Sjúkratryggingar Íslands í úttekt á starfsemi Heilsustofnunar í Hveragerði

Heilsustofnunin í Hveragerði fékk 875,5 milljónir króna úr ríkissjóði á síðasta ári. Samkvæmt ársreikningi hennar hækkuðu stjórnarlaun um 43,3 prósent á árinu 2018. Sjúkratryggingar Íslands hefur hafið úttekt á starfseminni.

Gunnlaugur K. Jónsson er formaður rekstrarstjórnar Heilsustofnunarinnar í Hveragerði.
Gunnlaugur K. Jónsson er formaður rekstrarstjórnar Heilsustofnunarinnar í Hveragerði.
Auglýsing

Sjúkra­trygg­ingar Íslands hefur hafið úttekt á rekstri og starf­semi Heilsu­stofn­unar Nátt­úru­lækn­inga­fé­lags Íslands í Hvera­gerði, sem veitir marg­þætta end­ur­hæf­ing­ar­þjón­ustu í starf­semi sinn­i. 

Sam­kvæmt heim­ildum Kjarn­ans kall­aði Sjúkra­trygg­ingar Íslands eftir ýmsum gögnum frá Heilsu­stofn­un­inni í fyrra­haust, í kjöl­far þess að Stundin fjall­aði um háar greiðslur til Gunn­laugs K. Jóns­son­ar, for­manns rekstr­ar­stjórnar henn­ar. Við skoðun þeirra upp­lýs­inga var talið til­efni til að ráð­ast í heild­stæð­ari úttekt á starf­sem­inni, sem er að uppi­stöðu fjár­mögnum úr opin­berum sjóð­um. Sú úttekt stendur nú yfir. 

Heil­stofnun end­ur­nýj­aði þjón­ustu­samn­ing sinn við Sjúkra­trygg­ingar Íslands fyrir ekki löngu. Hann tryggði 875,5 millj­óna króna fjár­veit­ingu til starf­sem­innar á árinu 2019. Sá samn­ing­ur, sem skrifað var undir eftir þriggja ára við­ræður og níu fram­leng­ingar fyrri þjón­ustu­samn­ings, felur í sér ákvæði um hvernig sé heim­ilt að ráð­stafa fé sem greitt er vegna samn­ings­ins. Ríkið greiðir alls um 67 pró­sent að heild­ar­rekstr­ar­kostn­aði stofn­un­ar­innar en hitt sem upp á vantar er greitt með inn­heimtu sér­tekna, þar á meðal sala stofn­un­ar­innar á vörum og þjón­ustu til ann­arra.

Auglýsing
Samkvæmt rekstr­ar­reikn­ingi Heilsu­stofn­unar Nátt­úru­lækn­inga­fé­lags Íslands, sem er að finna í árs­reikn­ingi henn­ar, jókst kostn­aður við rekstur stjórnar félaga­sam­tak­anna um 43,3 pró­sent á árinu 2018, fór úr 12,8 millj­ónum króna í 18,4 millj­ónir króna. Í frétt Stund­ar­innar frá því í júlí 2019 kom fram að Gunn­laugur K. Jóns­son, stjórn­ar­for­maður Heilsu­stofn­un­ar­inn­ar, hefði fengið 1,2 millj­ónir króna á mán­uði í greiðslur á því ári. 

Greiðslur trún­að­ar­mál

Kjarn­inn sendi síðla árs í fyrra fyr­ir­spurn til Brynjars Þórs­son­ar, fram­kvæmda­stjóra rekstrar hjá Heilsu­stofn­un, og spurði meðal ann­ars um auk­inn kostnað við rekstur stjórnar á árinu 2018. 

Í svörum hans sagði meðal ann­ars að launa stjórnar stofn­un­ar­innar væru ákveðin af stjórn Nátt­úru­lækn­inga­fé­lags Íslands, eig­anda Heilsu­stofn­un­ar­inn­ar. For­seti þess félags er einnig stjórn­ar­for­maður Heilsu­stofn­un­ar­inn­ar, Gunn­laugur K. Jóns­son. Hann starfar einnig sem aðstoð­ar­yf­ir­lög­reglu­þjónn hjá lög­regl­unni á höf­uð­borg­ar­svæð­inu. Stofn­andi heilsu­stofn­un­ar­inn­ar, Jónas Krist­jáns­son, var langafi hans. 

Gunn­laugur tekur því sjálfur þátt í að ákveða laun sín. Auk þess er vara­for­seti Nátt­úru­lækn­inga­fé­lags­ins, Geir Jón Þór­is­son, fyrr­ver­andi vara­þing­maður Sjálf­stæð­is­flokks­ins og fyrr­ver­andi yfir­lög­reglu­þjónn, vara­maður í stjórn Heilsu­stofn­un­ar. Aðrir í stjórn eru Inga Dóra Sig­fús­dóttir pró­fessor og Þórir Har­alds­son lög­fræð­ing­ur. Þá situr Bald­vin Jóns­son verk­efna­stjóri með Geir Jóni í vara­stjórn. 

Erfið sam­skipta­mál og samn­inga­mál

Í svörum fram­kvæmda­stjór­ans kom einnig fram að  greiðslur fyrir stjórn­ar­setu í Heilsu­stofnun Nátt­úru­lækn­inga­fé­lags Íslands á árinu 2018 hafi verið á á bil­inu 17 – 170 þús­und krónur á mán­uði. Í rekstr­ar­stjórn­inni sitja þrír aðal­menn auk þess þess sem tveir sitja í vara­stjórn. Jafn­vel þótt allir fimm hefðu fengið hæstu mögu­leg mán­að­ar­laun allt árið 2018 þá hefði heild­ar­kostn­aður samt sem áður ekki verið nema 10,2 millj­ónir króna. Þær greiðslur útskýra því ekki þann kostn­að­ar­auka sem varð við rekstur stjórnar á árinu 2018. 

Í svörum Brynjars við fyr­ir­spurn Kjarn­ans vegna þessa sagði að upp hefði komið „verk­efni sem stjórn þurfti að grípa inn í, umfram það sem áður hefur ver­ið. Þar var meðal ann­ars um að ræða samn­inga­mál við Sjúkra­trygg­ingar Íslands og erfið sam­skipta­vanda­mál innan stofn­un­ar­innar þar sem meðal ann­arra aðgerða þurfti að kalla til aðstoð vinnu­staða­sál­fræð­ings. Þungi þeirrar vinnu var unnin af stjórn­ar­for­mann­i.“ Þá sagði Brynjar að vegna mis­taka hefðu 2,5 millj­ónir króna verið færðar á þennan lið í árs­reikn­ingi, en það hafi ekki komið í ljós fyrr en eftir gerð hans. 

Trún­aður um stjórn­ar­laun

Kjarn­inn spurði stofn­un­ina einnig hvernig greiðslur skipt­ust niður á ein­stak­linga en fram­kvæmda­stjóri rekstrar neit­aði að svara þeirri fyr­ir­spurn og sagði greiðslur til ein­stak­linga trún­að­ar­mál. 

Þegar spurn­ingin var ítrek­uð, með vísun í að starf­semi Heilsu­stofn­unar væri að uppi­stöðu fjár­mögnuð með opin­beru fé, og óskað skýr­inga á því hvaða hags­munir krefð­ust þess að um stjórn­ar­laun ríkti trún­að­ur, þá barst ekk­ert svar. 

Í árs­reikn­ingi Heil­stofn­un­ar­innar fyrir árið 2018 kom fram að kostn­aður vegna umsjónar og rekst­urs fast­eigna/­lausa­fjár­muna hafi auk­ist um 64,2 pró­sent á árinu 2018 , úr 119,1 millj­ónum króna í 195,6 millj­ónir króna.

Brynjar svar­aði því til að á árinu 2018 hafi verið ráð­ist í „við­halds­fram­kvæmdir sem höfðu setið á hak­anum und­an­farin ár, m.a. skipti á þakjárni, end­ur­nýjun gól­f­efna og lag­fær­ing á her­bergja­álmum sem skýrir hækkun á liðnum milli ára.“

Heilsustofnun Náttúrulækningafélags Íslands

Heilsu­stofnun Nátt­úru­lækn­inga­fé­lags Íslands hefur starfað frá árinu 1955. Starf­semin byggir á heild­rænum lækn­ingum og þar er heilsu­vandi þeirra ein­stak­linga sem þangað leita ­skoð­aður með það í huga að líta þurfi á and­legt, lík­am­legt og félags­legt ástand í sam­heng­i. 

Á heima­síðu hennar segir að með­ferð­ar­stefnan feli meðal ann­ars í sér „þá við­leitni að koma á og við­halda eðli­legum og heil­brigðum tengslum á milli ein­stak­lings­ins og umhverfis hans og efla varnir lík­ama og sálar gegn hvers­konar van­heilsu og sjúk­dóm­um.[...]Við með­ferð er lögð áhersla á mark­vissa hreyf­ingu, hollt matar­æði, slökun og hvíld. Fræðsla og fag­leg ráð­gjöf er stór þáttur í starf­inu og þar er lögð mest áhersla á heilsu­vernd og bætta lífs­hætti. Nátt­úru­lækn­inga­stefna Heilsu­stofn­unar NLFÍ er í fullu sam­ræmi við mark­mið Alþjóða­heil­brigði­stofn­un­ar­innar um bætt heil­brigði og heilsu­fars­þróun í heim­inum og fellur hún vel að íslenskri heil­brigð­is­stefn­u.“

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Sólveig Anna Jónsdóttir, formaður Eflingar, og Dagur B. Eggertsson, borgarstjóri í Reykjavík.
Dagur: Mesta hækkun lægstu launa sem samið hefur verið um í kjarasamningum
Borgarstjórinn í Reykjavík opinberaði hvað felst í tilboði borgarinnar til ófaglærðra starfsmanna Eflingar í sjónvarpsviðtali í kvöld. Hann segir tilboðið upp á mestu hækkun lægstu launa í Íslandssögunni.
Kjarninn 19. febrúar 2020
Frá baráttufundi á vegum Eflingar fyrr í mánuðinum.
Segja borgina hafa slegið á sáttarhönd láglaunafólks – Verkfallið heldur áfram
Engin lausn er í sjónmáli í deilum Eflingar við Reykjavíkurborg eftir að tilboði sem Efling lagði fram í gær til lausnar á deilunni var ekki tekið.
Kjarninn 19. febrúar 2020
Krínólín, kjólar og ómældur kvennakraftur!
Leiklistargagnrýnandi Kjarnans fjallar um Konur & krínólin eftir Eddu Björgvinsdóttur.
Kjarninn 19. febrúar 2020
Sanna Magdalena Mörtudóttir
Láglaunastefnan gerir mann svangan
Kjarninn 19. febrúar 2020
Loftslagsbreytingar, hnignun vistkerfa, fólksflótti, stríðsátök, ójöfnuður og skaðleg markaðssetning er meðal þess sem ógnar heilsu og framtíð barna í öllum löndum.
Loftslagsbreytingar ógn við framtíð allra barna
Ísland er eitt besta landið í veröldinni fyrir börn en samkvæmt nýrri skýrslu UNICEF, WHO og læknaritsins Lancet dregur mikil losun gróðurhúsalofttegunda okkur niður listann yfir sjálfbærni.
Kjarninn 19. febrúar 2020
Þorsteinn Már Baldvinsson, fyrrverandi og líkast til verðandi forstjóri Samherja.
Búist við að Þorsteinn Már snúi aftur sem forstjóri Samherja í næsta mánuði
Tímabundnu leyfi Þorsteins Más Baldvinssonar frá forstjórastóli Samherja virðist vera að fara að ljúka. Sitjandi forstjóri reiknar með að hann snúi aftur í næsta mánuði. Engin niðurstaða liggur fyrir í rannsókn Samherjamálsins hérlendis.
Kjarninn 19. febrúar 2020
Útvegsmenn vilja að sjómenn greiði hlutdeild í veiðigjaldi til stjórnvalda
Ein af nítján kröfum Samtaka fyrirtækja í sjávarútvegi er að sjómenn greiði hlut í veiðigjaldi og kolefnisgjaldi. Formanni Sjómannasambands Íslands líst ekki kröfurnar „frekar en endranær.“
Kjarninn 19. febrúar 2020
Hluthafar Arion banka gætu tekið út tugi milljarða úr bankanum í ár
Áframhaldandi breytt fjármögnun, samdráttur í útlánum, stórtæk uppkaup á eigin bréfum og arðgreiðslur sem eru langt umfram hagnað eru allt leiðir sem er verið að fullnýta til að auka getu Arion banka til að greiða út eigið fé bankans í vasa hluthafa.
Kjarninn 19. febrúar 2020
Meira úr sama flokkiInnlent