Hér­aðs­dómur Vest­fjarða vís­aði í dag frá dóms­máli hluta land­eig­enda Dranga­víkur á Ströndum á hendur Vest­ur­Verki ehf. og Árnes­hreppi. 

Dóm­ur­inn hefur ekki verið birtur enn á vef­síðu Hér­aðs­dóms Vest­fjarða, en í til­kynn­ingu frá Vest­ur­verki segir að dóm­ur­inn telji það ósannað að eig­endur Dranga­víkur eigi það land sem fram­kvæmdir á svæð­inu - sem deilan snýst um - varða.

Land­eig­endur höfð­uðu mál gegn Vest­ur­verki og Árnes­hreppi í lok sum­ars og kröfð­ust þess að fram­kvæmda­leyfi Vest­ur­verks, fyrir fram­kvæmdum á Ófeigs­fjarð­ar­heiði vegna Hval­ár­virkj­un­ar, yrði fellt úr gildi sem og deiliskipu­lag vegna fram­kvæmd­anna. Eru því stefn­endur í mál­inu ekki taldir hafa lögvarða hags­muni vegna máls­ins.

Dóm­ur­inn telur jafn­framt að ekki hafi verið sýnt fram á að röskun verði á hags­munum eig­enda Dranga­víkur sem rétt­lætt geti aðild þeirra að mál­inu, að því er segir í til­kynn­ingu frá Vest­ur­verki.

Dóm­ur­inn dæmdi stefn­endur til þess að greiða Árnes­hreppi og Vest­ur­verki ehf. kr. 600.000,-, hvorum fyrir sig, í máls­kostnað vegna máls­ins.