Segir ríkisstjórnina ætla að lækka veiðigjöld um tvo milljarða til viðbótar

Þingmaður Samfylkingar segir að ríkisstjórnin hafi ákveðið að lækka veiðigjöld á næsta ári í fimm milljarða króna. Þau voru 11,2 milljarðar króna í fyrra. Tóbaksnotendur muni greiða meira í gegnum tóbaksgjöld en útgerðin í veiðileyfagjöld árið 2020.

Ágúst Ólafur Ágústsson
Auglýsing

„Í gær­kvöldi kynnti rík­is­stjórnin breyt­ing­ar­til­lögur sínar á fjár­laga­frum­varp­inu og er ein þeirra sér­stak­lega frétt­næm. Þá til­lögu vilja sumir í stjórn­ar­flokk­unum örugg­lega tala sem minnst um.

1. Því seint í gær­kvöldi lagði rík­is­stjórnin til að veiði­leyfagjöldin verði lækkuð tals­vert meira en til stóð fyrir ein­göngu tveimur mán­uðum þegar fjár­laga­frum­varpið var lagt fram. Rík­is­stjórnin vill nú lækka veiði­leyfagjöldin um 2 millj­arða kr til við­bótar en þá mun veiði­leyfagjaldið hafa lækkað um meira en helm­ing síðan þessi rík­is­stjórn tók við völdum og farið úr 11,2 millj­örðum og í 5 millj­arða kr.“ 

Þetta kemur fram í face­book-­færslu Ágústs Ólafs Ágústs­son­ar, þing­manns Sam­fylk­ing­ar­inn­ar, sem birt var í dag. Hann bendir á að með breyt­ing­unni muni reyk­ing­ar­fólk og aðrir tóbaksnot­end­ur, um átta pró­sent af þjóð­inni, greiða meira til sam­neysl­unnar á næsta ári í tóbaks­gjald en kvóta­hafa greiða fyrir afnot af fisk­veiði­auð­lind­inni.

Þar segir hann einnig að veiði­gjaldið sé nú orðið svo lágt að það dekki ekki þann  kostnað sem skatt­greið­endur verði fyrir vegna þjón­ustu hins opin­bera gagn­vart atvinnu­grein­inni. „Sam­kvæmt lögum eiga veiði­leyfagjöld m.a. að mæta þeim kostn­aði, sem vill svo til að er 5,1 millj­arður og er því hærri en það sem rík­is­stjórnin leggur nú til að veiði­leyfagjöldin verð­i.“

Ótrú­legt góð­æri í grein­inni síð­ast­lið­inn ára­tug

Kjarn­inn greindi frá því í lok sept­em­ber að íslensk sjáv­ar­út­vegs­fyr­ir­tæki hafi átt eigið fé upp á 276 millj­arða króna í lok síð­asta árs. Frá hruni hefur eig­in­fjár­staða sjáv­ar­út­vegs­fyr­ir­tækj­anna batnað um 355 millj­arða króna, en hún var nei­kvæð í lok árs 2008.

Auglýsing
Í lok árs 2008 var eig­in­fjár­staða geirans nei­kvæð en er nú, líkt og áður sagði jákvæð um 276 millj­arða króna. Hún batn­aði um 14 millj­arða króna á árinu 2018.

Alls greiddu fyr­ir­tækin sér arð upp á 12,3 millj­arða króna í fyrra. Frá árinu 2010 hafa þau greitt 92,5 millj­arða króna til eig­enda sinna í arð­greiðsl­ur. 

Sam­an­lagt hefur hagur sjáv­ar­út­veg­ar­ins, því vænkast um 447,5 millj­arða króna frá árinu 2008 og út síð­asta ár, eða á einum ára­tug.

Veiði­gjöld voru 11,3 millj­arðar króna í fyrra, sem eru þau hæstu sem geir­inn hefur greitt. Það nán­ast tvö­föld­uð­ust milli ára, úr 6,8 millj­örðum króna árið 2017. Sam­tals frá árinu 2011, og út síð­asta ár, greiddi sjáv­ar­út­veg­ur­inn 63,3 millj­arða króna í veiði­gjöld. 

Veiði­gjöldin áttu að lækka á þessu ári, og áætlað var að þau myndu skila um sjö millj­örðum króna í rík­is­kass­ann í ár og nán­ast sömu upp­hæð á árinu 2020, sam­kvæmt fjár­laga­frum­varp­inu. Nú virð­ist sem að þau verði enn lægri á næsta ári en til stóð.

Ný lög um veið­i­­­gjald tóku gildi um síð­­­ustu ára­­mót þar sem meðal ann­­ars var settur nýr reikni­stofn sem bygg­ist á afkomu við veiðar hvers nytja­­stofns. Í fjár­­laga­frum­varp­inu sagði að með breyt­ing­unum sé dregið úr töf við með­­­ferð upp­­lýs­inga um átta mán­uði. „Þá er veið­i­­gjaldið nú ákveðið fyrir alm­an­aksár í stað fisk­veið­i­­ár­s.“

Í gær­kvöldi kynnti rík­is­stjórnin breyt­ing­ar­til­lögur sínar á fjár­laga­frum­varp­inu og er ein þeirra sér­stak­lega frétt­næm....

Posted by Ágúst Ólafur Ágústs­son on Fri­day, Novem­ber 8, 2019

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Bjarni Benediktsson er fjármála- og efnahagsráðherra.
Bjarni segir kökumyndband Öryrkjabandalagsins vera misheppnað
Fjármála- og efnahagsráðherra segir það rangt að öryrkjar fái sífellt minni sneið af efnahagskökunni sem íslenskt samfélag baki. ÖBÍ segir ríkisstjórnina hafa ákveðið að auka fátækt sinna skjólstæðinga.
Kjarninn 28. október 2020
Þórólfur Guðnason sóttvarnalæknir.
Útlit fyrir að sóttvarnalæknir leggi til hertar aðgerðir
Þórólfur Guðnason sóttvarnalæknir er ekki ánægður með stöðu faraldursins og ætlar að skila minnisblaði með tillögum að breyttum sóttvarnaraðgerðum til Svandísar Svavarsdóttur heilbrigðisráðherra fljótlega.
Kjarninn 28. október 2020
Alls segjast um 40 prósent kjósenda að þeir myndu kjósa stjórnarflokkanna þrjá.
Samfylking stækkar, Sjálfstæðisflokkur tapar og Vinstri græn ekki verið minni frá 2016
Fylgi Vinstri grænna heldur áfram að dala og mælist nú tæplega helmingur af því sem flokkurinn fékk í síðustu kosningum. Flokkur forsætisráðherra yrði minnsti flokkurinn á þingi ef kosið yrði í dag.
Kjarninn 28. október 2020
Neytendastofa er með aðsetur í Borgartúni.
Unnið að því að leggja niður Neytendastofu
Stjórnvöld sjá fyrir sér að hugsanlega verði hægt að færa öll verkefni frá Neytendastofu á næsta ári og leggja stofnunina niður, með mögulegum sparnaði fyrir ríkissjóð. Stofnunin tók til starfa árið 2005 og fær tæpar 240 milljónir úr ríkissjóði í ár.
Kjarninn 28. október 2020
Þórdís Kolbrún Reykfjörð Gylfadóttir er ráðherra ferðamála.
Tekjufallsstyrkir til ferðaþjónustunnar áætlaðir 3,5 milljarðar króna
Leiðsögumenn og aðrir litlir rekstraraðilar eiga rétt á að fá allt að 400 þúsund krónur á mánuði í tekjufallsstyrki fyrir hvert stöðugildi í allt að 18 mánuði. Kostnaður vegna styrka til ferðaþjónustu hefur nú verið áætlaður.
Kjarninn 28. október 2020
Ráðhús Reykjavíkur
„Hagstjórnarmistök“ að styðja ekki betur við sveitarfélög
Reykjavíkurborg varar ríkisstjórnina við að veita sveitarfélögunum ekki meiri stuðning í nýju fjárlagafrumvarpi og segir niðurskurð í fjárfestingum vinna gegn viðbótarfjárfestingu ríkisins.
Kjarninn 28. október 2020
Óskað eftir því að Vilji Björns Inga verði tekinn til gjaldþrotaskipta
Sýslumaðurinn á Vesturlandi hefur lagð fram beiðni um að Útgáfufélag Viljans verði tekið til gjaldþrotaskipta. Björn Ingi Hrafnsson segist fyrst hafa heyrt um málið í gærkvöldi. Hann missti stjórn á umsvifamiklu fjölmiðlaveldi árið 2017.
Kjarninn 28. október 2020
Fjölmargir erlendir ríkisborgarar starfa  við mannvirkjagerð á Íslandi.
Erlendum ríkisborgurum heldur áfram að fjölga þrátt fyrir samdrátt og atvinnuleysi
Á málþingi fyrir ári sagði ráðuneytisstjóri í félagsmálaráðuneytinu að það væri einfalt fyrir Ísland að „losa sig“ erlent vinnuafl þegar samdráttur yrði í efnahagslífinu. Erlendum ríkisborgurum hefur fjölgað það sem af er ári þrátt fyrir metsamdrátt.
Kjarninn 27. október 2020
Meira úr sama flokkiInnlent