Kara Conn­ect ehf. hefur lokið 160 millj­óna króna fjár­mögnun með aðkomu Nýsköp­un­ar­sjóðs atvinnu­lífs­ins og tveggja sænskra einka­fjár­festa. Þetta kemur fram í til­kynn­ingu frá fyr­ir­tæk­inu.

Kara Conn­ect er staf­ræn vinnu­stöð sem gerir sér­fræð­ingum í heil­brigð­is,- vel­ferð­ar- og mennta­geir­anum kleift að veita skjól­stæð­ingum þjón­ustu og straum­línu­laga rekstur sinn.

Í til­kynn­ing­unni segir að um sé að ræða aðra fjár­mögnun félags­ins. Fyrir ári síðan hafi Crowberry Capi­tal fjár­fest í Kara Conn­ect sem hafi gert teym­inu kleift að ein­beita sér að þróun hug­bún­að­ar­ins með örygg­is­mál að leið­ar­ljósi. „Kara er eini íslenski hug­bún­að­ur­inn fyrir sér­fræð­inga sem er sam­þykktur af Land­lækn­is­emb­ætt­inu þegar litið er til gagna­vist­unar og fjar­funda­sam­skipta við skjól­stæð­inga.“

Ný­sköp­un­ar­sjóður atvinnu­lífs­ins kemur nú inn sem nýr fjár­festir og eign­ast 10 pró­sent hlut í félag­inu. Allir fyrrum fjár­festar taka einnig þátt og auk þess bæt­ast við nýir sænskir fjár­fest­ar, félögin Poleved Industrial Per­for­mance AB og Skogsliden Fin­ance AB.

700 sér­fræð­ingar nýta sér Köru

Þor­björg Helga Vig­fús­dótt­ir, fram­kvæmda­stjóri og stofn­andi Kara Conn­ect, segir við til­efnið að fjár­mögnun með aðkomu þess­ara sterku fjár­festa skipti miklu máli fyrir félagið og gefi frá­bæru teymi tæki­færi til að stækka, sér­stak­lega í sölu- og mark­aðs­mál­um, sam­hliða vexti í Dan­mörku. „Ís­lenski mark­að­ur­inn hefur tekið hratt við sér og mörg spenn­andi og fram­sýn verk­efni grund­völluð á kerfi Köru verða brátt sýni­leg.“

Í til­kynn­ing­unni kemur enn fremur fram að hátt í 700 sér­fræð­ingar nýti sér Köru fyrir bak­vinnslu, greiðslur og örygg­is­mál, og sam­tímis stór­auki Kara aðgengi skjól­stæð­inga að sér­þekk­ingu þeirra. Sér­fræð­ingar nýti Köru til að skrá og byggja yfir­lit um hefð­bundna fundi, fjar­fundi og spjall­fundi. Tug­þús­undir fjar­funda hafi farið fram nú þegar og hafi heild­ar­fjöldi not­enda meira en tvö­fald­ast frá ára­mótum og telur nú yfir 4.300.