Ekki sammála um að Ísland sé spillingarbæli

Fjármála- og efnahagsráðherra og formaður Samfylkingarinnar deildu ekki sömu sýn á Ísland á Alþingi í dag.

Bjarni Benediktsson og Logi Einarsson.
Bjarni Benediktsson og Logi Einarsson.
Auglýsing

Logi Einarsson, formaður Samfylkingarinnar, og fjármála- og efnahagsráðherra, Bjarni Benediktsson, tókust á í óundirbúnum fyrirspurnatíma á Alþingi í dag.

Logi sagði að hann óttaðist að Ísland væri að teiknast upp sem spillingarbæli í augum umheimsins. „Skemmst er að minnast að Ísland lenti á gráum lista vegna skeytingarleysis gagnvart peningaþvætti og þar er Ísland á meðal ellefu annarra ríkja og Namibía er ekki meðal þeirra. Þá muna einhverjir eftir Panamaskjölunum þar sem ríkasti hluti þjóðarinnar kom eignum sínum undan til þess að forðast skattgreiðslur sem almenningur þarf að inna af hendi. Loks má minna á 10 ára afmæli Hrunsins þegar gráðugir fjárglæframenn komu landinu næstum því í þrot og allar spillingarflétturnar í kringum það.“

Hann sagði að eitt fyrirtæki væri nú að rústa orðspori Íslendinga ef sakir reynist sannar – þetta væri óboðleg hegðun gagnvart fátækasta fólki í Afríku. Þar vísar hann í svokallað Samherjamál sem hefur verið áberandi í fjölmiðlum síðustu daga síðan Kveiks-þátturinn og umfjöllun Stundarinnar birtist um málið.

Auglýsing

Logi spurði Bjarna hvort hann hefði áhyggjur af því að fyrirtæki sem treyst hefði verið til að nýta sameiginlega auðlind þjóðarinnar bregðist því trausti og þeim skyldum með jafn afgerandi hætti og nú væri að teiknast upp og gæti lengt veru Íslendinga á gráa lista FATF.

„Telur hæstvirtur ráðherra að svo mikill auður geti safnast hjá einu fyrirtæki að það geti skapað bæði orðsporsvanda og kerfisáhættu fyrir heila þjóð og haft áhrif á önnur útflutningsfyrirtæki?“ spurði Logi. Að lokum spurði hann ráðherrann hvort hann myndi styðja það að láta aukið fé til héraðssaksóknara og ríkisskattrannsóknarstjóra til að upplýsa þessi mál.

„Engin innistæða fyrir svona dramatískum orðum“

Bjarni svaraði og sagði að honum fyndist það alvarlegt mál þegar formaður stjórnmálaflokks stigi í pontu Alþingis og teldi það rétta lýsingu á Íslandi að því væri líkt við spillingarbæli.

„Ég tel að það sé engin innistæða fyrir svona dramatískum orðum og þessari lýsingu á landinu okkar. Og að það sé algjörlega með ólíkindum í tilefni af því máli sem við ætlum að taka alvarlega og láta viðeigandi stofnanir rannsaka og komast til botn um hvernig málum er háttað í þessu tilviki að þá vil ég miklu frekar færa fram í umræðuna þá sýn á þetta mál að sýn umheimsins á Ísland og sýn okkar Íslendinga hvers konar þjóð við erum – í hvers konar landi við búum – ræðst ekki af einstökum svona málum heldur hvernig við tökum á þeim. Hvort við tökum þeim alvarlega, hvort stjórnvöld bregðast við, hvort við höfum stofnanir til þess að taka á málum – rannsaka, ákæra og dæma þegar það á við – en ekki af einhverjum ótrúlegum útleggingum Samfylkingarfólks sem ég hef fengið að fylgjast með núna síðasta sólarhringinn um að rót alls vanda þessa máls liggi í sjálfu fiskveiðistjórnunarkerfinu sem er mært um allan heim fyrir að færa íslensku þjóðinni umfram verðmæti af nýtingu auðlindar borið saman við aðrar þjóðir. Betri nýtingu á hverjum fiski. Meiri verðmætasköpun fyrir hvern fisk dreginn á land,“ sagði ráðherrann.

Hann sagði að að sjálfsögðu hefði hann áhyggjur af Samherjamálinu. Að sjálfsögðu hefði hann áhyggjur af orðspori Íslendinga sem gæti beðið hnekki vegna þessa máls. „En það ræðst af því hvernig við tökum á málinu hvernig úr því spilast. Og ef eftirlitsstofnanir þurfa aukið fé þá munu þær fá aukið fé.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Steypiregnið ógurlega
Steypiregn er klárlega orðið tíðara og umfangsmeira en áður var. Öll rök hníga að tengingu við hlýnun lofthjúps jarðar. Í tilviki flóðanna í Þýskalandi og víðar hefur landmótun, aukið þéttbýli og minni skilningur samfélaga á eðli vatnsfalla áhrif.
Kjarninn 25. júlí 2021
Ísraelsk stjórnvöld sömdu við lyfjafyrirtækið Pfizer um bóluefni og rannsóknir samhliða bólusetningum.
Alvarlega veikum fjölgar í Ísrael
Það er gjá á milli fjölda smita og fjölda alvarlegra veikra í Ísrael nú miðað við fyrstu bylgju faraldursins. Engu að síður hafa sérfræðingar áhyggjur af þróuninni. Um 60 prósent þjóðarinnar er bólusett.
Kjarninn 25. júlí 2021
Danska smurbrauðið nýtur nú aukinna vinsælda meðal matgæðinga í heimalandinu.
Endurkoma smurbrauðsins
Flestir Íslendingar kannast við danska smurbrauðið, smørrebrød. Eftir að alls kyns skyndibitar komu til sögunnar döluðu vinsældirnar en nú nýtur smurbrauðið sívaxandi vinsælda. Nýir staðir skjóta upp kollinum og þeir gömlu upplifa sannkallaða endurreisn.
Kjarninn 25. júlí 2021
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Meira úr sama flokkiInnlent