Stefán Eiríks­son, borg­­ar­­rit­­ari Reykja­víkur og fyrr­ver­andi lög­­­reglu­­stjóri á höf­uð­­borg­­ar­­svæð­inu, er nýr útvarps­stjóri RÚV. Starfs­fólki RÚV var greint frá ráðn­ing­unni rétt í þessu.

Í pósti sem Mar­grét Magn­ús­dótt­ir, starf­andi útvarps­stjóri RÚV, sendi á starfs­fólk, sagði:

„Kæra sam­starfs­fólk, Ákörðun um ráðn­ingu útvarps­stjóra liggur nú fyrir en stjórn RÚV hef­ur ákveðið að ráða Stefán Eiríks­son út­varps­­stjóra til næstu fimm ára. Ákvörð­unin var tekin sam­hljóða á fundi stjórnar í gær­kvöld­i. ­Stjórn Rík­is­út­varps­ins ræður útvarps­stjóra, ber ábyrgð á ráðn­ing­ar­ferl­inu og öllum ákvörð­unum því tengd­u. 

Stjórnin lagði áherslu á fag­­legt og vandað ráðn­ing­­ar­­ferli og naut lið­sinnis ráð­gjafa Capacent. Í ráðn­ing­ar­ferl­inu var lögð áhersla á meta umsækj­endur út frá þeim hæfn­is­kröfum sem fram voru sett­ar í aug­lýs­ing­unni um starf­ið. Þar var rík áhersla lögð á þekk­ingu, reynslu og færni í stjórnun og rekstri og leitað eftir öfl­ugum leið­toga til að stýra RÚV inn í nýja tíma miðl­un­ar. 

 Stefán hefur umfangs­mikla reynsla af stjórnun og rekstri, sem stjórn­andi opin­berrar stofn­unar um ára­bil, sem skrif­stofu­stjóri og stað­geng­ill ráðu­neyt­is­stjóra, sem stjórn­ar­maður og stjórn­ar­for­maður í opin­beru hluta­fé­lagi, sem sviðs­stjóri vel­ferð­ar­sviðs Reykja­vík­ur­borgar og nú síð­ast sem borg­ar­rit­ari og stað­geng­ill borg­ar­stjóra. ­Stefán lauk emb­ætt­is­prófi í lög­fræði frá Háskóla Íslands árið 1996 og hdl. árið 1997. Þá hefur hann sótt ýmis nám­skeið tengt stjórnun og lokið sér­hæfðu stjórn­enda­námi Bloomberg Harvard City Leaders­hip Ini­ti­ati­ve.“

Stefán var á meðal 41 umsækj­enda um starfið en eins og Kjarn­inn greindi frá fyrr í dag stóðu fjórir slíkir eftir í síð­ustu viku. Hinir þrír voru Kol­brún Hall­­dór­s­dótt­ir, fyrr­ver­andi umhverf­is­ráð­herra og fyrr­ver­andi þing­­maður Vinstri grænna, Karl Garð­­ar­s­­son, fram­­kvæmda­­stjóri útgáfu­­fé­lags DV og fyrr­ver­andi þing­­maður Fram­­sókn­­ar­­flokks­ins, og Þor­­steinn Gunn­­ar­s­­son, sveit­­ar­­stjóri í Skút­u­­stað­­ar­hreppi, sam­kvæmt heim­ildum Kjarn­ans. 

Starfið var aug­lýst ­­laust til umsóknar seint á síð­asta ári. Á meðal ann­­arra en ofan­­greindra sem stað­­­fest er að sóttu um starfið eru Svan­hildur Hólm Vals­dótt­ir, aðstoð­­­ar­­­maður Bjarna Bene­dikts­­­sonar fjár­­­­­mála- og efna­hags­ráð­herra, Elín Hir­st, fyrr­ver­andi þing­­­maður Sjálf­­­stæð­is­­­flokks og áður frétta­­­stjóri hjá RÚV, Kol­brún Hall­­­dór­s­dótt­ir, fyrr­ver­andi þing­­­maður Vinstri grænna og umhverf­is­ráð­herra, Her­­­­dís Kjerulf Þor­­­­geir­s­dóta­t­ir, doktor í lögum með tján­ing­­­­­ar­frelsi fjöl­miðla sem sér­­­­­­­­­svið og er einnig mennt­aður stjórn­­­­­­­mála­fræð­ing­­­­ur, Bald­vin Þór Bergs­­­­son, dag­­­­skrár­­­­stjóri núm­iðla RÚV, Stein­unn Ólína Þor­­­­­steins­dótt­ir, leik­­­­­kona og fyrr­ver­andi rit­­­­­stjóri Kvenna­­blaðs­ins, og Kristín Þor­­­steins­dótt­ir, fyrr­ver­andi rit­­­stjóri Frétta­­­blaðs­ins. 

Magnús Geir hætti skömmu eftir end­ur­ráðn­ingu

Þann 1. nóv­­em­ber síð­­ast­lið­inn var greint frá því að Magnús Geir Þórð­­ar­­son, sitj­andi útvarps­­­stjóri, hefði verið skip­aður þjóð­­leik­hús­­stjóri. Hann hafði þá setið í Efsta­­leiti frá því snemma árs 2014 og stjórn RÚV hafði fyrr á árinu 2019 ákveðið að fram­­lengja fimm ára ráðn­­ing­­ar­­tíma­bil Magn­úsar Geirs um önnur fimm ár. ­Upp­­­­­haf­­­­­legur umsókn­­­­­­ar­frestur rann út 2. des­em­ber en ákveðið var að fram­­­­­­lengja hann um viku, eða til 9. des­em­ber. 

Í aug­lýs­ing­u sagði að útvarps­­­­­­­stjóri hafi það hlut­verk að „fram­­­­fylgja stefnu Rík­­­­is­út­­­­varps­ins og gæta hags­muna þess í hví­vetna. Leitað er að öfl­­­­ugum og reyndum leið­­­­toga til að stýra RÚV inn í nýja tíma mið­l­un­­­­ar“.

Hæfn­i­­­­kröfur eru háskóla­­­­menntun sem nýt­ist í starfi, en ekki er til­­­­­­­tekið hvaða stigi háskóla­­­­mennt­unar umsækj­andi þarf að vera búinn að ljúka. Þá var gerð krafa um reynslu af stjórnun og rekstri, leið­­­­toga­hæfi­­­­leika og góða hæfni í mann­­­­legum sam­­­­skipt­um, skiln­ing og áhuga á nýjum miðlum og reynslu af stefn­u­­­­mót­un­­­­ar­vinnu, nýsköpun og inn­­­­­­­leið­ingu stefn­u. 

Við­kom­andi þyrfti auk þess að vera með þekk­ingu og reynslu af fjöl­mið­l­um, menn­ingu og sam­­­­fé­lags­­­­mál­um, þarf að búa yfir góðri tung­u­­­­mála­kunn­áttu og góðri hæfni til að tjá sig í ræðu og rit­i.

Stærsta fjöl­miðla­fyr­ir­tæki lands­ins

RÚV er stærsta fjöl­miðla­fyr­ir­tæki lands­ins. ­Á­ætlað er að útvarps­­­­gjald­ið, sem eru helstu rekstr­ar­tekjur þess, verði 4.770 millj­­­­ónir króna á þessu ári. 

Mennta- og menn­ing­­­­ar­­­­mála­ráð­herra sagði í ágúst í fyrra að í und­ir­­­­bún­­­­ingi væri að RÚV hverfi af aug­lýs­inga­­­­mark­aði. Rík­­­­is­mið­l­inum verði hins vegar bætt upp það tekju­tap en hann hefur haft yfir tvo millj­­­­arða króna í slíkar tekjur á und­an­­­­förnum árum. Ekki liggur fyrir hvernig sú breyt­ing verði útfærð.

Þjón­ust­u­­­­­samn­ingur RÚV við mennta- og menn­ing­­­­­ar­­­­­mála­ráðu­­­­­neyt­ið, sem skil­­­­­greinir hlut­verk, skyldur og umfang RÚV, rann út í lok síð­asta árs og við­ræður um end­­ur­nýjun hans hafa staðið yfir und­an­farin mis­s­eri.