Justin Tru­deau, for­sæt­is­ráð­herra Kana­da, segir að lík­lega hafi 737 800 vél Ukraine International verið skotin niður af loft­varn­ar­kerfi íranska hers­ins, en allir um borð, sam­tals 176, lét­ust þegar vélin hrap­aði til jarðar skömmu eftir flug­tak. 

AP greindi frá þessu í dag.

Í vél­inni voru meðal ann­ars 63 Kanada­menn. 

Tru­deau hefur heitið því að öllum steinum verði velt við, í rann­sókn á mál­inu, og ætla yfir­völd í Kanada að standa fyrir sinni eigin rann­sókn, en einnig vinna með þeim sem koma að rann­sókn mála í Íran og í Banda­ríkj­un­um. 

Atburð­ur­inn var nær sam­hliða því að Íran skaut flug­skeytum að tveimur her­stöðvum Banda­ríkj­anna í Írak, í hefnd­ar­skyni fyrir morðið á Qassem Soleimani, æðsta hers­höfð­ingja Íran, en það var Don­ald Trump Banda­ríkja­for­seti sem fyr­ir­skip­aði dróna­árás á Soleiman­i. 

Eng­inn lét lífið í árás­unum Íran, en yfir­völd þar í landi sögðu að um hefnd­ar­að­gerð væri að ræða. Banda­ríkja­for­seti sagði í ávarpi til þjóð­ar­innar í gær, að hann vildi ekki stríð við Íran og að spennan hefði nú minnkað í sam­skiptum ríkj­anna.