Chris Porch hefur verið ráð­inn tíma­bund­inn for­stjóri hug­bún­að­ar­fyr­ir­tæk­is­ins Tempo, félags sem er í 45 pró­sent eigu Origu. Hann tekur við starf­inu af Gary Jackson sem hefur látið af störf­um. 

Jackson var ráð­inn for­stjóri Tempo í apríl 2019 og gengdi því starf­inu í ein­ungis níu mán­uði. Í til­kynn­ingu til Kaup­hallar vegna for­stjóra­skipt­anna er haft eftir Finni Odds­syni, for­stjóra Origo, að breyt­ing­arnar á for­yst Tempo séu „liður í að stilla betur saman áherslur stjórnar og stjórn­enda og byggja um leið sterkt leið­togateymi til fram­tíð­ar. Rekstur Tempo gekk vel á síð­asta ári, tekju­vöxtur og afkoma voru umfram vænt­ingar og horfur eru mjög góð­ar.”

Diversis Capi­tal á 55 pró­sent í Tempo á móti Origo, en fyr­ir­tækið er leið­andi í þróun lausna fyrir verk­efna­stýr­ingu og tíma­skrán­ingu og þjónar nú 13 þús­und við­skipta­vinum í yfir 120 lönd­um.  Hjá fyr­ir­tæk­inu starfa um 130 sér­fræð­ing­ar, á Íslandi, í Kanada og í Banda­ríkj­un­um. 

Porch, hinn nýi tíma­bundni for­stjóri, hefur sam­kvæmt til­kynn­ingu ára­tug­a­reynslu af rekstri hug­bún­að­ar­fyr­ir­tækja, sem stofn­andi, stjórn­andi og stjórn­ar­for­mað­ur. Hann hefur að und­an­förnu starfað sem stjórn­enda­tengiliður Diversis Capi­tal hjá Tempo, þar sem hann hefur stutt við stjórn­enda­teymið í stefnu­mótun og áætl­un­ar­gerð.

Í til­kynn­ing­unni segir að nýr for­stjóri Tempo verði ráð­inn eins fljótt og auðið er en þangað til mun Porch vinna með stjórn­un­arteymi Tempo að vexti fyr­ir­tæk­is­ins.