Don­ald Trump Banda­ríkja­for­seti gerð­ist sekur um brot í starfi, með því að taka sér­hags­muni sína fram yfir þjóð­ar­hags­muni í sam­skiptum við annað þjóð­ríki, að mati sér­fræð­inga sem kall­aðir voru fyrir Banda­ríkja­þing í dag, til að ræða um rann­sókn­ar­ferlið sú er í gangi sem leitt getur til emb­ætt­is­missis (impeach­ment). 

Demókratar segja Trump hafa gerst brot­legan, meðal ann­ars með því að þrýsta á um rann­sókn á Joe Biden, fyrr­ver­andi vara­for­seta og nú for­seta­fram­bjóð­anda, en líka með því að fylgja ekki form­legum leiðum í sam­skiptum við önnur ríki, í þessu til­felli Úkra­ín­u. 

Skýrsla var gefin út af rann­sókn­ar­nefnd þings­ins í gær.

Sam­kvæmt umfjöllun New York Times lét Mich­ael J. Ger­hardt, pró­fessor við Uni­versity of North Carol­ina, hafa eftir sér í vitn­is­burði, að ef þær stað­reyndir um sam­skipti Trump og sam­starfs­manna hans við Úkra­ínu, væru ekki atriði sem leitt gætu til emb­ætt­is­miss­is, þá væru í raun engin atriði sem gætu gert það. Svo aug­ljós væru brot Trump, einkum gagn­vart stjórn­ar­skrá lands­ins en einnig gagn­vart form­legum reglum um hvernig ætti að haga sam­skiptum við önnur ríki í til­felli for­seta. 

Noah Feld­man, pró­fessor við Harvard, gekk raunar lengra en Ger­hardt, og sagði að ef það væri ekki hægt að láta það leiða til emb­ætt­is­miss­is, að taka eig­in­hags­muni fram yfir þjóð­ar­hags­muni, þá væri lýð­ræðið í raun ekki fyrir hend­i. 

Repúblikanar köll­uðu fyrir Jon­athan Tur­ley, pró­fessor við Geor­getown Uni­versity, sem sagð­ist ótt­ast það að Demókratar væru að teygja lopann, og ná því fram að athafnir Trumps myndu leiða til emb­ætt­is­miss­is, án þess að nægi­legar sann­anir væru á borð­in­u. 

Sam­kvæmt umfjöllun New York Times, er búist við að harka­lega verði deil í Banda­ríkja­þingi næstu daga, þegar mat verður lagt á það hvort Trump hafi brotið af sér, eða ekki. Mike Pence vara­for­seti er sagður beita sér af hörku, og segir Repúblik­ana þurfa að standa saman og taka til varna, eins og það er orðað í umfjöllun New York Times.