Rúmlega 80 prósent af tekjum Viðreisnar komu úr opinberum sjóðum

Félag í eigu eiganda Fréttablaðsins er á meðal þeirra sem gáfu Viðreisn hæsta löglega fjárframlag í fyrra. Framlög úr ríkissjóði til flokksins hækkuðu milli ára þrátt fyrir að þingmönnum hans hafi fækkað umtalsvert.

Þorgerður Katrín Gunnarsdóttir er formaður Viðreisnar.
Þorgerður Katrín Gunnarsdóttir er formaður Viðreisnar.
Auglýsing

Tekjur Við­reisnar voru alls 61,1 milljón króna í fyrra. Að uppi­stöðu komu þær tekjur úr rík­is­sjóði, eða 49,7 millj­ónir króna. Það þýðir að 81,3 pró­sent af tekjum flokks­ins komu úr sam­eig­in­legum sjóð­um. Rekstur Við­reisnar kost­aði alls 58,7 millj­ónir króna í fyrra og því skil­aði rekst­ur­inn smá­vægi­legum hagn­aði. Flokk­ur­inn skuld­aði 8,6 millj­ónir króna í lok síð­asta árs og lækk­uðu skuldir hans milli ára úr 10,2 millj­ónum króna. 

Þetta er á meðal þess sem fram kemur í útdrætti úr árs­reikn­ingi Við­reisnar sem Rík­is­end­ur­skoðun birti í dag. Þetta er fyrsti útdrátt­ur­inn úr árs­reikn­ingi flokka sem eiga sæti á Alþingi sem stofn­unin birtir vegna árs­ins 2018. Við­reisn fékk 6,7 pró­sent atkvæða í kosn­ing­unum 2017 og fjóra þing­menn kjörna. Flokk­ur­inn hafði fengið 10,5 pró­sent atkvæða og sjö þing­menn í kosn­ing­unum sem haldnar voru árið áður. Þrátt fyrir færri þing­menn á árinu 2018 en þorra árs­ins 2017 um 11,1 milljón króna milli ára.

Auglýsing
Árið 2018 var nefni­lega fyrsta árið í rekstri þeirra stjórn­mála­flokk­anna sem eiga full­trúa á þingi frá því að fram­lög til þeirra úr rík­­is­­sjóði voru hækkuð um 127 pró­­sent, að til­­lögu sex flokka sem sæti eiga á Alþingi. Fram­lög úr rík­­is­­sjóði til flokk­anna átta á þingi áttu að vera 286 millj­­­­­ónir króna í fyrra en urðu 648 millj­­­­­ónir króna eftir að sú ákvörðun var tek­in. Einu flokk­­­­arnir sem skrif­uðu sig ekki á til­­­­lög­una voru Píratar og Flokkur fólks­ins.

Þegar kosið verður næst, árið 2021, munu flokk­­­arnir átta sem náðu inn á þing í haust­­­kosn­­­ing­unum 2017 verða búnir að fá alls úthlutað rúm­­­lega 2,8 millj­­­örðum króna úr rík­­­is­­­sjóði vegna áranna 2018-2021 til að standa straum af starf­­­semi sinn­i. 

Eig­andi Frétta­blaðs­ins á meðal helstu styrkj­enda

Þrír lög­að­ilar og einn ein­stak­lingur gáfu Við­reisn hámarks­fjár­hæð í fram­lag sem lög heim­ila á síð­asta ári, eða 400 þús­und krón­ur. Um er að ræða félagið Varð­berg ehf., í eigu Helga Magn­ús­son­ar, Brim hf., sem nú heitir Útgerð­ar­fé­lag Reykja­víkur og er að mestu í eigu Guð­mundar Krist­jáns­son­ar, og Sím­ann, sem er skráð félag á mark­aði. Ein­stak­ling­ur­inn sem gaf 400 þús­und krónur heitir Páll Árni Jóns­son. 

Auk þess gáfu þrír lög­að­ilar flokknum 300 þús­und krónur í fyrra. Þeir eru KP Capital, í eigu Krist­ínar Pét­urs­dótt­ur, Th. Magn­ús­son ehf., í eigu Þórðar Magn­ús­sonar stærsta eig­anda Eyris Invest, og Sam­skip, skipa­fé­lag í eigu Ólafs Ólafs­son­ar. Þessir þrír lög­að­ilar gáfu Við­reisn 300 þús­und krónur í fyrra. 

Helgi Magn­ús­son og aðilar tengdir honum hafa verið á meðal helstu fjár­hags­legra bak­hjarla Við­reisnar frá því að flokk­ur­inn var stofn­aður árið 2016. Á fyrsta starfs­ári sínu mega stjórn­mála­flokkar fá hærri fram­lög en hið lög­bundna hámark segir til um. Alls gaf Helgi 1,6 millj­­ónir króna beint og í gegnum eign­­ar­halds­­­fé­lög sín og fyr­ir­tæki þar sem hann er stór hlut­hafi og stjórn­­­ar­­maður gáfu 800 þús­und krónur til við­­bót­a á því ári. Í fyrra gaf Helgi Við­reisn 400 þús­und krón­ur. Hann keypti á þessu ári allt hlutafé í Torgi, útgáfu­fé­lagið Frétta­blaðs­ins. 



Ný lög sam­­þykkt í fyrra

Ný lög um fjár­­­mál stjórn­­­mála­­flokka voru sam­­þykkt á Alþingi í des­em­ber í fyrra. Á meðal breyt­inga sem þau lög fela í sér eru að stjórn­­­mála­­flokkar mega nú  taka á móti hærri fram­lögum frá fyr­ir­tækjum og ein­stak­l­ing­­um. Hámarks­­fram­lagið var 400 þús­und krónur en var hækkað í 550 þús­und krón­­ur. 

Auglýsing
Auk þess var sú fjár­­hæð sem ein­stak­l­ingur þarf að gefa til að vera nafn­­greindur í árs­­reikn­ingum við­kom­andi flokka eða fram­­bjóð­enda hækkuð úr 200 þús­und krónum í 300 þús­und krón­­ur.

Hug­takið „tengdir aðil­­ar“ var líka sam­ræmt, en Rík­­is­end­­ur­­skoðun gerði í fyrra athuga­­semdir við umfram­fram­lög aðila sem voru gefin í gegnum nokkur mis­­mun­andi félög í eigu sömu aðila. 

Þá var ákveðið að láta stjórn­­­mála­­flokk­anna skila árs­­reikn­ingum sínum til rík­­is­end­­ur­­skoð­anda fyrir 1. nóv­­em­ber ár hvert í stað 1. októ­ber líkt og nú er. Sú grund­vall­­ar­breyt­ing fylgdi með að Rík­­is­end­­ur­­skoðun mun hætta að birta tak­­mark­aðar upp­­lýs­ingar úr reikn­ingum flokk­anna, svo­­kall­aðan útdrátt, og birtir þess í stað árs­­reikn­ing­anna í heild sinni árit­aða af end­­ur­­skoð­end­­um.

Þessi breyt­ing á hins vegar ekki að taka gildi fyrr en á næsta ári, þrátt fyrir að nýju lögin séu þegar komin í gagn­ið.



Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Þorsteinn Már vonar að tímabundið brotthvarf rói umræðu um Samherja
Þorsteinn Már Baldvinsson segir í viðtali við Vísi að Samherji sé ekki sálarlaust fyrirtæki. Honum blöskrar umræða um fyrirtækið í kjölfar afhjúpandi þáttar Kveiks um starfsemi Samherja í Namibíu.
Kjarninn 14. nóvember 2019
Indriði H. Þorláksson
Samherji í gráum skugga
Kjarninn 14. nóvember 2019
Björgólfur í leyfi frá störfum sem stjórnarformaður Íslandsstofu
Björgólfur Jóhannsson tekur við sem forstjóri Samherja tímabundið.
Kjarninn 14. nóvember 2019
Leifur Gunnarsson
Takmarkanir á tímum tæknibyltinga – Staða fólks með sykursýki 1 í dag
Kjarninn 14. nóvember 2019
Mosfellsbær heldur áfram að stækka
Íbúum Mosfellsbæjar hefur fjölgað gríðarlega á síðasta áratug sem og nýjum íbúðum. Bæjarstjórn Mosfellsbæjar býst við áframhaldandi fjölgun íbúa á næsta ári.
Kjarninn 14. nóvember 2019
Haukur Arnþórsson
Hugleiðingar um tengsl stjórnmála og sjávarútvegs
Kjarninn 14. nóvember 2019
Svæðið sem um ræðir
Steypuvinna vegna Landsbankabyggingarinnar – Reikna með að fara 190 ferðir á einum degi
Botnplata nýju Landsbankabyggingarinnar á Austurbakka 2 verður steypt laugardaginn næstkomandi. Meðan unnið er þarf að loka hægri akrein Kalkofnsvegar í átt að Lækjargötu.
Kjarninn 14. nóvember 2019
Inga Sæland
„Ætlar utanríkisráðherra að láta þetta viðgangast?“
Formaður Flokks fólksins setur spurningarmerki við það að stjórnarformaður Íslandsstofu taki við embætti formanns Samherja.
Kjarninn 14. nóvember 2019
Meira úr sama flokkiInnlent