021
Nafn Joe Manchin verður það fyrsta sem flýgur upp í huga fréttamanna þegar umdeild þingmál eru lögð fyrir öldungadeild Bandaríkjaþings. Íhaldssamasti demókratinn mun hafa mikið um að segja hvort þau komist í gegn.
Maðurinn sem Biden þarf að semja við
Sá þingmaður sem talinn er verða með mest ítök í öldungadeild Bandaríkjaþings á komandi misserum er demókratinn Joe Manchin frá Vestur-Virginíu. Ætli demókratar að ná 51 atkvæði með sínum málum þarf að komast að samkomulagi við hann.
Kjarninn 19. janúar 2021
Þjóðhættir
Þjóðhættir
Þjóðhættir – „Hvað hefurðu eiginlega á móti lestri?“
Kjarninn 19. janúar 2021
Meira úr sama flokkiInnlent