„Þetta upp­á­tæki Svan­hildar Hólm - að sækja um stöðu útvarps­stjóra - sýnir okkur hið furðu­lega sam­band Sjálf­stæð­is­manna við Rík­is­út­varp­ið. Ann­ars vegar standa þeim í linnu­lausum árásum á stofn­un­ina, með hót­unum og hlut­drægni­brigslum gagn­vart hverjum þeim sem ekki hefur svarið trún­að­areiða í Val­höll – láta eins og það sé sér­stakt keppi­kefli allra sem þarna starfa að ráð­ast á Sjálf­stæð­is­flokk­inn – og hins vegar telja þeir sig geta gengið þarna inn og út að vild og tekið sér þær stöður sem þá fýsir hverju sinn­i.“

Þetta segir Guð­mundur Andri Thors­son, þing­maður Sam­fylk­ing­ar­inn­ar, í stöðu­upp­færslu á Face­book þar sem hann fjallar um umsókn Svan­hildar Hólm Vals­dótt­ur, aðstoð­ar­manns Bjarna Bene­dikts­son­ar, fjár­mála- og efna­hags­ráð­herra og for­manns Sjálf­stæð­is­flokks­ins, um stöðu útvarps­stjóra RÚV. 

Mat Guð­mundar Andra er að mann­eskja sem hefur aðstoð for­mann Sjálf­stæð­is­flokks­ins árum sam­an, meðal ann­ars við fram­komu í fjöl­miðl­um, er ekki heppi­leg til að gegna starfi á borð við útvarps­stjóra. „Það segir sig eig­in­lega sjálft. Þar með er ekki sagt að við­kom­andi sé ekki góður og fram­bæri­legur starfs­kraftur – hún hefur sýnt að það er hún svo sann­ar­lega - en mann­eskja sem sinnt hefur slíkri trún­að­ar­stöðu fyrir slíkan valda­mann, sem á mikið undir opin­berri umfjöllun um sig og sinn flokk, er ein­fald­lega ekki trú­verð­ugur full­trúi stofn­unar sem okkur er öllum mikið í mun að sé sjálf­stæð og sterk og ekki í þjón­ustu­hlut­verki við rík­is­stjórnir hverju sinn­i.“

Svan­hildur hefur verið aðstoð­­ar­­maður Bjarna frá árinu 2012. Hún var fram­­kvæmda­­stjóri þing­­flokks Sjálf­­stæð­is­­flokks­ins í þrjú ár þar á undan en starf­aði einnig um ára­bil sem fjöl­miðla­­mað­­ur, meðal ann­­ars í Kast­­ljósi og sem þátta­­stjórn­­andi í Íslandi í dag á Stöð 2. 

Sjálf­stæð­is­fólk bara fólkið í næsta húsi

Í stöðu­upp­færsl­unni segir Guð­mundur Andri að auð­vitað sé Sjálf­stæð­is­flokk­ur­inn ekki krabba­mein í þjóð­líf­inu eða banda­lag barn­a­níð­inga. „Þetta er bara fólkið í næsta húsi, frændur og frænkur – vissu­lega svo­lítið margir for­stjórar og kvóta­greifar en þó fyrst og fremst alls konar fólk sem hefur sterka sann­fær­ingu fyrir því að málum sé alla­jafnan betur komið í höndum ein­stak­linga og félaga­sam­taka en rík­is­ins, sem þetta fólk lítur á sem eitt­hvað annað en sam­starf borg­ar­anna um sam­fé­lags­leg úrlausn­ar­efni sem fjár­magna þurfi með skött­um. Fólk sem trúir því að hver sé sinnar gæfu smiður – ekki með spurn­inga­merki, eins og Kata frænka orð­aði það. Sem sé: Sjálf­stæð­is­flokk­ur­inn er ekki ill­virkja­sveit. Slík demóníser­andi orð­ræða missir marks þegar horf­inn er fyrsti stund­ar-un­að­ur­inn af því að ausa fúk­yrðum yfir fólk.“

Flokk­ur­inn sé hins vegar ekki hinn eðli­legi vett­vangur valda og sam­skipta í sam­fé­lag­inu, og að mati Guð­mundar Andra eru trún­að­ar­störf fyrir flokk­inn ekki endi­lega góður und­ir­bún­ingur að valda­stöðum á sam­fé­lags­vís­u. 

Svan­hildur er ein af þeim 41 ein­stak­lingum sem sótti um stöðu útvarps­stjóra RÚV áður en frestur til þess rann út fyrr í mán­uð­in­um. Stjórn RÚV mun taka ákvörðun um hver fær starfið í kjöl­far þess að umsækj­endur fara í gegnum mats­ferli hjá Capacent. Ekki verður greint frá því hverjir sóttu um en stjórn RÚV taldi að slíkt myndi fæla hæfa umsækj­endur frá því að sækja um stöð­una. Nokkrir hafa þó stað­fest í fjöl­miðlum að þeir hafi sótt um stöð­una. 

Á meðal ann­­­arra sem hafa stað­­­fest að þeir hafi sótt um stöð­una eru Elín Hir­st, fyrr­ver­andi þing­­­maður Sjálf­­­stæð­is­­­flokks­ins, Kol­brún Hall­­­dór­s­dótt­ir, fyrr­ver­andi þing­­­maður Vinstri grænna, Bald­vin Þór Bergs­­son, dag­­skrár­­stjóri núm­iðla RÚV, Stein­unn Ólína Þor­­­steins­dótt­ir, leik­­­kona og fyrr­ver­andi rit­­­stjóri Kvenna­­­blaðs­ins og Her­dís Kjer­úlf Þor­valds­dótt­ir, doktor í lögum og fyrr­ver­andi for­seta­fram­bjóð­andi.