Alp­habet (Goog­le) er nú virði rúm­lega eitt þús­und millj­arða Banda­ríkja­dala, eða sem nemur um 125 þús­und millj­örðum króna. 

Fyr­ir­tækið er hið fjórða í sögu hluta­bréfa­mark­aða í Banda­ríkj­unum sem nær þessum tíma­mótum í mark­aðsvirð­i. 

Hin fyr­ir­tækin eru Apple - sem er 1,4 þús­und millj­arða Banda­ríkja­dala virði í dag -, Microsoft - með 1,3 þús­und millj­arða Banda­ríkja­dala -, og síðan Amazon, en verð­mið­inn á því fyr­ir­tæki í dag er þó aðeins undir þús­und millj­örðum Banda­ríkja­dala, eða sem nemur um 940 millj­örð­u­m. 

Sam­an­lagt virði þess­ara fyr­ir­tæki nemur því um 4.640 millj­örðum Banda­ríkja­dala, eða sem nemur um 580 þús­und millj­örðum króna. 

Virði þess­ara fjög­urra fyr­ir­tækja hefur marg­fald­ast á und­an­förnum fimm árum. Sé horft til síð­ustu tólf mán­aða, hefur virðið hækkað hratt hjá Alp­habet, Microsoft og App­le, eða um að með­al­tali 65 pró­sent. Amazon náði þús­und millj­arða Banda­ríkja­dala mark­inu fyrst árið 2018, en Microsoft á síð­ari hluta síð­asta árs. 

Þessi fyr­ir­tæki eru með digra sjóði, svo ekki sé meira sagt. Þannig má sem dæmi nefna, að sam­an­lagt laust fé frá rekstri hjá Apple og Microsoft nemur nú um 400 millj­örðum Banda­ríkja­dala, eða sem nemur um 50 þús­und millj­örðum króna. 

Fyrir þá upp­hæð er hægt að stað­greiða allt hús­næði á Íslandi sex sinn­um, sé mið tekið af fast­eigna­mati 2019.