Á þriðja árs­fjórð­ungi á þessu ári var 63 millj­arða króna afgangur á við­skipta­jöfn­uði við útlönd sam­an­borið við 73,8 millj­arða króna afgang á sama árs­fjórð­ungi í fyrra.

Þetta kemur fram á vef Seðla­banka Íslands sem sýna bráða­birgða­yf­ir­lit um greiðslu­jöfnuð við útlönd á þriðja árs­fjórð­ungi árið 2019 og erlenda stöðu þjóð­ar­bús­ins í lok árs­fjórð­ungs­ins.

Halli á vöru­skipta­jöfn­uði var 45,9 millj­arðar en afgangur á þjón­ustu­jöfn­uði var 101,3 millj­arðar króna. Frum­þátta­tekjur skil­uðu 13,4 millj­arða króna afgangi en rekstr­ar­fram­lög 5,9 millj­arða króna halla.

Sam­kvæmt bráða­birgða­yf­ir­lit­inu námu erlendar eignir þjóð­ar­bús­ins 3.870 millj­örðum í lok árs­fjórð­ungs­ins en skuldir 3.156 millj­örð­um. Hrein staða við útlönd var því jákvæð um 714 millj­arða króna eða 24,5 pró­sent af vergri lands­fram­leiðslu (VLF) og batn­aði um 91 millj­arða eða 3,1 pró­sent af VLF á fjórð­ungn­um.

Hrein fjár­magns­við­skipti bættu erlenda stöðu þjóð­ar­bús­ins um 115 millj­arða króna á fjórð­ungnum og munar þar mest um kaup inn­lendra aðila á erlendum verð­bréfum sem námu um 80 millj­arða.

Erlendar eignir juk­ust í heild­ina um 74 millj­arða vegna fjár­-­magns­við­skipta en skuldir lækk­uðu um 40 millj­arða króna. Geng­is- og verð­breyt­ingar höfðu nei­kvæð áhrif á erlenda stöðu þjóð­ar­bús­ins um 6 millj­arða króna. Það skýrist aðal­lega af 4 pró­sent hækkun á gengi krón­unnar gagn­vart helstu gjald­miðlum miðað við geng­is­skrán­ing­ar­vog, sam­kvæmt Seðla­bank­an­um. Breyt­ingar á erlendum verð­bréfa­mörk­uðum voru litlar á árs­fjórð­ungnum eða rétt um 0,1 pró­sent lækk­un.