Fram­kvæmdum við lagn­ingu ljós­leið­ara til Mjóa­fjarðar er lokið og teng­ingar komnar í hús á svæð­inu. Byggðin í Mjó­a­firði er sein­asti byggða­kjarn­inn sem tengdur er við ljós­leið­ara­kerfi lands­ins.

Þetta kemur fram á vef sam­göngu- og sveit­ar­stjórn­ar­ráðu­neyt­is­ins.

Þá segir að allar byggðir lands­ins hafi því aðgang að tryggu fjar­skipta- og net­sam­bandi með til­heyr­andi þjón­ustu og öryggi. Heima­fólk fagn­aði þessum tíma­mótum við sér­staka athöfn á Sól­brekku í Mjó­a­firði. „Þar flutti Sig­urður Ingi Jóhanns­son, sam­göngu- og sveit­ar­stjórn­ar­ráð­herra, ávarp í til­efni dags­ins og opn­aði fyrir ljós­leið­ara­teng­ing­una með tákn­rænum hætt­i,“ segir á vef sam­göngu- og sveit­ar­stjórn­ar­ráðu­neyt­is­ins. 

Sam­kvæmt sam­göngu- og sveit­ar­stjórn­ar­ráðu­neyt­inu hefur ljós­leið­ara­væð­ing í dreif­býli gengið mjög vel á síð­ustu árum með verk­efn­inu Ísland ljóstengt, sem Fjar­skipta­sjóður hefur umsjón með. „Með styrkjum til sveit­ar­fé­laga hefur verið unnið að því sleitu­laust frá árið 2016 að tengja ljós­leið­ara í allar byggðir og sveita­býli lands­ins.“

Verk­efnið í Mjó­a­firði var unnið í sam­starfi Fjar­skipta­sjóðs, Neyð­ar­lín­unn­ar, Rarik, Mílu, Fjarð­ar­byggðar og Seyð­is­fjarð­ar­kaup­stað­ar. Ljós­leið­ari og raf­strengur var lagður um 17 kíló­metra leið og flest hús hafa síðan verið tengd við ljós. Ljós­leið­ar­inn leysir af hólmi fjalla­stöð fjar­skipta og gamla loft­línu raf­magns. Unnið hefur verið mark­visst að þessum áfanga frá árinu 2014 þegar loft­lína raf­magns slitn­aði efst í Aust­dal í 1000 m hæð. Frá­gangur á yfir­borði klár­ast næsta sum­ar, sam­kvæmt ráðu­neyt­in­u. 

„Á næsta ári er stefnt að því að leggja ljós­leið­ara frá Hánefs­stöðum í sím­stöð í Seyð­is­firði í sam­vinnu við Rarik. Næst á eftir verður unnið að því að hring­tengja Nes­kaup­stað og Eski­fjörð. Byggða­kjarn­arnir tveir eru ein­göngu tengdir frá Reyð­ar­firði en með hring­teng­ingu er fjar­skipta­ör­yggi tryggt til mik­illa muna,“ segir á vef ráðu­neyt­is­ins. 

Fjar­skipta­sjóður og Neyð­ar­línan ohf. gerðu fyrr á árinu sam­komu­lag um allt að 70 millj­óna króna fram­lag sjóðs­ins til verk­efna sem miða að upp­bygg­ingu fjar­skipta­inn­viða utan mark­aðs­svæða. Lagn­ing ljós­leið­ara til Mjóa­fjarðar og hring­teng­ing byggð­ar­laga á svæð­inu falla undir þetta sam­komu­lag en einnig verk­efnið að leggja ljós­leið­ara yfir Kjöl frá Reyk­holti í Skaga­fjörð.

Sam­starf fjar­skipta­sjóðs og Neyð­ar­línu um lagn­ingu ljós­leið­ara hefur auk­ist síð­ustu ár, sam­kvæmt upp­lýs­ingum frá ráðu­neyt­inu, en mark­miðið er að bæta far­síma­sam­band á þjóð­veg­um, fjöl­förnum ferða­manna­stöð­um, rým­ing­ar­svæðum við eld­stöðvar og á hafi úti.