„Stjórn VR lét því gera við­horfskönnun almenn­ings á því hvort óstofnað stjórn­mála­afl verka­lýðs­hreyf­ing­ar­innar nyti braut­ar­gengis í næsti Alþing­is­kosn­ing­um. Nið­ur­staðan var athygl­is­verð og ánægju­leg því 23% svar­enda höfðu hug á að kjósa slíkan flokk verði hann stofn­að­ur. Það þýðir að um væri að ræða stærsta stjórn­mála­flokk­inn miðað við síð­ustu kann­anir og mögu­lega ráð­andi afl eftir næstu kosn­ing­ar.“ 

Þetta segir Ragnar Þór Ing­ólfs­son, for­maður VR, stærsta stétt­ar­fé­lags lands­ins, í stöðu­upp­færslu á Face­book. Þar segir hann að þetta hljóti að telj­ast vera stór­fréttir og að sama skapi áfell­is­dómur yfir núver­andi flokka­kerfi. Sam­kvæmt könn­un­inni, sem MMR gerði fyrir VR, taki hið óstofn­aða fram­boð fylgi af öllum flokkum sem í dag eru starf­and­i. 

Ragnar Þór segir að stjórn VR hafi sam­þykkt á síð­asta stjórn­ar­fundi sínum að fela honum að kynna ítar­legar nið­ur­stöður fyrir mið­stjórn Alþýðu­sam­bands Íslands. 

Vakti hörð við­brögð

Um miðjan nóv­em­ber viðr­aði Ragnar Þór þá hug­mynd í pistli að kjós­endur myndu fá raun­veru­­legan val­­kost sem snúi að „raun­veru­­legum breyt­ingum á kerfi sem merg­­sýgur sam­­fé­lagið að utan sem inn­­­an. Val­­kost sem refsar þeim sem allt vilja fá og ekk­ert gefa í stað­inn. Val­­kost sem raun­veru­­lega er til höf­uðs þeim sem neyta að taka þátt í sam­­fé­lags­sátt­­mál­an­­um. Sátt­­mála um að allir hjálp­­ist að við að baka brauðið og þeir veik­­ustu fái að borða fyrst.“ 

Í pist­l­inum sagði Ragnar enn fremur að val­­kost­­ur­inn gæti orðið sá að verka­lýðs­hreyf­­ingin færi af stað með þverpóli­­tískt fram­­boð um þessar breyt­ing­­ar.

Hug­myndin vakti hörð við­brögð víða, sér­stak­lega úr atvinnu­líf­inu og innan stjórn­mál­anna, og fékk litlar und­ir­tektir hjá öðrum for­ystu­mönnum innan verka­lýðs­hreyf­ing­ar­inn­ar. 

Seg­ist vera á „há­réttri leið“

Ragnar Þór segir í stöðu­upp­færsl­unni í dag að athyglin sem hug­myndin hafi verið svo mikil að „varð­hundar núver­andi kerfis reyndu að halda því fram að það stang­að­ist á við lög að hreyf­ingin hefði skoð­anir á því eða vildi hafa bein áhrif á hvernig land­inu okkar er stjórn­að. Þó byggð­ist hug­myndin ein­göngu á því að hreyf­ingin bjóði fram með stuttan verk­efna­lista sem kjós­endur gætu valið um. 

Verk­efna­lista sem væri ekki útþynntur með bit­lingum á háborði stjórn­ar­ráðs­ins heldur væri fram­boðið nauð­vörn gegn þeirri stöðu sem uppi er í íslenskum stjórn­mál­um. Fram­boðið væri til­raun í eitt kjör­tíma­bil. Sterk við­brögð sér­hags­muna­afla er mæli­kvarði á það hvort við erum á réttri leið eða ekki. Mín til­finn­ing var sú að með þess­ari hug­mynd vorum við á hár­réttri leið.“

Stjórn VR hafi því látið MMR gera við­horfskönnun almenn­ings á því hvort óstofnað stjórn­mála­afl verka­lýðs­hreyf­ing­ar­innar nyti braut­ar­gengis í næstu Alþing­is­kosn­ing­um. Nið­ur­staðan hafi ver­ið, líkt og áður sagði, að 23 pró­sent svar­enda hefðu hug á að kjósa þverpóli­tískt fram­boð verka­lýðs­hreyf­ing­ar­inn­ar.