Tolla­stríð Banda­ríkj­anna og Kína - staðið hefur stóran hluta af for­seta­tíð Don­alds Trumps Banda­ríkja­for­seta - hefur haft alvar­legar afleið­ingar um allan heim, að mati Alþjóða­gjald­eyr­is­sjóðs­ins (AGS). 

Í nýlegu mati sjóðs­ins, segir að hag­vaxt­ar­horfur hafi versnað að stóru leyti vegna nei­kvæðra áhrifa af tolla­stríði Banda­ríkj­anna og Kína. Það hefur aukið óvissu, dregið úr fjár­fest­ingu og eft­ir­spurn, og skapað vanda­mál í atvinnu­lífi víða, stað­bund­ið. 

Í stuttu máli hefur tolla­stríðið milli þess­ara risa í austri og vestri, snú­ist um að tollar hafa verið settir - oft nær fyr­ir­vara­laust - á fjöl­marga vöru­flokka. Það hefur leitt til verð­hækk­ana og eða hrein­lega hamlað því að við­skipti hafi átt sér stað. Mark­miðið hefur verið - í það minnsta í orði og stefnu Banda­ríkj­anna - að auka umsvif heima fyrir eða verja störf þar. 

Að mati AGS hefur nið­ur­stað­an, á heild­ina lit­ið, til þessa verið sú, að alþjóð­leg við­skipti hafa fengið á sig mikið högg, og eng­inn hefur hagn­ast sér­stak­lega á tolla­stríð­in­u. 

Greint var frá því í dag, að meiri gangur væri nú í við­ræðum Kína og Banda­ríkj­anna, og sagði í umfjöllun Wall Street Journal, að drög að sam­komu­lagi væri nú á borð­inu, sem mið­aði að því að tollar tækju ekki gildi 15. des­em­ber, á fjöl­margar vöru­teg­und­ir. Wang Shouwen, aðstoð­ar­við­skipta­ráð­herra Kína, sem hefur leitt við­ræður fyrir hönd Kína varð­andi þetta sam­komu­lag, sam­kvæmt umfjöllun Bloomberg, segir að Kína muni auka inn­flutn­ing á vörum frá Banda­ríkj­unum og öðrum lönd­um, vegna þessa sam­komu­lags. +

Banda­ríkin hafa sagt í til­kynn­ingu, að sam­komu­lagið muni liðka fyrir inn­flutn­ingi frá Kína til Bandar­í­an­kjna, en ennþá er ein­ungis um eitt skref að ræða, í því að ljúka hinu mikla tolla­stríði, sem verð­lagt hefur verið á meira en 500 millj­arða Banda­ríkja­dala. Erfitt er þó að full­yrða um slíkt, vegna mik­illa óbeinna áhrifa á hag­kerfi heims­ins. 

Ísland á mikið undir

Í grein­ingum Seðla­banka Íslands, meðal ann­ars í Pen­inga­mál­um, hefur komið fram að tolla­stríðið og nei­kvæðar afleið­ingar þess á alþjóða­mörk­uð­um, hafi haft nei­kvæð áhrif á Íslandi. Það birt­ist meðal ann­ars í minni eft­ir­spurn eftir útflutn­ings­vörum frá Íslandi, og marg­feld­is­á­hrifum alþjóða­vætt við­skipta­líf. Ísland á allt undir greiðu aðgengi að mörk­uð­um, en tolla­stríðið hefur haft veru­lega hamlandi áhrif. 

Í umfjöllun Bloomberg segir að svo geti far­ið, að sam­komu­lag milli Kína og Banda­ríkj­anna, um við­skipta­for­sendur í inn- og útflutn­ingi milli land­anna, geti náðst á næstu miss­er­um. Erfitt er þó að spá fyrir um tíma­setn­ing­ar, þar sem óvæntir atburðir - meðal ann­ars yfir­lýs­ingar Trump á Twitter - hafa til þessa sett nokk­urt strik­inn í reikn­ing­inn, þegar kemur að þróun mála.