Nýtt snjall­for­rit, eða app, til að greiða fyrir að leggja bílum á gjald­skyldum svæðum í mið­borg Reykja­víkur hefur litið dags­ins ljós, Parka app­ið. Hingað til hafa tvö snjall­for­rit boðið upp á þjón­ustu til að leggja bílum en það er Sím­inn Pay og appið Leggja sem keypt hefur verið af sænska bíla­stæða­lausn­a­fyr­ir­tæk­inu EasyP­ark. Parka appið hefur í för með sér ýmsar nýj­ung­ar, þar á meðal verða not­endur ekki rukk­aðir um þjón­ustu­gjöld. 

Ætla afla tekna með öðrum leiðum

Parka er fyr­ir­tæki sem nýsköp­un­ar­fyr­ir­tæk­ið Computer Vision ­stofn­aði í sam­starfi við Sýn hf. Parka app­ið á að ein­falda það að leggja í gjald­skyld svæði með því að muna stað­setn­ingu á bíln­um, sýna greiðslu­svæði á korti og senda frí­ar áminn­ing­ar um að skrá bíl­inn úr stæði. Í gegn­um app­ið er hægt að greiða fyrir bíla­stæði í miðbæ Reykja­vík­ur, Höfða­torg­i, Skafta­felli í Vatna­jök­uls­þjóð­garði og á Þing­völl­u­m. 

Enn frem­ur mun app­ið ekki rukka not­endur um þjón­ustu­gjöld eða önnur auka­gjöld sem fyr­ir­tækið segir að sé nýmæli á mark­aðnum í dag. Þess í stað stefnir fyr­ir­tækið á að afla tekna með öðrum hætti, með nýjum lausnum sem verða kynntar á næstu dög­um. Leggja app­ið rukkar 95 króna þjón­ustu­gjald fyrir hvert skipti sem bíl er lagt en einnig er hægt að greiða fast mán­að­ar­gjald.

„Við höfum fulla trú á því að geta aflað tekna með öðrum leiðum og sjáum ýmis tæki­færi sem verða kynnt betur á næst­unni. Við erum nýsköp­un­ar­fyr­ir­tæki sem hugsar í lausnum og setjum not­and­ann í fyrsta sæti. Parka er ætlað að auð­velda þér lífið og verða eins sjálf­virkt og hægt er. Draum­ur­inn okkar er að þegar þú ekur inn á bíla­stæði að þá þurfir þú ekki einu sinni að taka upp app­ið. Þessa lausn munum við frum­reyna í Hafn­ar­torg­i,“ segir Ægir Finns­son, tækni­stjóri Park­a. 

EasyP­ark kaupir Leggja

Leggja var stofnað árið 2008 af hug­bún­að­ar­fyr­ir­tæk­inu Stokki og var keypt af Já hf. árið 2017. Fyr­ir­tækið greindi frá því í gær að sænska bíl­stæða­þjón­ustu­fyr­ir­tækið EasyP­ark hefði keypt Leggja. EasyP­ark býður í dag upp á bíla­stæða­lausnir í yfir 1300 borgum í 18 lönd­um. 

Með kaup­um E­a­syP­ark á Leggja verður við­skipta­vinum boðið upp á að nýta sömu þjón­ustu víð­ar, sem á að auð­velda landsmönnum að leggja í út­löndum og sömu­leiðis ferða­mönnum að leggja hér­lend­is. 

„Ea­syP­ark er ­leið­andi á þessu sviði með lausn og þjón­ustu í stöðugri þróun sem Ís­lend­ingar munu njóta góðs af. Þetta er því mjög spenn­andi breyt­ing fyrir við­skipta­vini Leggja.” er haft eftir Vil­borgu Helgu Harð­ar­dótt­ur, ­for­stjóri Já, í frétta­til­kynn­ingu Leggja. 

Sím­inn Pay hefur einnig boðið uppá sömu þjón­ustu og Leggja um nokkra hríð auk þess að vera almenn greiðslu- og lána­lausn.