Hagn­aður Gildis af hluta­bréfum í Marel var 9,1 millj­arður króna á fyrstu tíu mán­uðum árs­ins. Hagn­aður líf­eyr­is­sjóðs­ins af hluta­bréfa­eign hans í Öss­uri var 7,8 millj­arðar króna. Ekk­ert annað félag hefur skilað Gildi yfir millj­arði í hagnað á árinu, þótt Sím­inn, með um 900 millj­ónir króna, kom­ist nálægt því. 

Sam­an­lagður hagn­aður Gildis af annarri inn­lendri hluta­bréfa­eign var þvert á móti nei­kvæð­ur. Mest var tapið vegna hluta­bréfa í Icelandair (1,1 millj­arður króna) og í Eim­skip (1,2 millj­arðar króna). 

Þetta kom fram i kynn­ingu Árna Guð­munds­son­ar, fram­kvæmda­stjóra Gild­is, á fundi sjóðs­fé­laga og full­trúa­ráðs líf­eyr­is­sjóðs­ins sem fram fór á mið­viku­dag. 

Í kynn­ingu Árna kom fram að hrein eign sam­trygg­inga­deildar Gildis hefði hækkað um rúm­lega 82 millj­arða króna á fyrstu tíu mán­uðum árs­ins og hefði staðið í 638,4 millj­örðum króna um síð­ustu mán­að­ar­mót. Sú við­bót sem til hefur fallið sam­anstendur af 58,4 millj­arða króna fjár­fest­inga­tekj­um, 25,8 millj­arða króna iðgjöldum sem greidd hafa verið inn í sjóð­inn á tíma­bil­inu og 12,7 millj­arða króna gjald­miðla­tekj­um. Á móti hefur Gildi grei­ytt út 14,7 millj­arða króna í líf­eyri á fyrstu tíu mán­uðum árs­ins auk þess sem rekstr­ar­kostn­aður nam 837 millj­ónum króna. 

Stærstu eigna­flokkar Gildis eru hluta­bréf. Þannig voru 27 pró­sent af eignum sam­trygg­ing­ar­deildar sjóðs­ins í erlendum hluta­bréfum um síð­ustu mán­aða­mót en 18,7 pró­sent í inn­lend­um. Árni fór yfir hver ávöxtun þeirra hluta­bréfa hefði verið á árinu í kynn­ing­unni á fund­in­um.

Þar kom í ljós að Marel (62 pró­sent ávöxt­un) og Marel (58 pró­sent) skáru sig veru­lega úr. Þriðja besta ávöxt­unin var í bréfum í Sím­anum (28 pró­sent).

Veru­leg nei­kvæð ávöxtun var á sumum félögum sem Gildi hefur fjár­fest í. Þar er Sýn (nei­kvæð ávöxtun upp á 37 pró­sent)  og Icelandair (nei­kvæð ávöxtun um 30 pró­sent) í sér­flokki það sem af er ári. 

Gildi er með langt mest undir í fjár­fest­ingum sínum í Marel og Öss­ur, en sam­an­lagt virði þeirra hluta sem sjóð­ur­inn á í þeim tveimur félögum nemur 41,1 millj­arði króna. Það er um 42 pró­sent af öllu virði inn­lenda hluta­bréfa­safns sjóðs­ins. Ef eign  Gildis í Arion banka, sem er metin á 12,2 millj­arða króna, er bætt við mynda hluta­bréf í þessum þremur félögum 54 pró­sent af inn­lenda hluta­bréfa­safni Gild­is. Alls nemur hreinn hagn­aður Gildis af hluta­bréfum í íslenskum félögum 16 millj­örðum króna. Ef hagn­aður sjóðs­ins af bréfum í Marel og Össur er und­an­skil­in, en hann hefur sam­tals verið 16,9 millj­arðar króna á fyrstu tíu mán­uðum árs­ins, þá er tap á eign Gildis í hinum 16 skráðu félög­unum sem sjóð­ur­inn á bréf í.