Jón Atli Bene­dikts­son, rektor Háskóla Íslands, hefur ákveðið að sækja um emb­ættið á nýjan leik en það hefur nú verið aug­lýst laust til umsóknar fyrir tíma­bilið 1. júlí 2020 til 30. júní 2025 sam­kvæmt reglum skól­ans. Frá þessu greinir hann á Face­book-­síðu sinni í dag.

„Mér er ánægja að til­kynna að ég mun sækja um að sinna þessu mik­il­væga starfi áfram. Vel hefur gengið í starfi skól­ans á und­an­förnum árum, en mörg verk­efni eru í gangi sem ég hef áhuga á að vinna að með starfs­fólki og stúd­entum Háskóla Íslands,“ skrifar hann.

Jón Atli var þann 20. apríl 2015 kos­inn rektor Háskóla Íslands. Í fram­boði í seinni umferð var einnig Guð­rún Nor­dal pró­fess­or.

Meðal hlut­verka rekt­ors er að hann er for­seti háskóla­ráðs. Hann er yfir­maður stjórn­sýslu háskól­ans og æðsti full­trúi hans og tals­maður gagn­vart mönnum og stofn­unum innan háskól­ans og utan hans. Hann stýrir starf­semi háskól­ans og hefur frum­kvæði að því að háskóla­ráð marki sér heild­ar­stefnu í mál­efnum háskól­ans. Hann ber ábyrgð á fram­kvæmd stefnu háskól­ans og tengslum háskól­ans við inn­lenda og erlenda sam­starfs­að­ila. Rektor ber ábyrgð á og hefur eft­ir­lit með allri starf­semi háskól­ans, þar með talið ráðn­ing­ar- og fjár­málum ein­stakra fræða­sviða og stofn­ana. Hann ber ábyrgð á gerð starfs- og rekstr­ar­á­ætl­ana og að þær séu sam­þykktar af háskóla­ráði. Á milli funda háskóla­ráðs fer rektor með ákvörð­un­ar­vald í öllum málum háskól­ans.